الفصل الثامن عشر
صخر. كل الموكب يجهز للتعامل
كلهم. جاهزين
صخر. متقلقش يا فندم
انا. لا عادي اتعودت
خرجنا علي اول الشارع لقينا اربع عربيات جيب بعرض الطريق واقفين وكل عربيه طالع من سقفها* جرونوف غير الي وقفين وراها
صخر. القناصه وقع الي فوق العربيات
قناص١. تم
قناص٢. تم
قناص٣. تم
قناص٤. تم
صخر للسواق. اقف هنا..... نفذ الكماشه
اربع عربيات دخلو من ورا الناس الي واقفه قدامنا والثلاث عربيات الي معايا اتحركو عليهم بردو وزنقوهم في النص
انا. عايز منهم ناس عايشه يا صخر
صخر. اوامر يا فندم حاضر... عايز اتنين تلاته عايشين
حارس. حاضر
بعد ربع ساعه ضرب نار جابولي اتنين
انا. ميتين
صخر. لا يا فندم احنا ضربناهم برصاص تخدير
انا. تمام يلا نرجع علي البيت عاش يا رجاله
صخر للحرس. عشر دقايق والمكان ينضف
كلهم. تمام
رجعنا البيت وخليت صخر ينزل الاتنين البدروم تحت ودخلت غيرت هدومي ونزلتلهم لقيت صخر شابع فيهم ضرب
انا.* اكرمت الضيوف يا صخر
صخر.* اخر كرم يا فندم مفيش بعد كده
انا.* ايوه يا صخر اصلي انا اساسي فلاح ومشهورين بالكرم
صخر.* ونعم الاصل يا فندم
انا.* مين ضيوفنا بقا
صخر.* واحد روسي وواحد اسرائيلي من المرتزقه اللي عليهم احكام
انا.* تمام قالوا مين باعتهم
صخر.* لا ومش هيقولوا حاجه
انا.* ليه
صخر.* يا فندم هما مدربين علي كده ممنوع الكلام لو حتي هتقتله
روحت ضارب الاسرائيلي برصاصه في دماغه
انا.* عارف يا صخر وانت كمان يا اسمك اي انا عمري ما قتلت حد ودي اول مره ليا بس الغريبه اني مش مهزوز ولا ندمان اصل في طار قديم بينا وبينهم بس انت يا اسمك اي ساعدتونا وفي بينا اتفاقية تسليم وطبعا انت منفسكش ترجع روسيا لانك مطلوب ليهم طيعا صح
الروسي. عمار انا مش هتكلم*
انا. كنت عارف انك بتتكلم عربي واحسن مننا كمان
الروسي. اقتلني ووفر علي نفسك التعب علشان كمان ساعتين هتلاقي كل مرتزق في العالم في بيتك هنا علشان يخرجوني او يموتونا كلنا
انا. اسكت هو انا مقولتلكش ان انا عندي جهاز بيشوش علي اي جهاز تتبع
الروسي وبان علي وشه الخوف والصدمه. انا انا.....
انا. انت اي بس..... بص انت هتتكلم دلوقتي او بعدين مفيش ورايا غيرك
الروسي. انت بتحلم لو مفكر اني هقولك كلمه
انا. الحلم مش عيب ولا صعب تحقيقه..... هاتلي خديجه يا صخر
صخر. حاضر
خديجه. اومر يا فندم
انا. بتعب من الكلمه دي بجد يا جماعه
صخر. معلش اتعود علشان مش هنعمل الي انت عايزه
انا. كده طيب يا صخر...... المهم خديجه انا عرفت انك دكتوره شاطره جدا مش بس في الطب لا في التعذيب كمان
انا. مظبوط يا فندم
انا. عال جدا انا هسييبك مع الامور الحليوه ده عايز اعرف مقاس الاندر بتاع مراته فهماني طبعا
خديجه. احم تمام (* انثي بردو يجماعه وبتنكسف)
انا. صخر عايز فهد مع خديجه
خديجه. ملوش لزمه يا فندم
انا. متاكده
خديجه بثقه. ايوه يا فندم
الروسي. هنلعب سوا يا حلوه
خديجه. ياريت يعجبك لعبي
جابت خديجه شنطتها وفتحتها طلعت قماشه مطبقه وفردتها طلعت جراب لمشارط طبيه وابر زي بتعاعت العلاج الصيني وجهاز تاني غريب كده وحقن وسرنجات
انا. انجوي يا اسمك اي.... يلا يا صخر مش عايزين نعطل الدكتور عن شغله
خرجت انا وصخر وسمعنا صويت ولا الوحده الحامل لما تولد وولاده متعسره كمان
انا. هيا يتعمل اي يا صخر
صخر. ابدا يا فندم هتزرع الابر في جسمه اماكن معينه بتسبب الم لا يوصف وبعدين بتوصل طرفين سلك من الجهاز الي طلعته مع الحاجه طرف في لسانه وطرف التاني في.....
