الفصل السادس عشر
معتمد. بتعملي اي هنا
حبيبه. جايه اطمن علي احمد واعتذرله
احمد. اي يا معتمد حبيبه ضيفه عندي
معتمد. ماشي يا احمد انا برا شويه وهاجي لما ضيوفك تمشي
احمد. لا تعالي عايزك
معتمد. معلش هستني انا.....
احمد. متتعبنيش بقا تعالا
معتمد. حاضر ادي قاعده خير
احمد. حبيبه فهمتني كل حاجه وهيا مش غلط
معتمد. وبعدين
احمد. يا جدع بتحبك وعايزه تبقي معاك النهارده قبل بكره
انا. خلاص بقا ياض هنتحايل كتير
فتحي. ولا انت خايف من الجواز اي مش.....
انا. هوب هوب منتج يا باولوا
ضحكنا كلنا قامت حبيبه قربت من فتحي
حبيبه. حقك عليا متزعلش بحبك
معتمد. ميتكررش تاني الموضوع ده
حبيبه. امرك يا سي معتمد
انا. الا قولي يا سي معتمد
معتمد. نعم انت كمان
انا. لا ولا حاجه يا سيد الناس سلامتك
فتحي. اي بتبصلي ليه انت مش شايف بقا عامل ازاي
انا. اه ياض يا فتحي عندك حق ده بعد فرقة الاركان الي اخدها اعرض كده وبقا جرم
حبيبه. خمسه عليه من عنيكم يا ساتر
احمد. طب تعالا سندني يا جرم تعالي
انا. كلنا معاك يا غالي اهو
سندنا احمد وقام مشي شويه في طرقة المستشفي
انا. حاسس بحاجه وجعاك ترتاح شويه
احمد. يعني شوية وجع في ظهري بس
فتحي. كفايه عليه كده يا عمار
احمد. لا يا فتحي عايز امشي عايز اقوم باسرع وقت
معتمد. ليه يابني خود وقتك علشان ميحصلش مضاعفات ولا حاجه
انا. لو قعد هيتعب اكتر سيبوه يلا ريح شويه ونكمل تاني ثواني وراجعلكم
فتحي. علي فين
انا. هروح اسال حد اذا كان هنا في مركز علاج طبيعي ولا لا
احمد. مش مستاهله يا عمار
معتمد. لا عمار صح تمشي وتعمل الي انت عايزه بس يكون معاك متخصصين
فتحي. روح يا عمار
نزلت الاستقبال سالتهم وطلع في مركز في المستشفي حجزت لاحمد فيه وطلعتلهم تاني
انا. هتبدء من بعد بكره العلاج
احمد. تمام ماشي
معتمد. يلا يا حبيبه علشان اوصلك بالمره
حبيبه. حاضر.... سلام يا احمد سلام يا شباب
احمد. سلام يا حبيبه
انا. لو زعلك تاني قوليلي
معتمد. هتعمل اي يعني
انا. ولا حاجه يا عم بتاخد الكلام علي صدرك ليه
فتحي. هههههه يا جبان
انا. وماله ملكش دعوه
احمد. اطفال لسه اطفال
معتمد. لا ياض انت الي كبرت قوي.... يلا سلام
مشي معتمد وقعدنا شويه مع احمد لحد ما والدته جات وبعدها بشويه سلمي وابوها
انا. طب نمشي احنا ونجيلك بعدين يا احمد
حسين. اي يا باشمهندس اذا حضرت الشيلطين ولا اي
انا. لا ابدا يا حسين بيه العكس صحيح طبعا بس معلش عندي مشوار وشغل ضروري
حسين. يكون في عونك يا باشمهندس
انا. سلام يا احمد
احمد. سلام يا صاحبي
في بيت حبيبه ومعاها معتمد
والدة حبيبه. مكانش مستاهل تعمل كل ده يا معتمد
حبيبه. ماما متفتحيش الموضوع ده تاني انا مصدقت نسي وصالحته
معتمد. خلاص يا امي حصل خير
حبيبه. هتتعشي معانا يا قلبي
معتمد. لا مش هقدر ماما مستنيه هيا وعليا هخرج افسحهم
حبيبه. وهتسبني قاعده هنا
معتمد. ليكي فسحه عندي يا ستي بس اليوم ده مخصص ليهم هما من العصر لحد ميقولوا تعبانين عايزين نروح
حبيبه. وماله يا حبيبي هما ليهم غيرك يدلعو عليه
معتمد. ماشي يا قمر يلا استاذن انا
والدة حبيبه. احمد عامل اي
معتمد. كويس ومشي علي رجله كلها اسبوع بالكتير ويخرج بالسلامه
والدة حبيبه. ونفرح بيكم بقا
معتمد. طبعا بعدها بثلاث ايام علي طول فرحنا
حبيبه. خلاص انا اجهز نفسي ودنيتي بقا
معتمد. تمام وامسكي الفيزا دي
حبيبه. اعمل بيها اي
معتمد. اله مش ليكي طلبات وهتشتري حاجات
حبيبه. ايوه بس معلش يا حبيبي يعني بابا يزعل
معتمد. لا متقلقيش اتفاقي معاه ان اي حاحه تخصك من تجهيز للفرح انا ملزم بيها
حبيبه. ماشي يا روحي ربنا ميحرمني منك
والدة حبيبه. ايوه بس متوسعيهاش اوي وتشطبي علي فلوس الراجل بالعقل
معتمد. لا براحتها الخير كتير
حبيبه. طب عايزاك في البلكونه شويه يا حبيبي
معتمد. تعالي بعد اذنك يا امي
