الفصل العاشر
انا. سسسسسسجده
سجده. نعمين اجيب اتنين ليمون وشجره ولا حضرتك قومت بالواجب
انا بنرفزه. سجده كفايه وافهمي الموضوع
سجده بدموع. بتتعصب عليا كمان انا مراتك غيرتي عليك حقي وملكية ليك بردو حقي
عليا. يا سجده انا
سجده. انتي اي بس انا عامله حساب للعشره ولمعتمد صاحب عمار مش اكتر
انا. حقك يا سجده بس اقعدي
عليا. طب استاذن انا واسفه
انا. عليا لينا كلام تاني تمام
سجده. انت عايز تجلطني عايز تشلني
عليا. تمام
خرجت عليا من المكتب
انا. انتي اي الي عملتيه ده
سجده. عملت اي ده كده انا اتصرفت بالعقل
انا. عقل فين العقل لما جرحتي البنت كده
سجده. ايوه عقل لما اسمع واحده بتقول لجوزي بحبك بتقول لحبيبي بحبك عايز رد فعلي يكون اي ازغرط واجيب الشربات
انا. خلصتي وتقعدي تفهمي ولا تروحي تكملي شغلك
سجده. افهم يا عمار هسمع حاضر اتفضل
حكتلها كل الي حصل والي عليا بتعمله
انا. ها اي تقديرك للموقف الي عملتيه تقدري تضمنيلي ان البنت متعملش في نفسها حاجه
سجده. وانا اي عرفني انها كجنونه اصلا
انا. مش مجنونه دي عقله جدا
سجده. يبقي انا الي هبله علشان قاعده اسمعك وانت بتقولي انها بتحبك وبتنتحر علشانك وعايز تكون زوجه تانيه لحضرتك
مي. بعد اذنك يا فندم في ناس طالبه تدخل لحضرتك
انا. مين يا مي
مي. محدش فيهم قال حاجه يا فندم
انا. طب ربع ساعه وتدخليهم
مي. تمام يا فندم
سجده. بعد اذنك يا باش مهندس اسمحلي اخد بقيت اليوم اجازه
انا. اتفضلي يا سجده
خرجت سجده من المكتب وانا عارف انها هتبقي ايام سوده جايه وطلبت من مي تدخل الناس الي برا وكانو اتنين
انا. اهلا وسهلا اتفضلوا
الاتنين. اهلا بيك يا باش مهندس
انا. متشرفتش بحضراتكم
شخص. انا نايف رئيس مجلس ادارة شركة الخليج للمقاولات
شخص ٢. انا عزت رئيس مجلس ادارة شركة الكويت للمقاولات
انا. اهلا استاذ نايف اهلا استاذ عزت نورتوا مصر اقدر اخدمكم بايه
نايف. احنا الاتنين يعتبر من اكبر شركات الخليج والكويت وجايين ليك في عرض من اصحاب الشركات دي
انا. والعرض ده عباره عن ايه
عزت. اسم شركتكم في مصر كبيره وليها وزنها في السوق فاحنا عايزين ندخل شريك ويبقي لينا اسهم في شركتكم وبالمقابل يكون ليك اسهم في الشركات عندنا
انا. ايوه ايه العائد عليا من الشراكه دي انت كده اديتني مبلغ ورجعت اخدته
نايف. مظبوط بس الشراكه دي فيها مصلحه ليك توسيع شركتكم واسمها علي مستوي الشرق الاوسط
انا. سوري يعني حضراتكم هتغيروا اللوجو واسم شركاتكم وتضيفوا اسم طاحون جنبها
عزت. لا طبعا الاسامي زي ما هيا واهم حاجه بالنسبالكم العائد المادي ده بالمليارات يا باش مهندس
انا. تمام بس انا كده ماستفدتش حاجه برد شوية فلوس لا راحت ولا جات
نايف. افهم من كلامك الرفض صح
انا. الرفض والقبول مش بايدي بس عن نفسي بقول لحضرتك عرضك مرفوض
عزت. تمام عن اذنك
انا. شرفتوا
خرجوا الاتنين من المكتب وبعد ساعه ومعتمد جالي
انا. ها الصور وصلتك
معتمد. وصلت ودي ملفات فيها كل حاجه عنهم
انا. تمام
معتمد. حلو فكرة الجهاز الي انت زرعته في السكرتاريه ومكتبك ده
انا. متوقع من يوم مقولتلي علي الاجتماع بتاع الوزير ان فيه ناس هتيجي وانا مش بحب اكون اهبل في الزفه لازم اعرف بتعامل مع مين نشوف الملفات دي بتقول اي
قريت الملفات كلها واتصدمت من الي عرفته
انا. شكلها بتوسع اوووي
معتمد. بالظبط كده ثانيا انت اتفرض عليك حراسه من النهارده
انا. ليه ده كله
معتمد. احتياطات امنيه ونفس الكلام بيحصل مع روساء الشركتين الي شغالين معانا
انا. اه انا ناقص بقا خنقه وحراسه
معتمد. ولا هتحس بيهم مارس حياتك طبيعي خالص
انا. مش باين
معتمد. ليه بتقول كده
انا. سجده سمعتني وانا بتكلم مع عليا
معتمد. ده الي كنت خايف منه وطبعا جابت عليا من شعرها
انا. ليه هيا قاعده مع سوسن ولا حنان متظبط ياض
معتمد. طب يلا نمشي علشان انت الي هتتظبط ههههههههههه
انا. ههههههه يلا بينا
وصلت معتمد ورجعت البيت لقيت حراسه مقنعين وناس بتركب كاميرات وواحد لابس بدله جاي عليا
شخص. مساء الخير يا باش مهندس انا النقيب شريف ظابط قوات مسلحه وقائد الحرس لحضرتك
انا. اهلا وسهلا
شريف. ممكن اقعد مع حضرتك.....
