الفصل الخامس عشر
وقف الجزء الي فات علي توصيلي لشذي اختي ولما خرجت من باب الفيلا انضرب عليا نار
امي بصريخ. ابننننني
شذي. عماااااار
ولحسن حظي كانت العربيه ضد الرصاص لقيت حرس الفيلا بيضرب نار علي العربيه الي بتضرب عليا لحد ما جريوا ضرب النار وقف ونزلت من العربيه
حارس. عمار بيه حضرتك كويس
انا. اه بخير شكرا
حارس. العفو يا فندم
لقيت شذي جايه تجري واترمت في حضني وبتعيط وامي وراها
شذي بعياط . انت كويس فيك حاجه اتعورت ولا حاجه
انا. منا زي القرد اهو
امي. طب تعالي ادخل جوه.... حد يطلب الدكاتره حالا
حارس. حاضر با فندم
انا. ملهوش لازمه انا همشي
امي. تمشي فين مش هتتحرك من هنا الا لما اطمن عليك
شذي. علشان خاطري انا وبالمره تكلم الحرس بتوعك علشان مترجعش لوحدك
انا. ماشي
دخلت الفيلا قعدت شذي جابتلي عصير لحد ما جه الدكاتره اطمنوا ان مفيش حاجه ومشيوا
شذي. انت هادي كده ازاي دانا قلبي اتخلع من مكانه
انا. عادي العربيه ضد الرصاص غير اني كده اصلا
امي. وافرض مكانتش العربيه ضد الرصاص كنت عملت اي دلوقتي
انا. كنت هموت اكيد يعني
امي. بعد الشر اقصد ليه تخرج من غير الحراسه
انا. اي الاهم مني يحرسوه وبعدين لو مكتوبلي اموت الحرس هتمنع ده يعني
شذي. قولنا بعد الشر بس عندك حق كله مقدر ومكتوب
حارس. حرس عمار بيه وصلوا يا فندم
انا. شكرا مره تانيه يا.....
حارس. فهد يا فندم
انا. شكرا يا فهد.... امشي انا اسف لغبط الدنيا
امي. براحتك يا حبيبي لغبط براحتك المهم سلامتك بالدنيا..... احم اقصد ولا يهمك
انا. محتاجه حاجه يا شذي
شذي. تسلم وتعيش يا اخويا
خرجت برا لقيت شريف جاي يجري
شريف. قولتلك مليون مره متستهونش بالموضوع يا عمار
انا. يعم متكبرش الموضوع كله مقدر ومكتوب محدش بيموت ناقص عمر
شريف. طب يلا اركب
انا. متوهش بس وتلف وتدور مين الي عمل كده
شريف. طب نرجع بس ونتكلم بعدين
انا. ماشي انا معاك للاخر يا شريف
رجعنا الفيلا ولقيت الحراسه زادت اكتر من الاول
شريف. انا عارف ان صبرك نفذ خلاص
انا. يا شريف قول الي عندك علشان هو فعلا كده
شريف. طب المشروع الي عرضه عليك الرئيس
انا. ماحنا خلاص خلصنا في اي تاني
شريف. تمام بس انت عرضت عليه مشروع تاني
انا. حصل بس اي المشكله هنا بقا
شريف. مفيش الي ضرب عليك نار كان فاكر انك لسه بتتشغل علي المشروع الاساسي
انا. ابو اليوم الي فكرت اكون فيه مهندس يا اخي
شريف. اهدي بس
انا. افهم يا شريف انا مش بتاع مشاكل ولا حرب عصابات انا اغلب مما تتصور يا عم مليش انا في ده كله انا عايز اعيش حياتي زي اي حد
شريف. مينفعش لازم كل فتره كده يطلع شخص يقلب موازين اللعبه كلها
انا. مش انا خالص الشخص ده ولا هكون هو
شريف. مش بمزاجك الظروف هيا الي هتعملك كده انت تعرف الناس بتتكلم عليك ازاي او بتقول عليك اي
انا. عرفت يا سيدي بس معرفش امتي حصل ده كله انا شغال في المقاولات مهندس مش زعيم مافيا
شريف. طب هسيبك انا بقا واتمم علي الحرس
انا. شريف
شريف. نعم
انا. انا لسه معرفتش مين الي عمل كده واي مصلحته بردو
شريف. تسمع عن حد اسمه مهيب صقر
انا. يعني سمعت اسمه كذا مره كده في الاخبار
شريف. شغال في كل حاجه مقاولات مستشفيات سياحه اغذيه غير كده هو الملك لمنظمه سريه بتدير العالم كله في جميع المجالات
