انا عملت نفسي مسمعتش. حاولي تظبطي الارقام دي مع المحاسبين ولا اقولك سبيلي الموضوع ده
زهره. انت سمعت وبتستهبل
انا. ايوه يا زهره سمعت وانتي عارفه ردي عليكي بلاش نخسر الصداقه الي بينا والشغل علشان انا لا هحب غير سجده ولا هتجوز غيرها
زهره. مش مهم جواز انا موافقه عرفي حتي
انا. زهره بعد اذنك انتي ليكي معزتك عندي بلاش تخسريها
زهره رجعت قعدت مكانها تاني. يعني الحاجه الوحيده الي اتمناها متتحققش
انا. مش كل حاجه بنعوزها بناخدها وانتي عارفه انه مينفعش من الاول
زهره. صح بس قلبي حاكم عليا
انا. حكمي عقلك احسن احنا اصحاب وبس
زهره. احم عن اذنك يا عمار انا همشي
خرجت من غير ما تسمع ردي عليها وبعد نص ساعه
جالي مكالمه وبعدها كلمت لمياء تحضر لاجتماع
انا. صباح الخير اسف علي الاجتماع المفاجئ ده
احمد. خير يا فندم حصل حاجه
انا. ايوه يا احمد حصل فين فتحي
فتحي. انا جيت اسف علي التاخير
احمد. مش عوايدك تتاخر عن ميعاد
انا. حصل خير الطريق واقف
فتحي. فعلا عرفت ازاي
انا. لان في كوبري واقع بين الاباجيه والسيده عيشه
حسن. الكوبري الي جنب القلعه من امتي ده
انا. ايوه ومش مهم امتي وليه المهم ازاي
فتحي. انا المسئول عن التخطيط والتنفيذ وحضرتك عارف شغلي
انا. عارف يا هندسه ومتاكد ان المشكله اكبر من ان الشغل مش مظبوط
علا بتوتر. قصد حضرتك ان حد قاصد يضرب اسس الكوبري علشان يحصل كده
انا. ايوه
احمد. عمار احم قصدي يا فندم المشكله من برا فرع فتحي مش من عنده
انا. لا من عنده
فتحي بصدمه . وحضرتك تعرفه
انا. ايوه
فتحي. مين هو
انا. علا
كلهم قاموا وقفوا وبصوا للمهندسه علا
فتحي بعصبيه. عمار انت واعي لكلامك
احمد. فتحي اهدا مش كدا معلش يا عمار وانتي يا علا دافعي عن نفسك
فتحي. تدافع تقول اي انت اتجننت انت كمان مستحيل تعمل كده
انا. رافي دفعلك كام يا علا
فتحي بصوت عالي. عمار كلمه كمان وهنخسر بعض فاهم
احمد. يبنتي اتكلمي قولي حاجه
معتمد. لا سيب الكلام عليا انا
دخل معتمد وضرب فتحي بالقلم
انا بصدمه. معتمد ليه كده
فتحي. انت قد القلم ده
معتمد. عايز واحد كمان علشان تصدق اني قده تخسر صاحبك واخوك ليه علشان دي
فتحي. دي خطيبتي وهتبقي مراتي
معتمد. ولو مراتك حتي يا اخي افهم واعقل الكلام من امتي عمار بيقول حاجه وتطلع غلط ولو مش متاكد من حاجه زي دي هيقول ازاي ويخسرك يا غبي..... مبتردش يعني طب امسك شوف بنفسك واحكم
خد فتحي الفون من معتمد. انا انا مش مصدق ازاي طيب ده انا حبيتك عشقتك ازاي تخوني ثقتي وحبي ليكي
علا بدموع كتير. انا اسفه يا فتحي كنت محتاجه للفلوس والطمع عمي عنيا انا......