انا. اولا انا عمار مش حضرتك ثانيا انت دفعة معتمد وخالد صح
شريف. هههههه صح يا عمار
انا. كده قشطه كنت عايز تعرف تحركاتي وتحركات الجماع الي في البيت صح
شريف. مظبوط
انا. طب اتفضل نقعد علي البسين نشرب القهوه
قعدنا لحد القهوه مجات
انا. بص يا سيدي انا بخرج الساعه ٨ بالظبط اتجاهي الفرع مبروحش اماكن كتير الا لو خرجت انا والمدام او انا ومعتمد واصحابنا بالنسبه لبابا بيخرج الساعه ١٠ اتجاهه للمجموعه
شريف. والمدام معاك في نفس الفرع صح
انا. تمام صح
شريف. والست الوالده
انا. الله يرحمها
شريف. انا اسف بس فيه....
انا. اه دي والدة المدام حماتي
شريف. تمام شكرا يا عمار اروح انا اطمن علي تامين الكاميرات والمداخل والمخارج وشكرا علي القهوه
عمار. العفو يا شريف اتفضل
دخلت جوه قعدت مع بابا لحد محضروا الغدا وسجده رايحه جايه مش بتبصلي ولا بتكلمني المهم اتغدينا وشربت القهوه مع بابا وطلعت فوق وبعدي بنص ساعه دخلت ساجده
انا. سجده هاتي كوباية عصير
سجده. حاضر..... اتفضل
انا. اقعدي طيب
سجده. معلش عايزه انام بعد ازنك
انا. انا بحبك انتي ولو مليون واحده زي عليا قالولي بحبك مش هتخلي عن حبك ولو للحظه واحده
سجده وكانها مصدقت وراحت معيطه. وانا بعشقك بتنفسك كده ومستحملتش فكرة انك تكون مع واحده غيري
انا. ولا انا هقبل بكده انتي وبس الي في قلبي انتي وبس الي من حقها نقول انا مرات عمار ابو طاحون
سجده. يعني مش هتتجوزها عليا
انا. هههههه لا
سجده. بس هيا ممكن تنتحر تاني ويبقي ذنبها في رقبتنا انا وانت
انا. ليه انا فهمتها وقولتلها الي عندي وعملت كده علشان معتمد اخويا وطبعا هيا بنت عمه تبقي اختي فهمتي يا راس الجاموسه انتي
لقيتها اترمت في حضني وبتقول كلام مفهمتوش
انا. بتقولي اي يا بت بتشتمي في سرك صح
سجده. بقول بحبك وبموت فيك وبعشقك يا قلبي وروحي وعمري كله
انا. كل ده كتير عليا
سجده. مفيش حاجه كتير عليك ابدا
ودخلنا نمنا وصحيت تاني يوم لبست واتشيكت علي الاخر
سجده. اوبا اوبا اوبا اي الشياكه دي يا ولا يا موز انت
انا. حلو يعني
سجده. قمر يا روحي
انا. طب يلا بينا
نزلنا تحت فطرنا وقومت علشان امشي
بابا. خد بالك من كلامك وبردو تركز في كلام الي قصادك اوعي تهيب من حد ولو رئيس الجهوريه نفسه كبر ولا صغر هو انسان مفهوم
انا. مفهوم يا بابا
حماتي. روح يا ابني يوقفلك ولاد الحلال ويرزقك برزقنا
انا. احلا دعوه في الدنيا كلها يا ست الكل يلا سلام
كلهم. سلام
طلعت بره لقيت الظابط شريف مستنيني وطقم الحراسه بتاعه
انا. معلش اتاخرت يا شريف
شريف. ولا يهمك رايح فين
انا. هركب عربيتي
شريف. لا هتركب العربيه دي
انا. اشمعني ماهي هيا وزيها
شريف. عارف بس دي مصفحه وفيها امكانيات اعلي
انا. الي تشوفه وعلشان خاطري بلاش تقف كده تستناني تاني انت والشباب ولا تفتحلي الباب ولا الحاجات دي
شريف. هههههه ماشي يا عمار
ركبت العربيه وقدامنا عربيه وورانا عربيه واتحركنا علي وزارة الدفاع واول موصلنا عربيتين الحرس ركنوا بعيد وعربيتي ركنت قدام باب المبني فتحت ونزلت لقيت معتمد لابس ميري وواقف
انا. تصدق احلي في الميري ياض
معتمد. احم اهلا يا باش مهندس اتفضل معالي الوزير في انتظارك