انا. ايوه هو يعني الي عمل كده
شريف. لا بس حد من اتباعه في المنظمه
انا.* مش فاهم حاجه خالص
شريف.* بكره تفهم
انا.* ولحد مافهم هعيش في حرب العصابات ده كتير
شريف.* فيك خدش او حصلك حاجه
انا.* هستني لما يحصلي كمان
شريف.* ههههههههه متقلقش يلا سلام
خرج شريف وقعدت افكر يعني اي منظمه يعني اي ملك يعني اي احمد صقر اصلا فتحت اللاب وبحثت عنه لقيت رجل اعمال خيالي اعمال خير جامعات مجاني ومستشفيات مجاني وجمعيات خيريه غير عيلته يعتبر ماسكين زمام البلد اصلا اتصلت علي معتمد
انا. ايوه يا غالي
معتمد. اي يا عمور عامل اي
انا. تمام كنت عايز منك خدمه
معتمد. رقبتي اومر يا صاحبي
انا. عايز معلومات عن واحد كده
معتمد. اسمه اي
انا. مهيب صقر
معتمد. قولت مين
انا. مهيب عمر صقر
معتمد. احم طب بكره الصبح هجيلك
انا. تمام تصبح علي خير
معتمد. سلام
عند معتمد في المكتب
خالد. مالك
معتمد. مفيش
خالد. وشك مخطوف كد ليه يا ابني عمار كويس
معتمد. ايوه كويس بس
خالد. طب تمام في اي بقا
معتمد. بيسال عن مهيب صقر
خالد. مين يا اخويا مهيب صقر الي هو مهيب صقر
معتمد. ايوه
خالد. ليه يعني وعايز منه اي
معتمد. معرفش هو عايز معلومات عنه بس
خالد. وده تجيب معلومات عنه ازاي بقا
معتمد. مش عارف
خالد. معتمد عمار لازم يكون في الصوره ويعرف كل حاجه
معتمد. نفسي يا خالد انت فاكر اني مبسوط وانا مخبي عليه يعني ده اخويا والي يضره يقتلني مش يضرني
خالد. خلاص شوف هتعمل اي وهتعرفه ازاي
معتمد. سيبها بظروفها خلينا في الحاجه الي طلبها
خالد. انسي تلاقي معلومه تفيدك ده لو فضلت عايش اصلا
معتمد. ليه هو بعبع
خالد. لا البعبع حاجه تانيه خالص انما مهيب صقر صعب تدور وراه فخدها من قصيرها احسن
معتمد. تمام بس اي البعبع حاجه تانيه دي
خالد. البعبع ده اسم ملوش وصف زي الشخص الي بيمثله
معتمد. مين يعني
خالد. باسل جلال راضي الصمدي
معتمد. سمعت الاسم ده كتير مش ده بتاع الحديد
خالد. بتاع الحديد والاغذيه وكله
معتمد. هيا البلد دي فيها كام حوت ياجدعان
خالد. كتير بس كل حوت ووزنه وحجمه و باسل و مهيب من الحيتان الي مفيش اكبر منها
معتمد. سيبك انت المهم هروح اشوف اي حاجه اسكت بيها عمار لحد منشوف الاوامر الجديده اي
خالد تمام
ملحوظه:-
( مهيب صقر وباسب الصمدي ملهومش علاقه بالقصه لا من بعيد ولا من قريب بس ضفت اسمهم في قصتي لان اسم البعبع والحصان الاسود عشان احتمال الرواية هنا تتشابك مع بتقي الروايات )
تاني يوم في الشركه
انا. ها يا معتمد عرفت حاجه تفيدني
معتمد. مفيش اي حاجه مذكوره غير الي معروف للناس
انا. تمام
معتمد. طب بتسال ليه عنه طيب
انا. عادي يا سيدي شريف قالي انه عنده منظمه وحد منهم كان السبب في ضرب النار بتاع امبارح
معتمد. لا مظنش
انا. اشمعني
معتمد. مظنش وخلاص المهم ركز في شغلك وبس
انا. منا متنيل مركز في شغلي اهو محسسني اني انا الي روحت ضرب نار عليهم
معتمد. تلاقي حد انت اخدت منه مناقصه فحب يخوفك بس
انا.ممكن بردو
معتمد. طب همشي انا سلام
انا. سلام يا غالي
عند احمد في المستشفي
سلمي. الدكاتره قالوا اي يا ماما
والدة احمد. لسه يا بنتي زي مانتي شايفه
قربت من احمد وقعدت جنب السرير علي الارض ومسكت ايده