فتحي ضربها بالقلم. مسمعش صوتك ولا اشوف حتي ظلك في مكان انا موجود فيه فاهمه..... انا انا اسف يا عمار سامحني يا صاحبي واستقالتي هتكون علي مكتبك كمان نص ساعه
خرج فتحي من اوضة الاجتماعات
انا بحزن. احمد روح وراه متسيبهوش لوحده
معتمد. انتي لسه قاعده خدوها ( اتنين من الامن الوطني كانو مع معتمد) حضرتك متهمه بالتخابر والتجسس لحساب دولة اسرائيل
علا. لااااااا انا لعبت في تسليح الكوبري بس
قعدت علي الكرسي وحطيت ايدي علي راسي
انا. رافي اسرائيلي يا علا يعني قضية تجسس مش مجرد شغل مقاولات
علا. عمار وحياة ابنك قولهم اني مكنتش اعرف
انا. ،،،،،،،،،،،،،،،،،،
علا. عمار والنبي يا عمار متسبهمش ياخدوني
سحبوها الاتنين وخرجوا بيها برا الاوضه والشركه كلها ودخل احمد
انا. سيبته ليه
احمد. صمم يكون لوحده
انا. ازاي صمم انا رايحله
قومت اخدت الجاكت روحت علي بيت فتحي
ام فتحي. اهلا اهلا بحبيبي وابني التاني الي مش بيسال
انا. ازيك يا امي معلش فين فتحي
ام فتحي. مالك يا عمار يا ابني في حاجه متقلقنيش
انا. مشكله في الشغل واتعصبت شويه علي فتحي وزعل ومشي
ام فتحي. طب تعالا ادخل زمانه جاي انا هرن عليه
انا. ياريت علشان مس عايز يرد عليا
رنت عليه وفتح عليها وهيا فتحت الاسبيكر
فتحي. ايوه يا ماما
ام فتحي. انت فين يا حبيبي
فتحي. في الشغل يا امي
ام فتحي. طب تعالا معلش عايزاك ضروري
فتحي. انت كويسه فيكي حاجه
ام فتحي. لا يا ضنايا انا بخير بس عايزاك ضروري
فتحي. عمار عندك ولا معتمد ولا احمد
ام فتحي. ليه في حاجه يا حبييبي علشان يبقوا موجودين
فتحي. لا يا امي انا جاي حاضر
ام فتحي. بالسلامه يا حبيبي......... عمره مكسر بخاطري ابدا الواد ده حتي وهو في مشاكل الدنيا ديما كلمة حاضر علي لسانه
انا. ربنا يخليكي لينا كلنا يا امي.... بس مش مشكله عادي فتحي قلبه انكسر ومستحيل يتصلح تاني
ام فتحي. يا حستي السوده سلامة قلبه فهمني يا عمار
حكيتلها كل حاجه حصلت في الشركه
ام فتحي بدموع. يا قلب امك يا ابني
انا. امسكي نفسك يا امي انا جاي اراضيه هيشوفك كده هيقتلني
ام فتحي. وانت ذنبك اي هيا بنت الكلب الغداره الي اشوف فيها يوم........ الباب خبط....... اهو جيه
فتحي. خير يا ماما
ام فتحي. اقعد عمار عايزك
فتحي. اي يا غالي فيه حاجه حصلت
ام فتحي. عمار فهمني كل حاجه
فتحي. وفهمك اني شكيت في كلام اخويا وكدبته قدام موظفينه
انا. متكبرش الموضوع وانا لو مكانك كنت عملت اكتر من كده
فتحي. انا كنت هجيلك البيت اراضيك والله
انا. وهو فيه اخ بيزعل من اخوه مهما حصل
ام. يسلم لسانك يا ابني يلا قوم يا ضنايا غير علشان نتعشي سوا
انا. بالهنا والشفا هرجع انا للبيت علشان عندي حاجات كتير معلش.......... واه هستناك بكره علشان تتابع شغل الكوبري
فتحي. عمار انا......