والدة حبيبه. خدو راحتكم يا ابني
معتمد. خير يا حبيبي
حبيبه. احم عايزه اعرف رايك في اللبس الي هجيبه
معتمد. وماله يا حبيبي
حبيبه بكسوف. طب تحبه قصير شفاف ولا اي الي بيعجبك يعني
معتمد. معلش انا فهمت غلط انتي تقصدي الحاحات دي
حبيبه بكسوف اكتر. يووه يا معتمد اومال جبتك لوحدنا ليه
معتمد. ههههههه ماشي.... انا عايزك تبهريني انا هسيببلك الاختيار
حبيبه. بردو لازم اعرف انت بتحب اي علشان اجيبه الالوان مثلا
معتمد. لا عايز اشوف اختيارك انتي وزوقك
حبيبه. بردو ماشي يا سيدي بس متجيش تشتكي بقا
معتمد. لا مش هشتكي.... يلا همشي انا سلام
حبيبه. سلام يا روحي
عند فتحي في بيت علا
قاعد مع ابو علا ووالدتها واخوها
والد علا. منورنا يا باش مهندس
فتحي. نور حضرتك يا عمي تسلم
والدة علا. اومال الست الوالده مجاتش ليه
فتحي. الزياره الجايه تيجي ونقرا الفاتحه بعد موافقتكم طبعا
والد علا. والوالد موجود
فتحي. لا يا عمي اتوفي من وانا في الجامعه
كلهم. الله يرحمه
اخو علا. ليك اخوات
فتحي. لا مليش اخوات بس....
علا. عنده ثلاث اخوات عمار ومعتمد واحمد
والدة علا. اله مبيقول انه معندوش
فتحي. علا قصدها انهم اصحابي واخواتي
والد علا. اه فهمت واكيد طبعا اكتر من الاخوات بحيث ان علا تقول كده
فتحي. طبعا يا فندم اكتر من الاخوات
والد علا. ودول مهندسين بردو
فتحي. عمار واحمد مهندسين معتمد مهندس حربي برتبة رائد
والد علا. عظيم ربنا يديم المحبه بينكم
فتحي. امين
والد علا. خلاص يا باش مهندس كمان يومين تجيب الحاجه ونقرا الفاتحه
فتحي. احم معلش يا عمي خليها كمان اسبوع من النهارده يكون احمد خرج بالسلامه
والد علا. خرج منين
علا. المستشفي يا بابا
والدة علا. كفانا الشر ليه ماله
فتحي. مضروب بالنار
كلهم بخضه. يا ساتر
والد علا. ليه يا ابني
فتحي. نصيبه كان رايح يتقدم لبنت وهو خارج اخد طلقه قناصه بدل حماه
اخو علا. قناصه ليه هو حماه تاجر سلاح ولا مخدرات ده
فتحي. لا سكرتير رئيس الجمهوريه
اخو علا. متهزرش با باش مهندس
علا. وهو هيهزر في حاجه زي دي ليه
والد علا. ده بجد سكرتير رئيس الحمهوريه
فتحي. ايوه يا عمي
اخو علا. زوافق عادي علي صاحبك كده
فتحي. قصدك اي
علا. ميقصدش حاجه يا فتحي هو بيبحب يهزر
فتحي. تمام استاذن انا وعلي ميعادنا يا عمي
والد علا. شرفت ونورت يا ابني تشرفنا في الوفت الي تحبه
فتحي. ده العشم بردو سلام عليكم
وصلوا فتحي لحد الباب وعلا رجعت
علا. مش تاخد بالك من كلامك انت كمان
اهو علا. انا قولت اي يعني بهزر
علا. لا متهزرش مع فتحي في اصحابه بالذات
والد علا.* حصل خير يا بنتي والراجل مزعلش
اخو علا.* كويس انه مرمكش من الشباك
والدة علا.* ليه يعني هو قال اي لده كله
علا.* دي اقل حاجه ده معتمد ساب خطيبته شهر واكتر علشان بس قالتله نعمل الفرح وكان احمد لسه مفاقش
والد علا.* للدرجادي بيحبوا بعض
علا.* بيحبوا بعض دي قليله يا بابا ده يوم ماحمد انضرب بالنار وعمار عرف الي عمل كده كان عايز يقتله لولا الامن القومي قبض علي الراجل ده عارف قال اي قال لو الشخص ده مش في الامن القومي لا ده لو في قصر الرياسه نفسه هجيبه وكان قادر يعملها علشان علاقته مع رئيس الجمهوريه بنفسه
والد علا.* هو اسمه عمار اي
علا.* عمار عز الدين ابو طاحون
والد علا.* الحوت الازرق
اخو علا.* اي الحوت الازرق ده يا بابا
والد علا.* ده الاسم الي الصحافه ورجال الاعمال مسمينه بيه
علا.* سمعت قبل كده بس معرفش معني الاسم
والد علا. معناه واضح شخص مسيطر علي سوق المقاولات بالكامل مفيش حاجه بتتبني في البلد الي ويكون ليه يد فيها ومبيظهرش في الاعلام نهائي فهمتي
علا. اه فهمت الحوت الازرق اكبر كائن في البحر بس محدش بيشوفه صح
والد علا. صح يا بنتي يعني مينفعش فعلا الهزار مع الناس دي
علا. طب انا داخله اريح شويه