انا. فين يا ابني
صخر. في المنطقه الحساسه يا باشا
انا. الواد مش هيبقي نافع بعد كده يا صخر
صخر. هههههع هو الي جابه لنفسه كان اتكلم من الاول........ بس ممكن سوال لحضرتك لو.....
انا. لسه هتقول لو اسال علي طول احنا زي الاخوات
صخر. العفو يافندم مقامك اكبر..... انت اول مره تقتل بجد
انا. وحياتك تاني مره امسك في المسدس اصلا
صخر. تمام يا باشا
انا. اي المغني من السوال يعني
صخر. احم تمام يا فندم
انا. عارف الي بيدور في دماغك علي فكره
صخر. انا عارف انك ملكش في الدم
انا. مش بمزاجنا ياصخر في حاجات بضطر تعملها علشان طريقك يكمل
صخر. فهمت حضرتك
بعد ساعه كلام انا وصخر وشربنا القهوه سوا جات خديجه
انا. خير
شغلت تسجيل صوت وصوره للروسي
الروسي. انا معرفش مين مشغلنا او مين الي طلب الاوردر
انا. اوردر هو انا وجبة كنتاكي
صخر. هو شغلهم كده يا فندم اوردرات بتتطلب علي الديب ويب..... بس تاهت ولقيناها ندخل علي الديب ويب بالكود بتاعه ونعرف مين الي ادي امر القتل
انا. ده ممكن يا صخر
صخر. بسيطه جدا.... خديجه هاتيلي الكود منه وابعتي لحاتم يجي من الشركه باللاب بتاعه
خديجه. دقيقتين ويكون الكود عندك
انا. وحاتم ماله
صخر. حاتم اساسا هكر ونص فريقه هكريه
انا. تمام اووووي
بعد نص ساعه جه حاتم وكانت خديجه جابت الكود من الروسي
حاتم. اومر يا فندم
انا. صخر هيفهمك يا حاتم
صخر. ده كود واحد من المرتزقه الي مسكناهم
حاتم. وعايز تدخل علي الديب ويب تعرف مين ادي امر القتل صح
انا. صح جدا
حاتم. بسيطه يا فندم عشر دقايق
فتح اللاب بتاعه وعمل شوية حاجات كده وفتح الصفحه بتاعت الروسي
حاتم. في ثلاث اوردرات يا فندم في نفس الوقت بس مش متحدد اسامي او كود نقدر نخترق بيه
انا. طب مين الثلاثه الي مطلوبين
حاتم. الحصان الاسود والكونت دراكولا او البعبع والحوت الازرق
انا. اممم طب الحوت الازرق وعرفناه الي هو انا مين بقا الحصان الاسود والبعبع او دراكولا ده
حاتم. مصريين بردو يا فندم واحد من المنيا وواحد من سوهاج
انا. تمام
حاتم. بس اسعار خياليه
انا. كام يعني
حاتم. مثلا حضرتك يعني ١٠٠ مليون دولار
انا. ليه يا عم يجيبوهم ليا وانا اسلم نفسي وقتي
حاتم. ههههههه والحصان الاسود كل يوم السعر بيزيد وصل لمليار
انا. لييييييييييييييييييه ابو تريكه*
صخر. ههههههههههههههه
حاتم. والبعبع وصل نفس الرقم بس الاوردو اتقفل من اسبوع
انا. ليه رجعوا في كلامهم
حاتم. لا مدام امر القتل اتفعل مينفعش يتقفل الا والشخص ميت
انا. حلال عليهم المليار
حاتم. ماهي الفلوس متحولتش
انا. هههههههه اي نصبوا عليهم
حاتم. لا مش قصدي بس تقريبا مات قضاء وقدر
انا. يلا متجوزش عليه غير الرحمه مش مصري يبقي نترحم عليه المهم خليك ورا اي حاجه توصلنا للناس دي
حاتم. تمام بعد اذن حضرتك
