الفصل الرابع عشر
انا.* نعععم
شذي. هيا صدمه بس انا مبسوطه ان ليا اخ زيك
انا. عن اذنك يلا يا سجده
امي. عمار رايح فين..... شذي اي طلعك من اوضتك
شذي. شوفت عمار يا ماما قولت اجي اسلم عليه واعرفه بيا
امي. وهو ده كان وقته
انا. اي حرقت الكارت الي كنتي هتلعبي بيه ولا اي
امي. كارت اي والعب اي.... انتي ازاي تكلمني كده يا ولد انا ام..............
انا بصوت عالي. اولا انا مش ولد ثانيا انا المهندس عمار عز الدين ابو طاحون ثالثا متفكريش في لحظه انك تعتبري نفسك امي مفهوم ولا لا يلا يا سجده
خرجنا من الفيلا ركبنا العربيات ورجعنا البيت
انا. اطلعي يا سجده وانا هحصلك
سجده. طب اعملك حاجه تروق دمك
انا. طب ياريت قهوه لو سمحتي
سجده. عيوني حاضر
لقيت بابا خارج من المكتب قولت لسجده خليهم اتنين قهوه وقعدنا مع بعض
بابا. اي الي ضايقك هناك
انا. مفيش يا بابا كل حاجه كويسه
بابا. طب بلاش اي الي ضايقك اي الي مخلي عيونك مرغرغه بالدموع كده
انا. احم هتصدقني لو قولتلك مش عارف
بابا. من حقك انها توحشك مهما كان امك
انا. بالعكس انا مفيش اي احساس ولا مشاعر جوايا بتدل علي انها امي بس فيه مشكله جديده ظهرت
بابا. اختك صح
انا. انت كنت عارف
بابا. ايوه وكنت عارف انها مش عايزه تعرفك عليها وسيباها للظروف علشان ترجعك ليها تاني
انا. يعني لما الاقي اخت ليا ده الي هيرجعني ليها
بابا. هيا دماغها كده بقا فاكره انك علشان وحيد ما هتصدق ان ليك اخت او اخ وتتجمع بيهم وطبعا هيا هتستغل ده لمصلحتها
انا. وانا وقفتها عند حدها قدام الكل
بابا. ازاي
انا. حطيت النقط علي الحروف وعرفتها اني لا عايزها في حياتي ولا معتبرها امي
بابا. الي يريحك اعمله بس مش هتقدر تهرب من واقع انها امك
انا. سيبها بظروفها بقا
سجده. القهوه المظبوط وقهوتك الزياده يا بابا
انا. انا قولت نسيتي ولا بتعمليها علي الشمس
بابا. بس يا ولد قول شكرا
سجده. حبيبي يا بابا يا رافع معنوياتي ديما
انا. هطلع اريح انا بقا علشان هروح لاحمد بكره
بابا. ابقي طمني
انا. حاضر تصبح علي خير
بابا. وانت بخير يا حبيبي
سجده. محتاج حاجه اعملهالك يا بابا
بابا. لا يا بنتي تصبحي هلي خير
سجده. وانت بخير
طلعنا نمنا وصحيت تاني يوم روحت لاحمد واطمنت عليه من الدكاتره وقالو ان حالته بتتحسن بس لسه في غيبوبه قعدت مع والدته شويه لحد ما جه معتمد وفتحي
معتمد. كنت فين امبارح
انا. كنت في حفله
فتحي. روحت بردو
معتمد. وميروحش ليه يا فتحي مهما كان دي.....