سلمي. احمد عارفه انك سامعني وحاسس بيا كمان انا محتجاك جنبي وحشتني قوم بقي علشان تلبسني الدبله
والدة احمد. بس يا حبيبتي اهدي هيقوم منها وهيبقي كويس وبخير وهنفرح بيكم
احمد. تفرحوا بمين دي بت نحس يوم ما اروح اخطبها يحصل كده ازمال لما اكتب الكتاب
سلمي. احمممممممد حبيبي حمدلله علي سلامتك
والدة احمد. ابني حبيبي انت كويس حاسس باي سلمي اندهي الدكاتره
سلمي. حاضر يا ماما
خرجت سلمي ورجعت بالدكاتره واطمنوا علي احمد وطمنهوهم وخرجوا
احمد. انا بقالي كده كام يوم
سلمي. شهر مقعدنا جنبك كده
احمد. عمار ومعتمد وفتحي مجوش
والدة احمد. كل يوم بيجوا يقعدوا جنبك ويروحوا شغلهم
احمد. الشغل هتلاقيها خربانه
سلمي. متقلقش فتحي بيتابع شغله وشغلك ومعاه عمار
احمد. ربنا يخليهم ليا فعلا الصحاب وقت الشده بتبان
بعد شويه دخلت انا وفتحي ومعتمد
انا. امي
والدة احمد. تعالا يا عمار
انا. احمد عامل اي.......... احممممد
فتحي. اخويااااااا حمدلله علي سلامتك
معتمد. حبيبي الف مليون سلامه بركه رجوعك بالسلامه
احمد. شكرا يا احلي رجاله في الدنيا
فتحي. طب اضربه يا عمار يعني
انا. لا عنك انت الطلعه دي
احمد. ولا هههه ولا انا لسه تعبان يا ماما
والدة احمد. تستاهل انت الي وقعت بلسانك
احمد. ايدك تقيله يا اسطي
انا. زي ما كلمة شكرا بينا بتبقي تقيله بردو
معتمد. صح من امتي وفي بينا شكرا يامهزء
احمد. احم احم كفايه بقا منظري وحش
اخدنا بالنا ان سلمي واقفه
انا. طب نستاذن احنا بقا تعالي يا امي عايزك في موضوعين شبه بعض
والدة احمد. حاضر يا حبيبي
انا. انت متنح ليه تعالا عايزك في نفس الموضوعين
فتحي. هاه اه فهمت حاضر
خرجنا كلنا برا
سلمي. وحشتني اوووووي اوووووي
احمد. متشوفيش وحش يا حبيبي
سلمي. انا السبب في الي حصلك وبردو بتقول حبيبتي
احمد. ولو عمري كله راح علشانك مش زعلان بردو
سلمي. بحبك
احمد. وانا يموت فيكي... احم تعالي كده
سلمي. احمد عيب احنا في المستشفي
احمد. يعني عمار الي عمره مشتغل حد يشتغلهم كلهم ويخرجهم علشان ناخد راحتنا تقولي عيب ده نادر لما يعمل كده
سلمي. عايز اي يعني
احمد. هاخد بوسه وحشاني
سلمي. بوسه بس
احمد. بس
قربت سلمي من احمد ولسه هتبوسه
والدة احمد. انا قولت كده بردو
احمد. احم قولتي يا ماما بس
والدة احمد. الكلام ده بعد الفرح يا روح امك
سلمي بكسوف. انا انا همشي انا
احمد. ما تقعدي يا بنتي
سلمي. معلش سلام
احمد. عجبك كده كسفتيها
والدة احمد. الصح صح
عمار. طب همشي انا علشان منضربش
والدة احمد. لما امسكك في ايدي بس انت كمان بتشتغلني ياواد
انا. ليه شايفه نفسك مفرش هههههه
لقيت شبشب طاير حاير شاكب راكب في وشي
انا. تسلم ايدك يا ست الكل هجيلك بكرا تكون الحاجه هديت شويه سلام
احمد. هههههههه سلام
مشيت رجعت البيت لقيت بابا وحماتي قاعدين
انا. مساء الخير
الاتنين. مساء النور
بابا. احمد عامل اي
انا. فاق يا بابا وبقا زي الفل
بابا. تمام حمدلله علي سلامته
حماتي. بركه قومته بالسلامه
انا. الحمدلله جات سليمه... فين سجده
حماتي. فوق يا حبيبي
انا. طب هطلع انا
بابا. روح يا حبيبي
طلعت اوضتي وقبل مافتح الباب سمعت سجده بتتكلم في الفون
سجده. لا عمار لسه مجاش
............................