انا. اتفضل...... صخر حد اتصاب من الرجاله
صخر. عيب يا فندم ولا خدش
انا. تمام ادخل اريح انا ونضف انت بقا
صخر. تمام
دخلت الفيلا لقيت بابا وحماتي وسجده قاعدين بصلي وساكتين
انا. في حاجه يا بابا ساكتين ليه
بابا. انت مش عارف عملت اي يا عمار
انا. بابا لو سمحت متحسسنيش اني غلطان
سجده. متوصلش انك توسخ ايديك بالدم وتقتل
انا. يسلام وهما جايين يهزرو معايا وهيضربوني باستك ولبان مهو جايين يموتوني
بابا. وانت قولت يا انا يا هما صح
انا. هو ده الواقع فعلا مفيش اختيار تاني
سجده. انت اتغيرت مبقتش عمار الي حبيته واتمنيته
انا. فعلا اتغيرت بس مش معاكم انتوا عيلتي وبعمل كل ده علشان احميكم
سجده. واي يجبرنا نعيش العيشه دي
انا. انا نفسي مش عارف انا بيحصلي كده ليه ولا علشان اي انا لا اذيت حد ولا اكلت حق حد علشان توصل انه يبعتلي مرتزقه وحاطط علي راسي ١٠٠ مليون دولار.... نقفل الموضوع ده بقا لو سمحتوا
طلعت اوضتي غيرت هدومي واترميت علي السرير لقيت حوريه في وشي
حوريه.* لم و متبعترش*
انا. انا مش مثالي لكن هما عايشين بحياه مثاليه
حوريه. بردو خليك صبور معاهم هما الي ليك
انا. ماشي.... بس مين وليه
حوريه. مين وليه مش شغلي
انا. يعني هتسبيني تايه كده
حوريه. قبلك كتير كان كده فيه الي حل اللعز وفيه الي بقا هو اللغز نفسه
انا. ماشي
سجده. بتكلم مين
انا. مفيش حد
سجده. متزعلش مني في الي قولته انا.....
انا. خايفه عليا عارف
سجده. طب اصالحك ازاي طيب
انا. متشغليش بالك تصبحي علي خير
صحيت تاني يوم روحت الشركه لقيت معتمد واحمد وفتحي مستنيني
انا.* صباح الخير يا رجاله
كلهم.* صباح النور
انا.* احمد فتحي وصلتوا لايه في المشروع
احمد. انا خلصت كل حاجه مطلوبه مني وده تقرير بالتوريد والشغل الي حصل
فتحي.* انا فاضل معايا شوية شغل تبع الاليات الي هترفع من تحت الارض بس وده هيخلص في ظرف اربع ايام
انا.* يومين يا فتحي....* ومعلش يا معتمد سامحني علي عدم وجودي جنبك اول امبارح
معتمد. ولا يهمك يا غالي
فتحي. في شركة مقاولات جديده دخله السوق
انا. وفيها اي عادي يا فتحي في مشكله
احمد. لا اصل صاحبها تخصصه ادويه وكده فانا شايفها غريبه شويه
انا. اسمها اي الشركه
فتحي. الجراح للمقاولات صاحبها سليم الجراح
انا. الجراح مش ده الي كان وزير الصحه
فتحي. ايوه بس من فتره كده مات في اسكندريه والسبب غامض ودلوقتي الي ماسك شغله ابن اخوه سليم بردو
انا. عنده كام سنه
فتحي. في سننا كده
انا. طموح شباب متشغلش بالك يا توحه
فتحي. تمام
انا. طب حددت علي امتي يا معتمد
معتمد. بكرا كتب الكتاب وبعده بثلاث ايام الفرح
انا. ماشي...... صخر تعالالي
صخر. اومر يا فندم
انا. تعالي يا ابني اقعد وبلاش الكلمه دي بتعصبني تعالا
صخر. حاضر
انا. طبعا عارف معتمد وده.....
