الجزء الثامن
بابا. اول انا ما بدات حياتي بدات زيك بس الفرق اني كنت لوحدي طالب وبيتدرب في شركة مقولات صغيره وكنت بفهم بسرعه وبترقي اسرع لحد ما مسكت قسم التخطيط والتفيذ للشركه اتخرجت ويوم التخرج كنت اول مره اشوف والدتك حبيتها وكنت هتقدملها واتضح ان ابوها صاحب الشركه فتراجعت علشان ميقولش اني طمعان في الشركه او غيره بس بعد فتره الراجل مات وهيا كانت لوحدها وقفت جنبها والشركه بعد ما كانت بتقع خالص رفعتها لسابع سما والدتك شافت واتاكدت اني مش طمعان في حاجه واتجوزنا وملكية الشركه اتنقلت باسمي بس منهم عشره ٪ باسم امك عشنا مع بعض اربع سنين اسعد زوجين في العالم لحد ما يوم والدتك تعبت شويه وكشفت لقيت نفسها حامل انا فرحت جدا بس العكس بالنسبالها مكانتش عايزه اطفال واقترحت انها تنزل الجنين انا رفضت والمشاكل بدات تسع شهور جحيم بالنسبه ليا من خناق كل يوم وهيا بقت خروج وسهر وشرب ومش مراعيه انها حامل في الفتره دي اتعرفت علي شاب وحبته وجات قالتلي ساعتها انا مشوفتش حاجه قدامي وكنت هقتلها بس افتكرت ابني الي في بطنها والخساره الاكبر لو خسرتك انت بعد الولاده طلبت الطلاق وكان شرطي انها تبعد عنك تماما لا تشوفك ولا تعرفك انها عايشه اصلا واتجوزت الشاب ده وسافرو من يومها معرفش عنها حاجه
انا. خلاص كده
بابا. انا كنت......
انا. كنت صح يا بابا عمرك مبخلت عليا بحاجه ولا حسستني اني لوحدي كنت الاب والام والاخ بالنسبالي
امي. انا......
انا. لو سمحتي يا مدام كلامك ملهوش لازمه لانه مش هيغير حاجه ٢٦ سنه من عمري قضتهم من غير ام فعادي اكمل الباقي من عمري كده وانتي اخترتي من حقي انا كمان اختار
امي. يا ابني اسمعني
انا. اسف معلش النهارده فرحي ومش وقت كلام ده وياريت ما يبقاش في مقابله تانيه اتفضلي
بابا. اسمعها الاول يا عمار
انا. اسف يا بابا حضرتك استحملت وقبلت وسامحت ممكن انما انا لا لا هستحمل ولا هسمع ولا هسامح عن اذنكم
دخلت عند سجده لقيتها بتعيط قعدت جنبها مش عارف اقول اي ولا اعمل اي
انا. احم بتعيطي ليه
سجده. علشان حاسه بالوجع الي انت فيه
انا. طب المفروض انا الي اعيط مش انتي
سجده. لا خلاص دانا اموت لو دمعه منك نزلت
انا. معلش بقا بوظت اليوم الي كل بنت بتحلم بيه حقك عليا
سجده. فرح اي وبتاع اي اهم حاجه بعد الفرح مش فيه دخله وبتاع ولو دي كمان باظت
انا. طب بزمتك تبوظ ازاي وانا قدامي الجمال ده كله ادخل اخد شاور واجيلك يا جميل
سجده. ماشي وادخل انا بعدك
انا. مندخل سوا سوا
سجده. بطل سفاله بقا ويلا انا اتقلي كلام كتير ومش عايزه انساه
انا. ههههه هو انتي من الي بيتقال ليهم كلام ماشي حاضر
دخلت اخدت شاول ولبست تيشيرت نص وشروال ودخلت سجده بعدي
المهم تاني يوم
انا. سجده ساسو حبيبي
سجده. صباح الفل
انا. صباحيه مباركه يا قمر
سجده. يبارك فيك يا قلبي
انا. يلا صحصحي كده علشان نفطر
سجده. حاضر
فطرنا وقعدنا قدام التليفزيون
انا. مكنتش اعرف انك عسل كده يا ساسو
سجده. عمار عيب الله بطل سفاله
انا. سفاله اي دانتي دكتور في السفاله وقلة الادب كل ده يطلع منك وانا الي كنت فاكرك قطه مغمضه
سجده. جوزي حبيبي براحتي حلالي الله
انا. طب اجهزي بكره هنروح اسبوع الغردقه
