الفصل التاسع
انا. بصي يا سجده خاطرك علي راسي يا بنت الناس بس الي حصل ميصحش
سجده. حقك عليا طيب مش هيحصل تاني
انا. وانتي بايديكي اي يعني تعمليه
سجده. هاه مش فاهمه تقصد اي
انا. يعني هتادبي خالك يعني
سجده. خالي ماله خالي
انا. فتح موضوع الفرح وامي واللي حصل واحنا قاعدين
سجده. الله يحرقه بجاز وسخ خالي واليوم الي شفت فيه خالي والي جاب خالي كمان
انا. هههههه مالك يا بت اتهبلتي ولا اي
سجده. هاه لا يا قلبي كنت فاكراك زعلان مني في حاجه كده ولا كده
انا. طب كنتي بترغي مع حبيبه في اي معتمد مزعلها ولا هيا مزعلاه
سجده. لا يا حبيبي كلام ستات وهما الاتنين زي السكينه في الجاتوه
انا. طب تمام ما تيجي نطلع فوق
سجده. عماار الله الناس تقول اي
انا . هيقولوا اي خالك وعمك مشيوا من شويه وفتحي واحمد بعدهم ومعتمد هياخد حماته وخطيبته ويمشي يبقي فاضل اي
سجده. نطلع فوق يا قلبي
انا. احبك وانتي فاهمني يا ملبن انت يا مدلع
لقيت حد بيخبط علي باب المكتب
انا. ادخل
معتمد. انا هاخد الجماعه واطير محتاج حاجه
انا. يعم ما انتا قاعد شويه هتروح تعمل اي
معتمد. معلش عليا متقدملها عريس وهيجي بليل
انا. علشان كده الحاجه مجاتش طب مكنت تقول يا عم علشان اجهز واجي اقعد معاك ومع الناس
معتمد. مستغناش عنك يا غالي شايلك للكبيره لسه هتشوفه ويشوفها عجبها كان بها تيجي علشان نقعد ونتفق مع الناس عملت زي كل مره يبقي خلاص
انا. هيا اي حكاية رفضها للعرسان دي مقعدتش معاها وشوفت هيا عايزه اي
معتمد. هاه متشغلش بالك انت نصيبها هيجلها يلا سلام يا حب
انا. يلا اوصلك يلا سجده
وسلمنا عليهم ومشيوا
وفاء. سجده تعالي عايزاكي بعد ازنك يا عمار
انا. طبعا يا ماما براحتك يا حبيبتي انا طالع اغير واخد دش
سجده. وانا شويه وهحصلك
طلعت فوق قلعت هدومي ودخلت الحمام وسجده قعدت مع مامتها
وفاء. مالك في اي حاجه تعباكي مضايقاكي
سجده. ابدا يا ماما اي هيضايقني ولا اي هيتعبني ما انتي شايفه كل حاجه معاملة بابا ومعاملة عمار
وفاء. مش قصدي كده الناس شايلينك من الارض شيل انا بتكلم عنك انتي الي جواكي
سجده. احم مفيش يا ماما
وفاء. مفيش يا ماما يبقي حاجه تكسف صح
سجده. حاجه زي كده
وفاء. مقصر معاكي عمار في حاجه
سجده. بالعكس يا ماما انا الي مقصره
وفاء. ازاي
سجده. مش مكفياه يا ماما احم طلباته فوق طاقتي وانا
وفاء. فهمت طب ما تكلميه وفضفضي معاه عمار متفاهم وعقله كبير
سجده. يعني اقوله متطلبش حقك يا ماما
وفاء. يطلب يا قلبي بس حسب طاقتك انتي كمان
سجده. انا بكون مبسوطه ومش عايزاه يبطل يطلب بس بقوم تاني يوم مش قادره امشي اصلا بقوم بالعافيه بفكر افضاله هو بس واقعد من الشغل
وفاء. للدرجادي ده شغلك ده الي كنتي بتحلمي بيه
سجده. عمار اهم من اي حاجه
وفاء. ربنا يكملك بعقلك يا حبيبتي ويرشدك للطريق الصح