صخر. مهندس احمد والمهندس فتحي
انا. وفرت عليا التعارف بص يا سيدي كتب كتاب معتمد بكره
صخر. الف مبروك يا سيادة المقدم
معتمد. الله يبارك فيك يا صخر عقبالك
انا. انا عايز تامين لليومين كتب الكتاب والفرح
صخر. تمام اعتبره حصل
انا. حصل ازاي انت تعرف بيت خطيبته
صخر. ايوه
انا. اطمن يا معتمد
معتمد. لا اطمنت انا فيه قميص ضايع مني بقاله اسبوعين متعرفش هو فين يا صخر
صخر.للاسف لا يا فندم ههههههه
معتمد لا دانا كنت اخاف بقا لو عرفت
كلنا ضحكنا واحمد وفتحي ومعتمد مشيوا وانا خرجت روحت البيت
انا. مساءالخير.... اي ده شذي هانم الي مش بتسال
شذي. انا بردو يا واطي بقالك قد اي مكلمتنيش وكل يوم ارن عليك
انا بوست راسها. معلش يا حبيبتي غصب عني
شذي. ماشي يا عمار المهم انك كويس المهم عايزاك في موضوع مهم
انا. حاضر..... عن اذنكم يا جماعه تعالي
خدتها ودخلنا المكتب وقعدنا حوالي عشر دقايق وهيا لسه ساكته
انا. هو خطير اووووي كده
شذي. هاه لا ابدا
انا. طب ساكته ليه قولي
شذي. بص من الاخر بردوا ماما عايزه تجوزني
انا. طب ما كل بنت مسيرها تتجوز
شذي. تمام بس جواز يعني استقرار وكده صح
انا. صح جدا
شذي. طب اتجوز واحد بتاع بنات وشمام ولا راجل يصوني ويحافظ عليا
انا. هو مين العريس
شذي. ابن مسئول كبير في البلد
انا. وطبعا عيل بتاع ماما وبابا وكل يوم سكر وعربده وحريم صح
شذي. صح
انا. وانتي بتحبي واحد تاني بس امك موافقتش عليه علشان مستواه المادي صح
شذي. هاه
انا. مش بنتكلم بصراحه ليه اللف والدوران
شذي. ايوه عرفت منين
انا. مش اختي ولازم اخد بالي منك ولا فكراني علشان مشغول معرفش عنك حاجه
شذي. مش قصدي بس لو مش مشغول بردو عرفت ازاي
انا. هو اخوكي شويه يا بت انتي
شذي. يا عيني علي التواضع...... بس تمام
انا. مين الي عليه العين والنني
شذي. اسمه خالد وضابط حربيه
انا. وهو ده مستواه وحش
شذي. بالنسبه لامك ايوا
انا...............
شذي. انا اسفه متزعلش
انا. لا عادي طب هقابله بكره وبعد المقابله نحدد اذا كان يستهلك ولا لا
شذي. حاضر بس هو محترم جدا صدقني
انا. مصدقك بس انا الي اقرر بردو
شذي. الي تشوفه امشي انا
انا. اترزعي هناكل سوا واوصلك
شذي. لا معلش علشان ماما عاملالي حظر تجول اطلع بميعاد وارجع بميعاد
انا. ماشي
خرجت وصلتها لحد برا وخليت خديجه تروح معاها طلعت اوضتي لقيت سجده قاعده
انا. مالك قاعده كده ليه
سجده. مستنياك
انا. محتاجه حاجه
سجده. وحشتني
انا. وانتي اكتر يا حبيبتي بس الدكتور
سجده. قال عادي نمارس حياتنا الطبيعيه
انا. من امتي
سجده. كان عندي متابعه النهارده
انا. اوبا سوري نسيت يا حبيبي...... طب اي نجيب حلويات وعصير
لقيتها قامت واترمت في حضني وباستني بوسه كلها حب ومشاعر
انا. انا كنت هفرقع من جنابي
سجده. عارفه.... بس انا اكتر منك كنت محتجاك اوووووي
اخدتها في حضني واتكلمنا شوبه وبعدين نمنا وصحينا تاني يوم لبست وروحت اقابل خالد ده
انا. اي يا شذي جايه ليه انا قولت عايزه لوحده
شذي. احم حاضر يجي وهمشي علي طول
انا. اتاخر ربع ساعه عن ميعاده
خالد. صباح الخير انا اسف علي....... عماااار
انا. خالد اي جابك هنا
شذي. انتوا تعرفوا بعض
انا. ايوه خالد صاحبي وزميل معتمد
خالد. عمار انا مكنتش اعرف ان شذي تبقي اختك
انا. والمفروض اصدق كده
خالد. بامانه مكنتش اعرف
انا. طب اقعد الاول.... شذي يلا اتكلي انتي
شذي.حاضر
انا. ها قول الي عندك يا سيادة المقدم
خالد. احم من الاخر انا طالب ايد شذي ومامتها رفضت علشان......