انا. متكملش يا معتمد انا مش ناقص
والدة احمد. مالك يا عمار اي الي تاعبك بس
انا. سلامتك يا امي انا بخير
فتحي. لا مش بخير يا خالتي
انا. اسكت يا فتحي
معتمد. هتسكت لحد امتي وتكتم في نفسك لحد متقع ويحصلك حاجه
والدة احمد. يا ساتر للدرجادي
معتمد. احنا هنرضي برايك يا خالتي
والدة احمد. قول يا حبيبي لو اعرف افيدكم هقول
فتحي. تعرفي اي عن والدة عمار
والدة احمد. الله يرحمها
معتمد. اهو الي الله يرحمها طلعت عايشه
والدة احمد. نعم ده ازاي ده
فتحي. عمار يحكيلك بقا
وحكتلها كل حاجه حصلت
معتمد. ها اي رايك
والدة احمد. متزعلش مني يا عمار يا ابني دي لا هيا ام ولا حملت ولا ولدة اصلا ولا تعرف عن الامومه حاجه والي تسيب ابنها وجوزها وهو لسه حته لحمه حمرا متستاهلش يتبكي عليها ولا تعبرها
فتحي. قابل يا عم وانا الي كنت بقول هتصلحي الدنيا يا خالتي وتخليه يفكر انه يتكلم معاها حتي
معتمد. خالتك جات تكحلها عمتها خالص
والدة احمد. انا قولت الي في ضميري وقلبي وعمار مش صغير ولا مش واعي عمار اذكي ما فيكم ويعرف يتصرف في حياته كويس
انا. سمعت انت وهو نقفل بقا الكلام في الموضوع ده
الاتنين. حاضر
والدة احمد. يلا سيبوني مع عمار لوحدنا
الاتنين. حاضر
انا. خير يا امي
والدة احمد. شايف كلمة يا امي دي لما اسمعها منك ومن احمد عندي بالكون كله عارف ليه
انا.ليه
والدة احمد. علشان اول ما البنت بتتولد بيتزرع في قلبها حب الكفل بالفطره وبتبقي ام بالفطره ومهما كان ولا مهما حصل هتلاقي قلب امك وجعها من بعادك عنها
انا. بعد كل الي قولتيه والي سمعتيه
والدة احمد. انا قولت الي يريحك ويريح ضميري بس مفيش حد ادري بظروف حد يمكن عندها سبب يخليها تعمل كده
انا. مفيش سبب يا امي تخلي ام تسيب ابنها وتمشي ومتفكرش تشوفه اكتر من ٢٦ سنه
والدة احمد. كلنا بنغلط وهيا غلطت واتحملت عقاب غلطتها ده بعدها عنك وحرقت قلبها سنين
انا. وانا انا ذنبي اي في ده كله
والدة احمد. معندكش ذنب يا ضنايا بس روحت ولا جيت هيا امك فاهم امك
انا. وانا عند موقفي بردو هيا من طريق وانا من طريق
والدة احمد. حققك تختار زي ما هيا اختارت بس ملكش حق تقسي عليها او تحرمها انها تشوفك فاهم يا عمار
انا. فاهم فاهم يا امي
والدة احمد. يلا قوم شوف شغلك
انا. لا انا اجازه النهارده مقضي اليوم معاكي
والدة احمد. طب خلاص تعالا نشوف احمد ونقعد كلنا جنبه يمكن لما يحس بينا يفوق ويرجعلنا تاني
انا. ياريت يا امي ياريت
روحنا قعدنا في اوضة احمد الممرضه جات اداته الدوا والمحاليل وخرجت عدي الوقت وانا مشيت رجعت البيت
انا.* مساء الخير
كلهم.* مساء النور
حماتي.* احمد عامل اي دلوقتي
انا.* لسه يا امي مفاقش وشكله مطول
بابا.* متقولش كده بكره يقوم بالسلامه
سجده.* طب احنا اتغدينا اجبلك تتغدي
انا.* لا انا عازمك علي العشا برا هطلع اخد دش والبس
سجده.* انت لسه جاي من المستشفي وشكلك مرهق
انا.* بعني مش عايزه تخرجي براحتك انا طالع انام يا جماعه
سجده.* استني هنا انت صدقت ساعه واكون جاهزه
حماتي.* خلاص عمار عرف علاجك اي
كلنا ضحكنا علي سجده وهيا واقفه بتبصلي
سجده. ماشي يا ست ماما يلا انت كمان علي بال محضرلك الحمام
انا. ههههههه حاضر
طلعنا لبسنا ونزلنا اخدت سجده وخرجت من غير حرس وروحنا مطعم علي النيل وطلبنا عشا وبعد شويه دخلت علينا شذي
شذي.* ازيك يا عمار
انا.* اهلا انسه شذي
شذي.* انسه اي يا ابني انا اختك
سجده.* احم اقعدي يا شذي
شذي.* معلش معايا اصحابي انا جيت اسلم علي عمار بس واشوف مرات اخويا القمر