انا. لا انا ولا انت خلص الكلام عقليه يا امي
ام فتحي. **** ميحرمكم من بعض يا ابني
انا. سلام علبكم
الاتنين. وعليكم السلام
نزلت ركبت العربيه وروحت لمعتمد
انا. مفيش حل يعني
معتمد. ام قلبك ده الي مضيع الدنيا
انا. هيا مكانتش تعرف الفخ ده
معتمد. ماشي يا عمار هعمل الي ربنا يقدرني عليه
انا. تسلم يا غالي اكتب المحضر انه اسراف في المال العام بس ودي اخرها سنه وغرامه ولو دفعت الغرامه السنه تسقط من عليها
معتمد. حاضر
عدي اسبوع ما بين الشغل وغيره وقابلت زهره مرتين ومفتحتش الموضوع تاني وفي يوم
لمياء. بعد اذنك يا فندم
انا. خير يا لمياء
لمياء. اصل الباشمهندسه علا طالبه تقابل حضرتك
انا. طب دخليها
لمياء. حاضر......... اتفضلي يا علا
علا. احم
انا. ازيك يا علا تشربي اي
علا. شكرا يا فندم
انا. قهوتي وعصير للباشمهندسه يا لمياء
لمياء. حاضر
انا. خير يا علا
علا. انا اسفه
انا. علي اي انا واحد صاحب شغل ومفيش حاجه انكسرت عندي غير شوية فلوس ملهاش لازمه وكويس ان مفيش حد حصله حاجه في الكارثه دي
علا. فاهمه حضرتك
انا. كويس انك فاهمه
علا. شكرا علي تدخلك وانك خرجتني التهم الي اتوجهت ليا
انا. لا يا ستي متشكرنيش انتي حلفتيني بابني ومراتي وانا مقدرش اسيبك كده علشام العيش والملح كمان
علا. كتر خيرك
انا. شرفتي يا علا
خرجتي علا من مكتبي كان فتحي واقف في السكرتاريه
لمياء. اتفضل يا باشمهندس
فتحي. اخيرا هو مين كان عند............. انتي
علا. فتحي اسمعني
سابها من غير ميرد ودخلي المكتب
فتحي. احم صباح الخير
انا. تعالا وقول الي عندك متكتمش جواك
فتحي بعصبيه. كانت بتعمل اي الزباله دي هنا
انا. عيب انا ميدخلش شركتي ومكتبي زباله يا توحه اقعد بس
فتحي. حاضر وادي قاعده
انا. انا عارف انك كنت بتحبها ولسه بتحبها
فتحي. عمار انت......
انا. متمثلش عليا وحيات امك الغاليه انت مش جلاد ولا قاضي هتحكم علي الناس قلبك ملوش ذنب والبنت عرفت غلطتها وكانت لحظه شيطان
فتحي. شيطان اي ده دي لا عملت اعتبار ليا ولا ليك ولا لاكل عيشها طب مش خايفه علي ده كله تخاف من الصدمه الي انا اتعرضتلها كان ممكن اموت
احمد. بعد الشر يا عم
انا. تعالا اسمع وشوف
احمد. سمعت ما صوت البيه جايب اخر الشركه
فتحي. هو صوتي كان عالي
انا. ههههههه لا ميهمكش المهم انك تفضفض بس
احمد. اسمع يلا البنت انضحك عليها متعرفش بالحوارات الي حصلت هيا كانت عايز الفلوس والاتفاق ان الكوبري يختل توازنه بس
فتحي. يا عم انت هو انت بتكلم بتاع فول وطعميه كوبري اي الي يختل توازنه بس هو عمود نور ولا جدار متر في متر
انا. فتحي البنت عايزه تعتذر وندمانه
فتحي. وانا مامنش علي نفسي ولا علي بيتي مع واحده زي دي
احمد. سسبوا براحته بقا يولعوا في قلب بعض
فتحي. المهم ده التخطيط الجديد وهنبدا من اول الاسبوع
انا. تمام
فتحي. دفعت غرامه كام
احمد بصوت واطي. فتحي اعقل
انا. بتسال ليه
فتحي. خدني علي قد عقلي
انا. ٤٤ مليون
فتحي. ده شيك بخمسين مليون
انا. بمناسبة اي
فتحي. لقيته النهارده الصبح في ظرف حد حطه من تحت باب الشقه ومشي