انا. عندها حق ترفض انتي لا من مستواها ولا تستاهلها
خالد. بس بحبها وهحافظ عليها ومن ناحية الماده مش هخليها محتاجه حاجه
انا. انت تعرف مصروف شذي كام في الشهر يا خالد ولا العربيه الي ركباها بكام
خالد. ملوش لزوم اعرف افهم من كده ان رد بالرفض
انا. انت شايف اي
خالد. طب استاذن انا بس قبل ما امشي عايز اقولك كلمتين الراجل مش بفلوسه ولا بمركزه الراجل باخلاقه وقلبه ممكن تجوزها لواحد من مستواكم ويطلع عنيها وتطلق تاني شهر بس انا هشيلها في قلبي وعنيا سلام يا عمار بيه واسف عطلت حضرتك
انا. خلصت
خالد. ايوه سلام
انا. تجيب الجماعه علشان نقرا الفاتحه بعد فرح معتمد
خالد. هاه بتتكلم جد عمار اوعي تكون يتهزر
انا. انا بتاع هزار يا ابني وبعدين هلاقي احسن منك فين لاختي
خالد. متشكر جدا يا صاحبي بس والدتها معترضه
انا. متقلقش انا هقنعها يلا امشي انا علشان عندي شغل كتير
خالد. ماشي يا غالي مع السلامه
مشيت طلعت علي بيت امي
انا. صخر خليك انت والرجاله هنا
صخر. حاضر..... اتوزعو حوالين الفيلا
دخلت الفيلا بعربيتي بس نزلت ولقيت شذي واقفه قدام الباب وشكلها متوتره
انا. ازيك يا عروسه
شذي جريت اترمت في حضني. تسلملي يا اخويا بس ماما
انا. متقلقيش اطلعي اندهيها بس
امي.انا هنا يا عمار
انا. عايز حضرتك في موضوع مهم
امي. غريبه اول مره انت الي تكون عايزني وتتكلم معايا
انا. معلش كل وقت وليه ظروفه
امي. طب اقعد يا حبيبي
انا. ليه رافضه العريس الي اتقدم لشذي
امي. مش مستواها
انا. بس ده مقدم في الجيش غير كده مهندس حربي يعني مستقبله مضمون
امي. بس انا شايفاه غير مناسب
انا. طب انا شايفه مناسب ليها وانا اول مره اطلب من حضرتك حاجه
امي اتعدلت في قعدتها. انت تطلب الدنيا ومتغلاش عليك يا ابني
انا. طب وافقي عليه وانا عارفه كويس جدا واضمن انه هيسعد شذي
امي بتفكير شويه. خلاص هتصل بابوها واقوله
انا. يعني انتي موافقه
امي. مقدرش ارفضلك طلب وبعدبن دي اختك الصغيره وانتي ادري بمصلحتها احنا مش عايييشين ليكم العمر كله
انا. بعد الشر..... اقصد شكرا وخلي شذي تبلغني بميعاد علشان الراجل يجيب اهله وتقعدوا مغاهم
امي. حاضر بس بشرط تقعد انت وتقرا فاتحة اختك معاهم
انا. طبعا هكون موجود انا ليا اغلي منها..... استاذن انا
امي. طب اقعد اتغدي معايا
انا. معلش عندي شغل كتييير خليها مره تانيه
امي. الي تشوفه بس اوعدني انك تيجي
انا. اوعدك هاجي
طلعت من الفيلا وركبت العربيات
صخر. كله تمام يا كبير
انا. مين وافق ومين رفض
صخر. كلهم موافقين يا باشا
انا. تمام بس لو فيه خطر من ناحيتهم كانسل الموضوع كله
صخر. مش هقول مضمونين ١٠٠×١٠٠ بس الي هيجلي هيقابل وجه كريم
انا. يابني هما فراخ بلاش ددمم
صخر. الي تشوفه
روحت علي الشركه خلصت شغلي لقيت سهي السكرتيره داخله عليا
انا. خير يا سهي
سهي. في ناس برا عايزين حضرتك
