الفصل التاسع عشر *
سجده. عمااااااار
انا. اي صوتك يا بنتي
سجده. هاجي معاك
انا. وزمايلك
سجده. يمشوا عادي مش هسيبك تمشي لوحدك كده
انا. طب ادخلي يا حبيبتي ادخلي ربنا يهديكي.... يلا يا صخر
اتحركت علي بيت حبيبه انا وحماتي بعد ماصرت تيجي معايا وسجده دخلت لزمايلها
بنت ١. هو بيخرج لوحده علي طول
سجده. ايوه
بنت ٢. مش بيخرجك خالص
سجده. من اخر مره خرجنا وتعبت وحصلي الي حصل وهو حاسس بالذنب وخايف يخرجني من بعدها
بنت ٣. بس خلي بالك الرجاله ملهاش امان ممكن يكون.....
سجده. متكمليش عمار غير اي راجل
بنت ٤. متسمعيش كلامها يا سجده هيا بقت عندها عقده من الرجاله اصلا
بنت ٣. مش عقده بس الي شوفته مش شويه
سجده. صوابعك مش زي بعضيها طب هقولكم علي حاجه واحكموا انتوا (وحكتلهم حوار عليا كله)
بنت ١. انتي مجنونه يا سجده
بنت ٢. بجد رفض
سجده. وكان ممكن يطلقني فيها بس قالي تطلعي من البيت لوحدك من غير ماما
بنت ٣. لا عمار من ايام الجامعه ومحدش فاهمه
بنت ٤. علشان كان في حاله وملوش غير اصحابه المعروفين احمد وفتحي
بنت ١. صحيح هو مين الي هيتجوز النهارده فيهم
سجده. ده معتمد اخوهم الرابع هياخد بنت خالتي
بنت ٣. اه قولي كده خطفتوا مزز الدفعه انتوا
كلهم ضحكوا علي كلامها
في مشهد اخر ( بيت حييبه)
دخلت انا وحماتي وهيا راحت باركت لحبيبها وامها وانا قعدت مع بابا والرجاله
فتحي. استر يا الي بتستر
احمد. في اي ياض
عمار. معتمد مش بينوي علي كتب كتابه الا وحاجه بتحصل
فتحي. هههههههه صح
احمد. خير متقلقوش
انا. مش ملاحظ حاجه يا فتحي
فتحي. الواد بقا عاقل وراثي كده سبحان مغير الاحوال
معتمد. اي يترغوا في اي
احمد. بيحفلوا عليا يا عريس
انا. مبروك يا غالي ربنا يتمم بخير
فتحي. مبروك يا عريسنا
معتمد. الله يبارك فيكم يا احلي اخوات في الدنيا وعقبالك يا توحه انت وابو احميد ونشيل ولي العهد يا عمور
بابا. نفسي ياض يا معتمد هموت واشيله بيت ايدي
انا. بعد الشر عليك يا بابا تشيله وتربيه وتجوزه كمان
ابو حبيبه. المازون جيه يا معتمد اتفضلوا
معتمد. عمو عز مع حضرتك يا عمي
بابا. اتشرف يا ابني طبعا
معتمد. ربنا يخليك يا عمي
كتبنا الكتاب والحريم زغرطوا وشغلوا اغاني لقيت صخر واقف بعيد عن باب الشقه روحتله
انا. واقف لوحدك ليه
صخر. الرجاله متوزعين في العماره وانا لوحدي هنا
انا. ومدخلتش تقعد معانا ليه
صخر. ميصحش يا باشا حتي لو انت بتعاملنا احسن معامله في ناس غريبه ميصحش
انا. ماشي تعالي اقعد معانا يلا
دخلت انا وصخر جوه
معتمد. كنت هزعل لو مدخلتش يا صخر
صخر. مقدرش علي زعلك يا سيادة المقدم
فتحي. سيااااادة المقدم اي يا صخر الطربوش الي في لسانك ده خلي البساط احمدي
صخر. ماشي يا توحه
احمد. هو ده
انا. يلا قوموا رقصوا الغريس يا ابني
معتمد. وانت هتصقف بس ولا اي
انا. منتا عارف مش بتحرك من مكاني ولا برقص
شويه وشغلوا الاغاني وكنت واقف بصقف وفتحي شدني وانا مصدقت شويه عبط علي هبل طلع رقص وخلاص ههههههههه والبنات شغالين رقص وغاريد علي جنب مع نفسهم
بنت. قوليلي يا حبيبه مين المز الي مع خطيبك ده
حبيبه. اولا بقا جوزي يا متخلفه ثانيا انهي واحد فيهم
بنت. الي لابس بدله سوده وفي مسدس في جنبه
حبيبه. ده صخر الحرس الخاص لعمار صاحب معتمد
بنت. وعمار يمشي بحراسه ليه
حبيبه. اومال لو شوفتي الي حصل من اول اليوم صخر جه ومعاه ٣٠ واحد منهم الي علي السطح ومنهم الي في الشارع ومنهم الي في العمارات الي جنبنا
بنت. ليه يعني ده كله
حماتي. علشان اتعرض لكذا محاولة اغتيال
بنت. احم ماشي يا طنط
حماتي. يلا يبنات رقصوا العروسه
ام حبيبه. في اي يا وفاء*
حماتي. ابدا مفيش يا حبيبتي
معتمد راح وقف الموسيقي وجاب حبيبه في وسط البيت
معتمد. انا بشكر كل الناس الي موجوده علشان تفرحلي من قلبها بجد وبحمد **** علي وجود اصحاب واخوات زي عمار وفتحي واحمد
خالد. امشي انا ولا اي
معتمد. خالود حمدلله علي السلامه* .... وخالد طبعا زميل العمل والصاحب الجدع وشخص في مقام الاب زي عمو الباشمهندش عز ابو طاحون الي بفضله بعد ربنا انا واقف قدامكم دلوقتي بالشكل ده اخيرا بقا اني حققت حلمي وبقيت ملكي احلي واجمل واحده في الدنيا كلها حبيبه وهيا حبيبه وعزيزه علي قلبي لابعد الحدود وعقبال كل الي متجوزش يتجوز والي اتجوز يرزقه بالذريه الصالحه
