سلام يا حلوين //
إللي خلصوا أختبارات مبروك و إللي لسه الله يوفقكم ، عارفة تأخرت عليكم
بس كلن أدرى بهالفترة الأختبارات و المذاكرة ، كتبت البارت الطويل هذا
و أتمنى ألقى تفاعلكم الجميل : )
ـ
محمد : صرت تشبه وافي بس المتن من قبل مخفيك ..
عبود وهو يطالع في المرايه : ههههههه تحسسني أني أختفيت شف لساتني
مربرب..
محمد بتوتر : طيب يا مربرب أنت ... أمممم بقول لك سالفة ..
عبود وهو يلبس شنطته : شنو ؟
محمد : لما نرجع من المدرسة ..
عبود : شفيك ؟
محمد : لما نرجع يلا نطلع بنتأخر ..
في الطريق أنحرف شوي عن الطريق ووقف السيارة ..
عبود بخوف : شصار ؟
سيف وهو يفرك عيونه : فيني شوية صداع سوري ما ركزت ..
محمد : تعبان ؟ يحق لك صراحة .. ِ
سيف أخذ له نفس ضبط جلسته و وصلهم و رجع البيت ..
وافي وهو يجهز للجامعة دخل سيف غرفته و جلس ع السرير : تعال ..
وافي وهو يلبس في ساعته قرب من سيف و جلس جنبه : شفيك ؟
سيف حط يده على ظهر وافي وشده شوي له : بقول لك شي ..
وافي دق قلبه : شنو ؟
سيف وهو يتأمل في عيون وافي شلون أقول لك بذمتك و أنت بديت ترجف من دون
ما أنطق حتى ..
سيف : فيه .. فيه دورات قريبة من شهر ونص لشهرين ، أقدر آخذ وحده ؟
وافي بردة فعل سريعه : لا ..
سيف غمض عيونه شوي و فتحها : ليش ؟
وافي مد بوزه : مقدر سيف لا لا بس طاري أنك بتبعد يومين بالدوام يتعبني
شلون شهرين كثييير حتى لو أصروا عليك أرفض ..
سيف ابتسم وباس جبهة وافي : محد بيصر عليّ و ...و أنا كلي لك ما راح أقبل ..
وافي ضم سيف : خوفتني ..
سيف رفع راس وافي منه وباس شفايفه : أنا إللي مقدر أبعد عنك خطوة ...
وافي ابتسم له : أحبببببك ..
سيف الألم إللي فيه يتلاشى يختفي و ينتهي كل ما سمع كلماته كل ما ضمه لصدره
و كل ما بين له أنه أغلى ما عنده ..
وافي وهو يوقف : بتأخر ع الدوام و عندي اختبار بعد ، و أيه حبيبي نام
أنا بآخذهم من المدرسة و بشتري غداء بعد ..
سيف : ليش ؟
وافي وهو يحرك راسه براس سيف : لأنك تعبان ، شف وجهك مصفر ..
سيف ابتسم وباس يد وافي : طيب ..
طلع وافي و أنسدح سيف ع السرير وهو يآخذ نفس عميق و يطلعه بالعافية ،
ما فيه حل إلا أنه يصبر شوي .. ما راح يصير شي إذا صبر كم شهر زيادة ..
ــ
وائل : و بس ..
عبود بخوف : من جدكم أنتوا صار كذاا !
رائد : ايه نكذب يعني ..
عبود : مجنون رائد أنت ؟
رائد : يعني تبيه يتجه لوائل و أضل واقف ..
عبود : لو جاي يأذيه كان سوا له شي .. الحمد لله ما صابكم شي .
وائل وهو يتسند على رائد : أيه هزأه عبود لو صاير له شي قسم جنيت ..
عبود : الوضع ما يطمن ..
رائد : ابوي أمن المكان خلاص و شكله عرف منو إللي متدين منه أبو وائل ...
وائل : غيروا السالفة .. خالد وينه ؟
عبود : جا معاي بس قال لي بيجلس في الفصل ما يبي يجي السطح ..
وائل قرب من عبود : صار شي بينه وبين جهاد ؟
عبود : أممم ما صار شي بس تقريباً راح يصير ..
رائد : صراحة خلود كاسر خاطري إن شاء الله جهاد ما يجرحه ..
وائل : لا من خبرتي جهاد راح يعيش قصة حب مع خالد بس ننتظر شوي ..
رائد : هههههههه و خبرة بعد ..
عبود : من جده ترى خبرة وائل خطيرة ..
رائد وهو يوقف : دقيقة و تبتدي الحصة يلا سرينا ..
وقفوا نظفوا مكان فطورهم ..
في الفصل كان حاط سماعات على أذنه و يقرأ كتاب ، تفاجأ بحد يدفع كتابه
للأرض ..
خالد رفع السماعات و بعصبية : شسويت ؟
مروان : أكلمك ما ترد ..
خالد وهو يآخذ كتابه من الأرض : نعم ...