بصيت علي الترابيزه الي شاورت عليها شذي لقيت اربع شباب وبنت كمان غيرها
انا. مش شايفه ان الشباب الي قاعدين معاكم قليلين شويه يعني هما اربعه وانتوا اتنين
سجده.* ههههه اي يا عمار زمايلها يا حبيبي
شذي بنظرة فرحه.* انت خايف عليا
انا.* مينفعش ولا اي لو مينفعش اخاف خلاص الي تشوفيه
شذي.* لا لا خاف براحتك بس متقلقش اختك بمية راجل مش علشتا اتربيت برا مصر يبقي معرفش العادات والتقاليد
انا. طب تمام ولما انتي عارفه العادات والتقاليد وانك في مجتمع شرقي ملقتيش هوت شورت اصغر من ده ولا تيشيرت واضح عن ده شويه
بصت للبسها ونزلت عنيها في الارض
شذي. احم حاضر مش هلبسه تاني
سجده. براحه يا عمار مش كده البنت لسه صغيره
انا. فين الي صغيره دي ماهي عروسه وزي القمر اهي وبعدين انا بتكلم مع اختي انتي مالك
شذي بفرحه اكبر. اختك
انا. يلا يابت انتي استاذني منهم وتعالي اقعدي معانا
شذي. ميولعوا بجاز استاذن قال
قعدت علي طول وانا شايف انها مبسوطه بتحكمي زي مانا مبسوط ان ليا اخت طلبتلها عشا واتعشينا وقعدنا نتكلم شويه
انا. يلا يا سجده ولا عايزه تروحي مكان تاني
شذي. هو ينفع اجي معاكم البيت وكده ولا اونكل عز هيضايق
سجده. ينفع طبعا يا بنتي بابا عز طيب جدا وهيحب وجودك عندنا
انا. طب يلا بينا.... الشيك لو سمحت
حاسبت وخرجنا وشذي شاورت لصحابها انها ماشيه معانا ورجعنا البيت
انا. مساء الخير يا بابا مساء الخير يا امي
الاتنين. مساء النور
انا. بابا دي شذي
بابا. اهلا اهلا نورتي مصر يا بنتي
شذي. ميرسي يا اونكل بنورك ووجود حضرتك
انا. امي دي شذي اختي ودي بقا يا شذي امي وحماتي والدة سجده
شذي. اهلا بحضرتك يا طنط
حماتي. اهلا بيكي يا بنتي
بابا. اقعدي يا شذي واقفه ليه
انا. شذي خايفه لتكون وجودها مضايقك
بابا. ابدا يا حبيبتي انتي نورتينا وانا في قمة السعاده انك انتي واخوكي متجمعين
شذي. ميرسي يا اونكل ده انا الي مبسوطه جدا
طلعت غيرت هدومي انا وسجده ونزلنا لقيت شذي قاعده بتضحك وتهزر مع بابا زحماتي قعدنا اخدنا سهرتنا ولقيت شذي قايمه تمشي
انا. استني هطلع اوصلك
شذي. ملهوش لازمه اتعبك معابا
انا. تتعبي مين وبعدين الجو ليل والوقت اتاخر يلا بلاش هبل
شذي. حاضر
اخدت شذي وصلتها لحد الفيلا لقيت امي واقفه علي بابا الفيلا ولسه هتزعق مع شذي لقيتني انا الي في العربيه
امي. تعالا يا عمار
انا. عايزه حاجه يا شذي
شذي. لا سلامتك يا حبيبي
انا. يلا تصبحي علي خير
شذي. وانت بخير يا اخويا يا قمر
انا. ههههه سلام
اخدت عربيتي ورجعت البيت
في الفيلا عند امي وشذي
امي. قابلتي عمار فين
شذي. كنت مع اصحابي في مطعم لقيته قاعد هو ومراته روحت سلمت عليه وقالي تعالي معانا نكمل سهره في البيت*
امي. هو الي قال بردو ولا انتي الي طلبتي منه تروحي معاه
شذي. انا الي طلبت يا ماما ارتحتي
امي. انا عارفه عمار كويس عمره مبيطلبش من حد حاجه
شذي. وتعرفيه منين بقا وانتي سايباه وهو عمر يوم او اسبوع زي مسمعت
امي. هاه انتي مالك اصلا وازاي تكلميني كده
شذي. علشان مكانش يستاهل الي عملتيه معاه ولا ليه ذنب في حاجه
امي. بس يا شذي متتكلميش ويلا اطلعي اوضتك
شذي. ماشي
شذي سابت امي وطلعت اوضتها وامي قعدت علي الكرسي وانهارت من العياط علي دخول تامر جوزها
تامر. مالك يا ناهد اي الي حصل
امي. مفيش حاجه متشغلش بالك مخنوقه شويه
تامر. ايوه من اي وازاي مشغلش بالي
امي. شذي قابلت عمار برا وراحت معاه البيت واول مره تكلمني في اني ازاي اسيبه وامشي هو انا وحشه للدرجادي
اخدها في حضنه وطبطب عليها لحد ما هديت