سجده. بردو بتنفذ اللي في دماغك
انا. مانتي رفضتي نسافر اي حتة برة مصر قولت خلاص نقضي اسبوع جوا مصر
سجده. ماشي يا حبيبي الي تشوفه
انا. طب قومي عايزك في كلمتين سافلين
سجده. عماااار ههههه
انا. عيون عمار وقلب عمار وعقل عمار
تاني يوم جهزنا وطلعنا الغردقه روحت القريه بتاعتنا هناك وصلنا بعد العصر
انا. مساء الخير
مدير الفندق. مساء النور يا باشمهندس الف مبروك ونورت القريه كلها
انا. منوره بيكم مستر مايكل
مايكل. جناح حضرتك جاهز يا باشا
انا. شكرا يا مايكل ابعتولنا غدا علشان ميتين من الجوع
مايكل. ثواني يا فندم ويكون ورا حضرتك
طلعنا الجناح غيرنا لحد ما خدمة الغرف جابت الاكل وكان كله فسفور اتغدينا ونزلنا علي البسين
سجده. انا مش هينفع انزل يا حبيبي
انا. عارف يا قلبي هبقي اجبلك مايوه شرعي وننزل البحر بكره
سجده. بجد
انا. كل حاجه عايزاها تحصل انتي احلمي بس
سجده. يخليك ليا يا احلي واجمل عموري في الدنيا
انا. طب مش نطلع نريح بقا في حاجات حلوه بردو غير البسيين
سجده. حاجات اي يا حبيبي
انا. تعالي فوق هوريهالك
سجد. يلا بينا
طلعنا اوضتنا وعملنا الواحد التمام ونزلنا بليل نلف بالعربيه
سجده. الغردقه جميله اووي غير النهار
انا. فعلا يا حبيبتي تحبي تروحي فين الاول
سجده.نفسي في حاجه بس مكسوفه اقولك
انا. اممممم يبقي عايزه تروحي ملاهي
سجده. يعني قربت شويه
انا. لا قولي يا قلبي
سجده. في مدينة العاب هنا جميله سمعت عنها علي الفيس
انا. بس كده عيوني
سجده. اي ده بجد هنروح
انا. طبعا هنروح
سجده. يا حبيبي برستيجك والناس وانت معروف يعني
انا. تولع الناس المهم انتي
وروحنا وكان المكان تحفه بالمعني الحرفي ولعبنا انا وسجده لحد متعبنا من اللعب
انا. اي مش جعانه
سجده. ميته من الجوع بس مش عايزه امشي
انا. نروح نتعشي ونشتري المايوه علشان البحر وبعد بكره نيجي تاني
سجده. اه صحيح هنكون بكره تعبانين من البحر
انا. تمام يلا بينا
وروحنا المول نشتري المايوه بعد ماتعشينا كريب وشاورما دخلت سجده المحل
سجده. مساء الخير
بنت. مساء النور يا فندم اومري
سجده. تسلمي كنت عايزه مايوه شرعي
بنت. تحبي لون معين
سجده. ثواني.. عمار اجيب لون اي
انا. من رائي الاحمر في الاسود جميل بس الي يعجبك
سجده. تمام يبقي الاحمر في الاسود
بنت. عنيا يا فندم..... اي راي حضرتك
سجده. اي رايك يا عمار
انا. جميل ادخلي شوفي المقاس
سجده. حاضر
بنت. حضرتك اخوها ولا قريبها ولا صاحبها
انا. لا ده ولا ده ولا ده انا كل دول
بنت. مش فاهمه
انا. انا جوزها
بنت. يابختها
انا. نعم
سجده. اي رايك يا حبيبي
انا. تحفه عليكي يا قلبي يلا هاتيه
اخدت البنت المايوه وغلفته في شنطه ودفعنا الحساب وخرجنا برا المحل وقعدنا علي كافيه في المول بردو شربنا وضحكنا ورجعنا الفندق طلعنا اوضتنا اخدنا شور ونمنا صحينا تاني يوم نزلنا فطرنا وروحنا علي البحر وسجده كانت زي الطفله بتلعب في المايه معايا وكنت حاسس بفرحتها خلص الاسبوع في الفسح والخروجات والاوقات الحلوه ورجعنا البيت دخلنا سلمنا علي بابا واتعشينا معاه وطلعنا رايحنا صحينا تاني يوم اخدت شاور ولبست ونزلت لقيت ساجده في المطبخ تحت
انا. بتعملي اي