سجده. طب عن اذنك يا قمر هطلع انا
وفاء. اتقضلي يا قلب ماما
خلصت شاور وخارج من الحمام لقيت ساجده علي السرير
انا. اي ده بالسرعه دي
سجده. وحشني اله
انا. يا ليلتك الي بترقص وتزغرط يا عمار
بعد شوية ريحت ونمت علي ظهري واخدتها في حضني
سجده. مبسوط يا قلبي
انا. طول مانتي جنبي وابتسامتك دي علي وشك انا مبسوط
سجده. طب اقوم اجيبلك حاجه حلوه
انا. لا يقلبي يلا نرتاح علشان نصحي بدري
سجده باستغراب. حاضر يا حبيبي
بعد حوالي ساعه
سجده. عمار عمار انت نمت
انا. اي يا حبيبتي يعني شويه
سجده. انت زعلان مني في حاجه
فتحت عيني وقومت اتعدلت وخدتها في حضني
انا. لايا قلبي مش زعلان ليه بتقولي كده
سجده. احم بصراحه كده ومن غير كسوف انت متعود متنامش الا بعد ما نقعد ما بعض اكتر من مرة فاكيد انا زعلتك
انا. اولا انا مش زعلان ثانيا لازم بردو اراعي انك انسانه وليكي طاقه وجهد معين فهمتي
سجده. بس انت كده لسه.....
انا. هو انا لو عايز هترفضي
سجده. لا طبعا
انا. طب لو انا زعلان ومش عايز كنا كسرنا الدنيا من ساعه
سجده. هههههه بردو لا
انا. يبقي اتعودي علي كده وزي مقولتي مفيش كسوف منين ما اطلب معاكي قولي يا جزر هتلاقيني معاكي وقتي تمام
سجده. اتكسف لا مقدرش
انا. من جوزك حبيبك وقلبك وروحك
سجده. لا خلاص اقتنعت انا كده
انا. يلا تعالي في حضني ونامي بقا
نمنا وصحينا تاني يوم ملقتش ساجده جنبي ضحكت بيني وبين نفسي علشان صحيت بدري ونشيطه بدل مكانت بتبقي هلكانه وجسمها وجعها وايوه انا سمعتها هيا وحبيبه وهما بيتكلموا المهم نزلت بعد ماخدت دش
انا. صباح الخير
بابا. صباح الفل
حماتي. صباح الورد
سجده. صباح العسل
بابا. افطر يلا
انا. لا يا حبيبي متاخر وعندي اجتماع
بابا. الساعه كام
انا. ٧.٣٠
بابا. اقصد الاجتماع
انا. الساعه ٩
بابا. لسه بدري اقعد افطر
انا. حاضر
حماتي. خد يا حبيبي بالهنا والشفا
انا. تسلم ايديكي يا ماما سجده افطري واطلعي اجهزي بالمره اخدك معايا
سجده. حاضر
انا. رايحه فين افطري الاول
فطرنا واخدت سجده وروحنا الفرع حضرت الاجتماع وقعدت في مكنبي لحد ما جالي معتمد وخالد زميله
انا. اهلا بالناس الي مش بتسال علينا
معتمد. يا ابني انا لسه سايب امبارح
انا. مش انت خالص علي فكره
خالد. عارف اني مقصر يا عمار بس كنت في ماموريه خدت كل وقتي
انا. ولا يهمك المهم انك بخير اتفضلوا
معتمد. خلاص قربنا من التفنيش
انا. اه يا معتمد اسكت المشروع ده اخد مجهود وشغل كتير
خالد. عندك حق بس فيه حاجه اكبر داخلين عليها
انا. خير
معتمد. هسافر انا وخالد روسيا
انا. وطبعا الموضوع سري للغايه صح
معتمد. فعلا بس لازم انت او المهندس عز يكون عندكم علم بيه
انا. اشمعني يعني
خالد. الوزير شاف التصوير للمشروع وعجبه شغلكم وتسليمكم قبل الميعاد بفتره كبيره فقرر تكون شركتكم من ضمن الثلاث شركات الي تحت السياده