انا. في ميعاد ولا جايين كده
سهي. في ميعاد وده الكارت
انا. دخليهم
دخلت الناس وقدمتلهم واجب الضيافه
شخص. مساء الخير ياباشمهندس
انا. مساء النور اهلا وسهلا
شخص. احب اعرفك علي نفسي
انا. غني عن التعريف يا سيادة المستشار عزت
عزت. شكرا انا جاي لحضرتك برساله من اشخاص مهمين اتفضل البس النظاره دي
لبست النظاره وكانت عباره عن نظااره عاديه بس كانك مشغل فيلم 3D وبعد ما سمعت الرساله قلعتها وطلعت دخان بسيط
انا. حلو التكنولوجيا سهلت حاجات كتير
عزت. فعلا وسهلت علي حضرتك تصميم الموقع الي هتسلمه للحكومه كمان اسبوعين
انا. بالظبط بس حابب اقول ان العرض مرفوض الا اذا وافقتوا علي الشرط بتاعي
عزت. انا جاي اسمع شروطك
انا. الي بعتوا الرساله يجوا بنفسهم واظن دي الاصول
عزت. حضرتك واعي لكلامك دول مش بيظهرو خالص
انا. ده شرطي الوحيد
عزت. طب هبلغهم واشوف ردهم
انا. شرفت يا سيادة المستشار
بعد ما خرج بعت اجيب صخر
صخر. حصل يا باشا
انا. تمام.... امنت بيت خطيبة معتمد
صخر. كل تمام متقلقش
انا. طب يلا بينا
صخر. من بعدك يا باشا
خرجت من الشركه ورجعت البيت علشان البس واروح كتب كتاب معتمد لقيت حوالي خمس بنات* قاعدين
انا. مساء الخير
سجده. مساء النور يا حبيبي تعالا اعرفك.... الباش مهندس عمار جوزي يا بنات
كلهم. اهلا وسهلا
انا. اهلا بيكم نورتونا
سجده. دول زمايلي من الجامعه وكانو عايزني اروح حفلة لم الشمل اي رايك
انا. وماله بس امتي
سجده. بعد اسبوع
انا. وهتبقي فين الحفله يا بنات
بنت ١. في الجامعه بتاعتنا يا هندسه انت نسيت
انا. اي ده داحنا دفعه واحده صحيح
بنت ٢. انت مش هتيجي يا عمار وفتحي واحمد
انا. عن نفسي مش عارف ظروفي بس ممكن نيجي.... استاذن انا شرفتونا
سجده. رايح فين يا حبيبي
انا. نسيتي صح
سجده. اوباااا كتب كتاب معتمد.... طب الناس دي هنمشيهم
انا. لا يو حبيبي هما جاينلك انتي ومعتمد عارف انك تعبانه خليكي معاهم انتي وماما وانا هروح انا وبابا
سجده.* ماشي يا حبيبي تروح وترج بالسلامه
انا.* تسلميلي يلا روحي شوفي ضيوفك
سجده.* البسك الاول
انا.* لا انا هتصرف مع حالي يلا روحي يا بت
طلعت لبس قميص ابيض وبنطلون جبردين جملي وبليزر جملي وكونفرس ابيض ونزلت تاني
انا.* عايزه حاجه يا سجده
لقيتهم كلهم متنحين ليا وسجده مبتردش
انا.* سجده عايزه حاجه يا بنتي
سجده.* هاه لا يا حبيبي سلامتك......* عماار
انا.* نعم
سجده.* انت هتخرج كده
انا.* مش حلو
سجده.* ينهار اسود عليا وعلي سنيني السوده انت رايح تتجوز عليا
انا.* وطي صوتك يا بت الناس تقول اي
سجده.* الناس متنحالك يا اخويا مش سامعين حاجه بس شايفين
انا.* حلو يعني
سجده.* قمر ١٤ يا اخواتي يلا طير بدل مولع في ابنات الي هتكلك بعنيها دي
انا.* سلام
خرجت ولسه هركب العربيه لقيت سجده ورايا علي باب الفيلا
سجده.* عماااااااار
########################