سجده. بعملك فطار انت وبابا
انا. اومال الناس دي كلها بتعمل اي
سجده. يعملوا اي حاجه وكل حاجه الا خدمتك انت وبابا عليا انا
بوست ايديها وحضنتها جامد وخرجنا انا وهيا الفطار علي السفره لحد مابابا نزل
بابا. الفطار ليه طعم تاني النهارده علشان وجودك معانا يا سجده
سجده. بوجودك يا هندسه يا عسل انت
انا. ها واي كمان
بابا. اي ياض هتغير مني ولا اي
سجده. طبعا لازم يغير يا احلي باش مهندس في الدنيا كلها
انا. طب انا همشي علشان منطلعش في صفحة الحوادث
بابا. صاحب شركات طاحون يقوم بقتل زوجته بعد اسبوعين من الفرح
سجده. هههههههههه لا انا اقوم اعمل القهوه احسن
بابا. بقول كده بردو اكسبي عمرك
انا. متعمليش ليا انا همشي علشان اتاخرت واجهزي الساعه ٢ علشان اجي نروح لماما
سجده. حاضر
خرجت روحت الفرع في وسط التهاني والمباركه من الناس دخلت مكتبي واتصلت بفتحي
فتحي. يا عريييييييييس
انا. اي يا صداع فينك
فتحي. في بورتو السخنه يا خفيف
انا. طب اعمل حسابك الغدا عندي بكرا
قفلت مع فتحي وكلمت احمد
احمد. انا لو قولت وحشني يبقي بكدب
انا. ماكيد كداب من يومك
احمد. اخبارك يا غالي
انا. تمام يا حب اعمل حسابك الغدا بكرا عندي
احمد. تمام
واتصلت بعتمد
معتمد. اخويييييا العريس
انا. حبيب قلبي يابو النسب
معتمد. مش ابو نسب با جاهل اسمها عديلك
انا. ههههه متفرقش المهم انت وحبيبه عندي بكرا علي الغدا
معتمد. تمام يا حب
قفلت وكملت شغل علي دخول مي السكرتيره
مي. بعد اذنك يا فندم
انا. ايوه يا مي
مي. فيه واحده بره طالبه تدخل لحضرتك
انا. مقالتش مين
مي. لا يا فندم
انا. خليها تتفضل وهاتيلي قهوه
خرجت مي ودخلت الست وانا براجع الملفات الي في ايدي وقالت صباح الخير
انا بهدوء. انتي اي الي رجع حضرتك تاني
امي. وحشتني
علي دخول سجده من غير ما تخبط ومتعرفش مين الي عندي
سجده. هيا مين دي الي وحشتها يا عنيا انا سمعت كل حاجه بوداني
انا. خلصتي ولا لسه
سجده. معلش اندمجت شويه في المشهد سوري
امي. ازيك يا سجده
سجده. احم اهلا بحضرتك
انا. يلا علي شغلك يا سجده
سجده. حاضر
خرجت سجده وامي كملت كلامها
امي. انا غلط واستاهل كل الي يجرالي بس متحرمنيش حتي اني اشوفك
انا. ما انا قولت لحضرتك انا كمان حقي اختار زي ما انتي اخترتي زمان
امي. بس غصب عنك انا امك
انا. مختلفناش بس بردو انا الي اقرر ده اسف معلش عندي شغل
امي. عن اذنك
خرجت وانا اترميت علي كرسي المكتب وحطيت وشي بين ايدي وعيني دمعت مفوقتش غير علي حد بيطبطب عليا وياخدني في حضنه
سجده. بس يا حبيبي بس يا قلبي متعملش في نفسك كده
انا بدموع. وحشاني يا سجده نفسي اخدها في حضني واحس بدقات قلبها
سجده. واي مانعك يا حبيبي خف الحمل عليها وعلي نفسك وانسي الي فات
انا. مش قادر انسي انها سابتني ابنعمر يوم علشان مكانتش قد المسئوليه او خايفه علي شبابها
الي هتضيعه في تربية العيال
سجده. طب فك كده بقا وتعالا نخرج يلا الساعه ١.٣٠ نروح نجيب ايس كريم وبعدين نروح لماما
انا. احم يلا بينا
خرجنا سوا وروحنا علي بيت حماتي رنيت الجرس وفتحت
انا. وحشاني يا فوفا يا قمر
وفاء. عمور حبيبي تعالا واخدتني في حضنها
سجده. وانا اي افضل علي السلم يعني
وفاء. مش مهم انتي