انا. بمعني اي
معتمد. يعني نص شغلكم هيكون مع الجيش والحكومه مع مراعات حفظ الملكيه والاداره العامه ليكم احنا بس هنشارك بالمعدات والعماله الناقصه وليكم عائد كانك بتعمل شغل برا
خالد. غير طبعا الحصانه الي هتاخدها من القوات المسلحه ويكون حد موجود منكم في الهئيه الهندسيه عندنا زي عضو منتدب كده وهياخد مرتب مننا كمان
انا. كويس جدا بس كده انتوا بتحجموا شغلنا يعني لو عايز اعمل شغل بره يكون باذن علشان مقصرش في شغل الحكومه
خالد. بالعكس احنا قولنا ليك حرية الملكيه والاداره وكمان هنساعدك بالمعدات في اي شغل خارج القوات المسلحه
انا. فهمت طب هعرض الموقف علي المهندس عز وارد علبكم
معتمد. الوزير طالبك اصلا في اجتماع كمان يومين ودي الدعوه وده كارت التعريف الي هتدخل بيه الهئيه
خالد. اطير انا بقا
انا. يا عم اقعد نفطر سوا ولا نتغدي سوا طيب
خالد. معلش يا صاحبي انا جي هربان مع معتمد اصلا
انا. ههههههه خلاص براحتك
خالد. سلام
انا ومعتمد. سلام
انا. مالك يابني فيك حاجه ولا ايه
معتمد. ايوه فيه بصراحه
انا. خير يا غالي
معتمد. في رقم اتصل بيا بيبعتلي رسايل وبيقول حاجات غريبه
انا. رقم برايفت صح
معتمد. ايوه عرفت ازاي
انا. كنت متوقع مهو بيبعتلي رسايل بردو
معتمد. وده اي معناه
انا. معناه اننا قربنا من هدفنا وبداية المشوار
معتمد. احمد وفتحي مقالوش حاجه
انا. علشان مش حاطين الموضوع في دماغهم وفاكرين واحد شاعر بيبعت رسايل وحكم مش اكتر
معتمد. ههههههههه يخرب عقلك يا عمار فعلا وممكن يردو عليه برسايل سافله ولا يبعتوله صور وافلام *** كمان هههههههههه
انا. مش بعيده المهم خلي بالك من نفسك وحرص من اي حد حواليك
معتمد. تمام
انا. هتسافر امتي بقا
معتمد. النهارده الاتنين هسافر الاربع
انا. هوصلك للمطار
معتمد. لا متتعبش نفسك هنروح باتوبيسات الجيش
انا. الله يقويك يغالي
معتمد. امين
شويه ودخلت ساجده علينا
سجده. طبعا وانا اقول مش بترد علي موبايلك ليه
معتمد. طب ارمي السلام الاول طيب
سجده. لا
معتمد. براحتك يا باشا يلا اطير انا بقا
سجده. ما بدري
انا. معلش بقا اذا حضرت الشياطين
ضحكنا كلنا ومشي معتمد
انا. خير يا حبيبتي
سجده. في رسومات لازم تشوفها وتمضي عليها كمان
انا. وريني كده طيب
جابت الرسومات فردتها علي المكتب قدامي وجات وقفت جنبي
انا. ماهي معتمده اهي اومال اي وبصيت ليه
سجده. طب بص كويس كده
لقيتها قربت مني وقعدت علي رجلي
انا. سجده احنا في المكتب ميصحش كده
سجده. هو انا عملت اي انا باخد راي مديري في الرسومات
انا. وانا هشوف ازاي كده بقا
سجده. قولي علي الي عايز تشوفه وانا اوريهولك
وخدت شفيفي في بوسه.. عايز تشوف حاجه تانيه
انا. لا انتي كده راحت منك علي الاخر خالص
سجده. اله جوزي وبدلع عليه