سجده. حاولت معاه كذا مره وبردو موافقش
............................
سجده. انا مصدقت انه نسي الموضوع ده انا كنت بموت وهو زعلان مني اصلا
...........................
سجده. محدش قالك تسمعي كلام امك انا قولتلك بلاش مش هيجي بلوي الدراع زي عمار بالظبط
..........................
سجده. خلاص ماشي يلا سلام
فحت الباب ودخلت
انا. مساء الخير يا حبيبي
سجده. مساء الورد يا نور عيني
انا. كنتي بتكلمي حد
سجده. حبيبه
انا. هيا كويسه
سجده. يعني
انا. ليه حصل حاجه
سجده. معتمد من بعد حادثة احمد بيوم او يومين وهو مش بيكلمها ولا بيرد عليها
انا. يبقي عملت حاجه كبيره وزعلته جامد
سجده. عملت اي يعني عايزه تتجوز يا عمار بقالهم اكتر من سنتين مخطوبين اهم
انا. بيني وبينك كتير بصراحه ومعتمد زودها بصراحه بس بردو عملت اي
سجده. قالها لما احمد يقوم بالسلامه لغبطة في الكلام وقالتله انا مالي ومال احمد ميقوم ولا ميقومش وخيرته بين انه يحدد ميعاد الفرح يا ميكملوش مع بعض
انا. يبقي هيسبها معتمد ميتلويش دراعه
سجده. مش للدرجادي
انا. مش بتقولي مبيكلمهاش بقاله شهر واكتر كمان
سجده. ايوه
انا. دي البدايه وهو اختار خلاص
سجده. لا اتصرف يا عمار البت هيحصلها حاجه
انا. هكلمه بس موعدكيش اني اقنعه علشان احمد اخويا وصاحبي انا كمان وميرضنيش يتقال عليه نص كلمه بس علشان خاطرك هكلمه
سجده. تسلملي يا روحي...... طب لو انا مكانها كنت هتعمل اي
انا. كنتي هتبقي طالق يا قلبي
سجده. عمار متهزرش بجد
انا. مبهزرش انا بتكلم بجده
سجده. ماشي يا عمار تصبح علي خير
انا. وانتي بخير يا روحي
نمت في السرير وسجده مدياني ظهرها بعد شويه
سجده. عمار...... حبيبي........ قلبي
انا. اممممم
سجده. انا اسفه
انا. قولتك متحطيش نفسك في مقارنه بحد علشان كل واحد وليه عندي حاجه خاصه
سجده. حاضر متزعلش بقا
انا. مش زعلان خلاص
سجده. طب اجبلك عصير ولا حلويات
انا. لا ده ولا ده عايز انام
سجده. لسه زعلان اهو
انا. لا
سجده. طب خدني في حضنك بقا
انا. تعالي يا ستي
عند حبيبه بترن علي معتمد*
معتمد. الو
حبيبه. هو لازم ارن من رقم غريب علشان ترد
معتمد. النمره غلط يا انسه
حبيبه. معتمد متستهبلش
معتمد. حاضر سلام وقفل المكالمه
حبيبه. الو معتمد الو الووووو..... شوفتي عمايله
والدة حبيبه. طب اعملك اي يعني
حبيبه. ماهي شورتك هيا السبب يا ماما اله
والدة حبيبه. وانا اي عرفني انه شديد كده مكانش باين عليه من معاملته
حبيبه. اهو بان وخلاص اعمل اي دلوقتي
والدة حبيبه.* مش عارفه بصي روحيله البيت
حبيبه.* هينفع
والدة حبيبه.* المهم تقنعي امه مش هيرفضلها طلب
حبيبه حاضر
تاني يوم حبيبه قامت لبست وراحت بيت معتمد فتحتلها عليا
حبيبه.* اذيك يا عليا
عليا.* اهلا حبيبه تعالي اتفضلي....* يا ماما حبيبه هنا
والدة معتمد.* اهلا اهلا بمرات ابني مبتتصليش ليه يا بت
