سلام ي حلوين / ألف شكر على التفاعل الرهيب ع البارت السابق و إن شاء الله
ألقى نفس التفاعل بذا البارت الطويل لعيونكم : )
//
ـ
مشتاق لك .. محتاج لك .. وينك ...؟
ـ
غسان بعد ما دخل وافي مكتبه طلع له فوطه وبدا يجفف شعره ..
غسان : شفيك وافي ؟
وافي إللي هدى شوي : شكراً ..
غسان : شكراً على أيش ؟ شصاير ؟ و لك يومين ما داومت في محاضراتي ..
وافي : بنسحب ..
غسان أستغرب : ليش ؟
وافي وهو يقبض على يده : ظروف ..
غسان : ما باقي شي .. أسبوعين بس ع الأختبارت ..
وافي وهو يذكر أنه بينتظر أسبوعين ع شان يعرف حالة سيف : مقدر ..
غسان : وافي .. مهما كانت ظروفك تحملها بس أسبوعين و بعدها أياام الأختبارات.
وافي هز راسه : ما راح أركز بشي ما أبي أدرس ..
غسان بحدة : تعرف من بداية الدراسة الجامعية أن مواد هالترم الأهم ، و ما شاء
الله درجاتك عالية ليش تفسد كل شي على ظروف مهما كانت قاسية لا تقسيها أكثر
بتأخرك ..
وافي خانقته العبرة : ت..تعبانه نفسيتي وربي مقدر ..
غسان مسك يد وافي : فضفض لي ..
وافي وهو يطالع في أصابعه إللي ضمتها أصابع غسان و شاف الخاتم و بدت تنزل
دموعه : أ..أهم فرد في عايلتي بين الحياة و الموت ..
غسان وهو يمسح دموع وافي : مين ؟
وافي : أبوي ..و أخوي و صديقي ..
غسان : أبوك ؟
وافي بعد يدينه من غسان : زوج أمي .. أبويني مرحومين ..
غسان أنصدم .. يتيم ! : الله يرحمهم و يقومه بالسلامة لك ..
وافي : عندي أخوان أصغر مني كان حاملهم عني و الحين محد لهم غيري ،
شلون تبيني أداوم هنا ..
غسان كسر خاطره وافي : طيب فيه ألف حل إلا أنك تترك الدراسة ..
وافي : ما فيه و ما أبي ، راح أوقع اليوم ع الورقة ..
غسان : إلا فيه ، و جرب معاي .. في البداية راح أرسل خطاب لعميد الجامعة
عن حالتك لذا راح يشفع لك تكمل هالأسبوعين ، من ناحيتي راح أعطيك
ملخص لباقي المنهج و راح أطلب من باقي الدكاترة لموادك يعطونك بعد ز.
وافي : و إذا ؟
غسان : حزتها أكتفي بساعة بس ساعة في هالأسبوعين من كل يوم تقرأ فيها مادة
حاول تصفي عقلك من أي شي و أدرس فيها و بعدها بس تعال ايام الاختبارات ..
وافي : ما أبي ..
غسان بدا يتنرفز : يعني إذا زوج أمك قام بالسلامةة بتتعبه أكثر لأنه بسببه ضيعت
سنة بس كذا ..
وافي أنغبن من جديد : ما راح أقدر أذاكر شي صدقني ..
غسان : و أنت صدقني راح تقدر .. شرايك أجيك أنا هالساعة ؟
وافي أنحرج : لا تتعب نفسك ..
غسان : منها أضمن أنك راح تدرس و منها أغير لك جوك ..
وافي : بس ..
غسان وهو يوقف : ما فيه بس ... وافي أنك تكتأب و تتضايق مو حل و أنت تقول
عندك أخوان صغار وش ذنبهم أنهم أصلاً ما عندهم أم و لا أب و بزيادة زوج
أمهم تعبان و مريض و يضيق عليهم أخوهم الكبير إللي يأس و جلس ..
وافي وهو يوقف : م... ما راح أنسحب ..
غسان قرب من وافي و حط يدينه على كتف وافي : حط في بالك أنه راح يقوم
بالسلامة .. تفاؤل و راح تشوف حسن الظن بالله وش راح يسوي ..
وافي ابتسم لغسان بتعب : شكراً أستاذ ..