انا. اقتنعت انا كده خلاص
سجده. طول عمري مقنعه ومتمكنه
انا. طب قومي يلا علشان نمشي
سجده. الساعه ٢ لسه
انا. اه اتعودي بردو علي كده علشان نتغدي مع بابا وماما كل يوم
سجده. حاضر يا حبيبي وبعد الغدا
انا. العب بلايستيشن بقا
سجده. وبعد البلايستيشن
انا. انام بقا
سجده. تنام اي يا اخويا
انا. اي يا بت براحه طيب بهزر يلا بس وهبقي اقولك في البيت
سجده. هههه حاضر
رجعنا البيت واول مدخلت البيت لقيت رساله جاتلي من نفس الرقم البرايفت شوفتها وقفلت الفون تاني
سجده. مين يا حبيبي
انا. الشركه باعته رساله بدقايق مجاني
سجده. ماشي يقلبي
انا. مساء الخير يا بابا مساء الورد يا فوفا
الاتنبن. مساء الخير
انا. هنطلع نغير وننزل
بابا. ماشي يا حبيبي
غيرنا ونزلنا اتغدينا وبعد شوية لعب مع بابا قعدنا في المكتب اشرحله الكلام واعرفه بالاحتماع بتاع وزير الدفاع
بابا. طب انت رايك اي
انا. هيا فرصه حلوه وفي نفس الوقت هنبقي متحجمين علي قد ايد الجيش وممكن نقصر في شغلنا
بابا. بس قالك ان ليك حرية الشغل الحر وهيساعدك بمعداته كمان
انا. بالظبط كده
بابا. طب روح احضر الاجتماع وافرض كل شروطك
انا. شروط اي هما مش مجبرين علي الشغل معانا في شركتين تانين ويمكن اكبر واقدم مننا في السوق
بابا. لا مجبر علشان الي انتوا عملتوه في مشروع الجلاله والعاصمه مش شويه بمعني اصح مفيش انسان طبيعي يعمل كده وانتوا في نظرهم الحصان الي هيكش الملك
انا. مين الملك بقا
بابا. هاه لا ده مجرد تعبير مجازي بس
انا. تمام اطلع انا
بابا. بدري لسه
انا. بدري من عمرك ولا عايز ابنك يتغضب عليه
بابا. ههههههه يلا يا جبان
انا. مش مهم جبان جبان تصبح علي خير
خرجت من المكتب وسجده قاعده مع مامتها شافتني وانا طالع استاذنت منها وحصلتني
سجده. مقولتش انك طالع
انا. مرضتش ابوظ قاعدتكم يا حبيبتي سيبتكم براحتكم
سجده. ماشي يا قلبي اجبلك حاجه حلوه او اعملك نسكافيه او قهوه
انا. اي حاجه منك حلوه يا روحي
سجده. ثواني واحضر كل حاجه خش خد شاور بس
انا. حاضر
دخلت اخدت شاور ولبس روب وخرجت
وتاني يوم صحيت علي رنة الفون
انا.الو
معتمد. عمار عايزك ضروري
قومت اتنطرت من السرير
انا. مالك في اي حصل حاجه
معتمد. مفيش وقت احكيلك لما اقابلك
انا. اجيلك البيت
معتمد. هجيلك انا الشركه سلام
قومت لبست هدومي ونزلت بسرعه من غير ماصبح علي حد اصلا ووصلت الشركه
انا. مي معتمد وصل
مي. لا يفندم
انا. اول ما يجي يدخل علي طول
مي. حاضر يا فندم
بعد ربع ساعه معتمد جالي ودخل المكتب
انا. في اي يا ابني
معتمد. عليا
انا. مالها يا عم
معتمد. كانت هتموت امبارح وانا مبقتش عارف اعمل اي معاها
انا. يا ساتر من اي طيب
معتمد. كانت بتحاول تنتحر بس امي لحقتها
انا. وطبعا قعدت معاها تفهم مالها متكلمتش
معتمد. اكيد عملت كده بس عرفت مالها