سجده. وحشاني يا ماما وحضنتها
وفاء. وانتي كمان يا قلب ماما
دخلنا قعدنا واتغدينا وسجده دخلت تعمل القهوه
انا. ماما كنت عايز اقولك علي حاجه كده
وفاء. قول يا حبيبي سجده مزعلاك في حاجه
انا. ابدا يا ماما هو فيه زي سجده انا كنت عايز حضرتك تيجي تقعدي معانا في الفيلا واهو تبقي جنبنا ومع سجده
وفاء. مش عارفه اقولك اي يا ابني مش هاين عليا اسيب البيت وذكريات المرحوم وبردو مش هاين عليا اكسفك وبعدي عن سجده
انا. الله يرحمه بس سجده محتجالك جنبها وهيا عايزه كده
وفاء. الي تشوفه يا ابني بس مش عايز اتقل عليكم
انا. تقلي براحتك وميهمكيش حاجه وده قرار نهائي انا هروح الحمام بقا
قومت روحت الحمام وسجده جات قعدت مع مامتها بعد معملت القهوه
وفاء.سجده انتي قولتي لجوزك ياخدني اعيش معاكم ولا زنيتي عليه في حاجه
سجده باستغراب. لا يا ماما محصلش وحياتك
وفاء. ربنا يباركلك فيه راجل وابن اصول
سجده. ليه فيه حاجه حصلت
وفاء. قالي احي اعيش معاكم في الفيلا علشان ابقي جنبك بس انا عارفه انه خايف عليا اكون لوحدي من يوم تعبي
سجده. بجد قال كده ربنا يخليك ليا يا عمار وميحرمنيش منك ابدا
انا. مين بيقول اسمي
قامت سجده جري عليا ودخلت في حضني
سجده. بحبك اوووووي
انا. مالها البت دي اتهبلت ولا اي
سجده. ماما هتعيش معانا صح
انا. احم مش انتي طلبتي كده يا بنتي وغمزتلها
سجده. هههههه منا زي الحماره هيا سالتني وانا قولت معرفش حاجه
انا. فالحه يا اختي ماما انا كنت
وفاء. انت ابن اصول يا ابني وقلبك كبير
انا. خلاص موافقه يعني صح
وفاء. علشان خاطرك بس
انا. خلاص سجده جهزي شنط ماما بسرعه
وفاء. احم طب وباباك
انا. قايله من يوم ما جينا من الغردقه وموافق ومبسوط جدا كمان
اخدت حماتي ورجعنا الفيلا وبابا رحب بيها واتعشينا وطلعنا نمنا تاني يوم اتجمعنا كلنا علي الغدا فتحي واحمد ومعتمد وحبيبة خطيبة معتمد ووالدة حبيبه وحامد عم سجده وجاسر خال سجده وبابا اتغدينا والرجااله قعدت في الجنينه علي البسين والحريم جوا وسجده وحبيبه قاعدين لوحدهم
سجده. مش ناويه ولا اي
حبيبه. علي اي يا سوسو
سجده. فرحكم انتي ومعتمد يا بنتي
حبيبه. اذا كان عليا النهارده قبل بكره بس معتمد الي بياجل علشان شغله مفيش اجازات دلوقتي
سجده. اذا كان كده يبقي معاه عذره
حبيبه. انتي عامله اي مع عمار مبسوطه
سجده. جدا جدا جدا يا حبيبه هو بالنسبالي اب واخ وحبيب وصديق وزوج وكل حاجه حنين جدا وقلبه كبير اوووووي يساع الدنيا كلها
حبيبه. طب وفي الامور التانيه
سجده. ياسافله انتي احترمي نفسك
حبيبه. مش بطمن علي جوز اختي وصاحب واخو خطيبي
سجده. مقولكيش يا بت يا حبيبه حنين معايا علي اسد علي كل حاجه
حبيبه. يعني بتبقي مبسوطه وانتي معاه
انا. جدا جدا الاول كنت خايفه بصراحه لا يكون التزامه وكسوفه ده مشكله بس طلع عكس كدة خالص
حبيبه. طب كويس اوووي ربنا يسعدكم يا حبيبتي
انا. سجده عايزك
سجده. هااااه حاضر حاضر
حبيبه. هو سمع حاجه ولا اي
سجده بخوف. مش عارفه خايفه يكون سمع ويزعل مني
حبيبه. طب روحي شوفي بس عايز اي
جات سجده اوضة المكتب خبطت ودخلت
انا. ينفع الي حصل ده
سجده. انا..........
انا. مش عايز مبرر ينفع
سجده. اسمع بس علشان خاطري
########