انا. مارك
فتحي. مش عارف زي ما لقيته زي مانت خدته اهو
احمد. فتحي؟
انا. خلاص يا احمد الشيك باسمه
فتحي. اسم مين؟
انا. رافي... المهم انتو عملتوا اي
فتحي. انا متابع الكوبري بنفسي وكذا مشروع تاني
احمد. وانا ماشي في تخطيط المشاريع الي كلفتني بيها
انا. تمام انا همشي
فتحي واخمد. مالك
انا. سلامتكم بس حاسس اني مرهق شويه
فتحي. طب متجرب تسافر اي مكان تريح اعصابك شويه
انا. هحاول يلا سلام
رجعت البيت ودخلت لقيت حماتي وابويا وسجده وعز بيلعب بعربيته
بابا بقلق. راجع بدري مش عوايدك
انا. ابدا يا حبيبي شوية ارهاق بس
سجده. سلامتك يا حبيبي حاسس بايه
انا. مفيش انا......... وقبل مكمل كلامي وقعت من طولي
سجده. عماااااااار
بابا. صخرررررر يا صخررررررر
صخر. افن..... ماله عمار
حماتي. اطلب دكتور بسرعه
صخر. حاضر حاضر
شويه وجه الدكتور وكشف عليا وركبلي محاليل
سجده. خير يا دكتور
الدكتور. خير يا هانم ضغط عصبي ونقص في الغذا مش اكتر حصله هبوط سيبوه يرتاح لحد ميصحي لوحده
بابا. اتفضل يا دكتور
الدكتور. من بعدك يا باشا
بابا. في حاجه مخبيها
الدكتور. بصراحه الباشمهندس جسديا كويس جدا بس ده تعب عصبي ونفسي
بابا. تنصح بايه يا دكتور
الدكتور. يبعد عن اي ضغط نهائي لا شغل ولا زعل في البيت حتي
بابا. مفهوم
بابا وصل الدكتور وطلعلي تاني
سجده. بابا الدكتور قال حاجه لحضرتك
بابا. لا يا بنتي مقالش حاجه
سجده. عمار كويس يعني
بابا. هيبقي كويس بعد متسافرو وترجعوا
حماتي. سفر اي ده وليه
بابا. علشان عمار محتاج لراحه نفسيه ويبعد عن اي ضغط عصبي
سجده. وحضرتك شايف اي يا بابا
بابا. هحجزلكم انتو الاتنين تسافرو شهر في مكان وانتي وشطارتك بقا
سجده بكسوف. الي تشوفه يا بابا
انا. ومين قال اني موافق
سجده. عمار حبيبي سلامتك يا حته مني
انا. تسلمي يا قلبي
بابا. ومين محتاج موفقتك ده امر واقع ولازم تقبل
حماتي. بابا عنده حق يا ابني علشان تريح اعصابك شويه
انا. طب اظبط شغلي الاول
بابا. ملكش دعوه انا هتابع الشغل كله
انا. الي تشوفوه
بابا. يلا ارتاح وسجده تجهز الشنط
سجده. حاضر يا بابا
خرج بابا وحماتي وبصيت لسجده لقيتها مبتسمه بهبل كده
انا. مالك يا بت في اي
سجده. اخيرا هستفرد بيك شهر كامل مكمل فطار غدا عشا
انا. مشكلتك في الاكل بس هههههه
سجده. عمااار اله بنكسف
انا. طب متيجي نضيع الكسوف ده
سجده. الدكتور قال راحه النهارده بطل قلة ادب
انا. كده طيب تصبحي علي خير
سجده بلهفه. خلاص خلاص حقك عليا متزعلش
انا. عبيطه وهبله بتيجي بكلمه
سجده. هههه رخم عمار يسمعونا عمار
تاني يوم سجده جهزت الشنط بنفسها وكان بابا حاجز التذاكر علي المالديف وفتحي واحمد ومعتمد جم اطمنوا عليا ووصلوني المطار ركبنا الطياره ووصلنا روحنا علي الشاليه الي في يعتبر في جزيره صغيره لوحدنا
انا. عجبك الشاليه
سجده. قول عجبك الجزيره
انا. يبقي عجبتك
دخلت اخد دش واغير هدومي فتحت الشنط
انا. سجده
سجده. نعم يا حبيبي
انا. اي ده
########################################