انا. كويس دلوقتي تقدر تحل المشكله
معتمد. مشكلتها ملهاش حل يا عمار
انا. مفيش كده كل حاجه وليها حل
معتمد. افهم يا عم الا دي مشكلتها في حزن ناس وكسرة قلب ناس وخراب بيوت
انا. متكلمنيش بالالغاز ادخل في المشكله ونحلها
معتمد بتوتر. مشكلتها معاك انت يا عمار ارتحت
انا. معايا انا اه كده فهمت
معتمد. فهمت يعني انت كنت عارف انها
انا. اقسملك يا صاحبي ما عشمتها بحاجه ولا لمحت حتي
معتمد. يا عم عارف عارف بس هيا مقالتش انها قالتلك اصلا
انا. هيا كانت بتحكيلك
معتمد. كل حاجه الا انك عارف بحبها ليك
انا. انا اول مبعتتلي الرساله ورنت عليا انا صدتها وقولتلها تشوف مستقبلها
معتمد. طب والعمل دلوقتي انت متجوز و ربنا يسعدك ويهنيك وانا مش عارف اعمل اي
انا. ممكن طيب اقعد معاها ده لو معندكش مانع
معتمد. طبعا انا واثق فيك اكتر ما بثق في نفسي ثواني اكلمها
معتمد مسك الفون ورن علي عليا وفتح الاسبيكر
معتمد. ايوه يا عليا عامله اي دلوقتي
عليا.،،،،،،،،،،،،،،،،،،
معتمد. طب ردي عليا علشان اقولك انا عايز اي طيب
عليا.،،،،،،،،،،،،،،،،،،،،،
معتمد. طب عمار عايز يقا بلك
عليا. فين وامتي بتتكلم جد ولا بتضحك عليا اجيله دلوقتي ولا هو هيجي
معتمد. رديتي دلوقتي طب احترميني شويه
عليا. انت هتمثل ما انتا عارف يا بارد المهم هيقابلني امتي
شاورتله يقولها تيجي الفرع
معتمد. تعالي الفرع عارفاه
عليا. نص ساعه واكون هناك سلام
بعد ما عليا قفلت
معتمد. هتعمل اي يا عمار
انا. مش عارف بصراحه بس هحاول من كلامي معاها الاقي حل
معتمد. عمار انت متجوز وسجده مش هتسمي عليك
انا. انت بتخوفني ليه دلوقتي بقا
معتمد. مش بخوفك بس بلفت نظرك ان بيتك ممكن يتخرب وانا مش هرضي بكده لاخويا
انا. سلمها للي خلقك وهتتعدل
بعد ساعه وصلت عليا ومي دخلتها
عليا بكسوف. ازيك يا عمار
انا. تمام اتفضلي اقعدي
عليا. شكرا
انا.تشربي اي يا ستي ولا نتغدي الاول
معتمد. طب انا ورايا شغل همشي انا
انا. تمام
معتمد. وانتي افهمي واعقلي الكلام كويس ومتتاخريش
عليا. حاضر يا معتمد
معتمد. سلام
انا. سلام يا صاحبي.......... ها مقولتيش تشربي اي
عليا. اي حاجه منك حلوه
انا. مي
مي. افندم يا باش مهندس
انا. قهوتي وليمون للانسه عليا
مي. حاضر يا فندم
انا. قوليلي بقا اي الي انتي بتعمليه ده انتحار واضراب عن الطعام ليه ده كله
عليا وعنيها في الارض. علشان علشان بحبك يا عمار وهما كل يوم يجيبولي عريس شكل
انا. وانا متجوز يا عليا وبحب مراتي
عليا. وانا موافقه اكون التانيه الثالثه الرابعه بس معاك
انا. وانتي تعرفي عني ان ممكن اكسر قلب حد بيحبني
عليا. لا طبعا انت فيك كل حاجه حلوه
انا. طب انا مش هقدر اكسر قلب سجده هيا متستاهلش مني كده
عليا. بس انا بحبك
سجده. بتحبي مين يا عنيا
##############