حبيبه.* مش باين يا طنط
والدة معتمد.* يا ساتر ليه كده
حبيبه.* معتمد مبيكلمنيش بقاله شهر ولا معبرني
والدة معتمد.* ليه ده كله حصل اي
حبيبه.* علشان بقوله يحدد ميعاد فرحنا
والدة معتمد.* لا غلطان معلش يا حبيبتي انا هكلمه......* ادخلي صحيه يا عليا
عليا.* حاضر..............* معتمد معتمد اصحي
معتمد.* اي يا عليا في اي
عليا.* ماما عايزاك
معتمد.* ليه ماهي عارف اني نايم متاخر
عليا.* حبيبه برا وبتعيطلها
معتمد.* طب انا جاي حاضر
عليا.* طب براحه وخود الامور بعقل شويه
معتمد.* منتي عارفه يا عليا يلا هلبس وجي
والدة معتمد.* صحي
عليا.* ايوه يا ماما صحي بيلبس وجاي
معتمد. صباح الخير
كلهم ردو ما عادا حبيبه
معتمد. عليا ممكن قهوه
عليا.* طب كل حاجه الاول
معتمد. معلش مصدع
عليا.* حاضر
معتمد. خير يا امي
والدة معتمد.* مزعل خطيبتك ليه
معتمد.* خطيبة مين
حبيبه.* سامعه يا طنط يقول اي
والدة معتمد.* استني يا بنتي....* وانت اتكلم عدل
معتمد منا بتكلم كويس هو انا سيبتها من شهر ومش لاقي اي سبب لوجودها هنا اصلا
عليا.* القهوه
والدة معتمد.* ليه يا ابني ده كله هيا عندها حق عايزه تفرح زي باقي البنات
معتمد. معترضتش وانا قولت لحضرتك قبل مروح اقبلها انا هاجل تحديد الفرح لحد ما احمد يقوم بالسلامه صح
والدة معتمد. صح اي الي جد بقا في الموضوع
معتمد. تيجي الهانم تقولي وانا مالي ومال احمد ما يقوم ولاان شالله مقام ويا انفذ الي هيا عايزاه يا كل واحد يروح لحاله وانا نفذت كلامها واخترت الي شايفه صح
والدة معتمد. طب استعيذ من الشيطان يا ابني غلطت وجايه تعتذر اهي
معتمد. انا قررت يا امي وخلاص انتهي الامر كل شي قسمه ونصيب..... معلش يا امي همشي انا رايح ازور احمد واطمن عليه
والدة معتمد. يابني المواضيع متتاخدش كده براحه
معتمد. سلام
حبيبه قاعده منهاره من العياط
والدة معتمد. بس يا بنتي
حبيبه. انا بحبه ومقدرش ابعد عنه
والدة معتمد. طب اهدي وكل حاجه هترجع احسن من الاول... هاتي مايه يا عليا
عليا. حاضر
عندي في الشركه تليفوني رن
انا. تعالا علي الشركه مستنيك
معتمد. ليه بتضرب الودع ولا بتقرا المستقبل
انا. يا عم الخفيف تعالا
معتمد. ماشي
قفلت مع معتمد وكلمت فتحي
انا. انت فين يا ابني تليفونك مغلق كمان
فتحي. معلش كنت في اجتماع
انا. عمل ولا رومانسي
فتحي. الاتنين مع بعض
انا. ماشي سلملي عليها
فتحي. وصل
انا. طب خلصت ولا لسه
فتحي. يعني ليه
انا. هنروح لاحمد عدي عليا ومعتمد جاي في السكه
فتحي. مسافة السكه انا كمان
بعد نص ساعه معتمد وصل وبعديه فتحي واتحركنا علي المستشفي وصلنا ورحنا اوضة احمد
انا. اي يا عم مش هتقوم...... معتمد
معتمد. اي.... اي الي جابها هنا دي
فتحي. تكونش قريبة احمد وانت متعرفش مانتو ناس غريبه اصلا
معتمد. بتعملي اي هنا
################