انا. هههه احم تمام يا حضرة الرائد شكرا
دخلنا المبني وشريف استني تحت واحنا طلعنا قعدنا عند مكتب سكرتير الوزير لحد ما الوزير طلبنا ودخلنا مكتب شيك جدا قام من علي مكتبه ومعتمد اداله التحيه العسكريه ورحب بينا
الوزير. اهلا بنبغة كلية الهندسه والعقل المدبر لشركات طاحون
انا. اهلا بحضرتك يا فندم دي شهاده اعتز بيها طول العمر
الوزير. يلا يا معتمد هات اصحاب الشركتين علشان نبدا الاجتماع
معتمد. تمام يا فندم
الوزير. اتفضل يا عمار قولي يا بطل عندك كام سنه
انا. يذيد فضلك يا فندم ماشي في السابعه وعشرين
الوزير. ياااه لسه صغييير اوي بس كبير عقلا ومقاما
انا. شكرا يا فندم
دخل معتمد ومعاه اصحاب الشركات وقعدنا علي ترابيزة الاجتماعات في نفس المكتب
الوزير. احنا اخترنا حضراتكم بعد تدقيق ومراجعات والاختيار وقع علي الكفاءه والذكاء والنجاح الي اتحقق منكم الفتره الي فاتت... المشروع المطلوب مننا تنفيذه هو قاعده كامله تحت الارض بتتكون من مهاجع للافراد وهناجر للدبابات ومهبط طيران وقدام كل واحد في حضراتكم ملف بشرح المشروع كامل مطلوب تحضير التصاميم الارقي والاصلح وهنختار منها تصميم والتصميم الي هنختاره صاحبه هو الي هينفذ والشركتين الي باقيين هينفذو مشروع تاني
شخص ١. تمام يا فندم
شخص ٢. يومين ويكون التصميم عند حضرتك
الوزير. باش مهندس عمار
انا. افندم
الوزير. منتظر معاد منك لتسليم التصميم
انا. ازاي من غير مشوف الموقع الي هصممه او الارض الي هشتغل عليها والامكانيات الي عند حضرتك والمده المطلوبه في تنفيذ المشروع
الوزير. برافو الرد الصح والشغل المظبوط تقدرو تتفضلوا مع الرائد معتمد عنده كل المعلومات الي هتحتاجوها
قومنا احنا الثلاثه مع معتمد روحنا مكتب تاني وشغل شاشه كبيره عليها ارض صحراويه
معتمد. اتفضلوا يا حضرات ده الموقع المطلوب تعميره
شخص١. ايوه يا حضرة الظابط دي صحرا
معتمد. بالظبط يا فندم اومال هنعمل قاعده عسكريه سريه في وسط القاهره مثلا
شخص٢. طب مساحتها كام الارض دي
معتمد. ٣ الاف كيلو متر مربع
انا. ومكانها سر طبعا لحد منخلص التصاميم صح
معتمد. صح يا هندسه
وفضل معتمد يشرح مميزات الموقع وعيوبه من ناحية الانشاء والتخطيط والعقبات الي ممكن تقابلنا في التنفيذ وبعد كده خرجنا احنا الاربعه من المبني وقفت انا ومعتمد برا واصحاب الشركتين جايين علينا
شخص١. اتشرفت بمقابلة يا باشمهندس
انا. الشرف ليا يا فندم
شخص٢. انا. كنت فاكر ان عمار طاحون الي مدوخ سوق المقاولات وواخد كل المناقصات راجل عجوز بكرش هههههه
انا. ده مدح ولا تريقه بقا
شخص٢. انا اقدر يا باشمهندس اتريق علي الحوت
معتمد. الحوت
شخص١. اه طبعا السوق كله ملوش كلام غير عن الحوت الازرق بتاع المقاولات
انا. ده اسم كبير وتفخيم علي الفاضي المهم يكون فعل مش اسم وخلاص
معتمد. الصيت ولا الغني يا هندسه
انا. لا ده ولا ده العمل والمجهود يا حضرة الرائد استاذنكم انا
معتمد. الملفات الي مع حضراتكم مهمه وسريه يا حضرات
كلنا. تمام
ركبت عربيتي وشريف معايا والحرس ورانا ورجعت الفرع دخلت والحراسه معايا وطلبت مي تعملي اجتماع حالا وبعد مشربنا القهوه انا وشريف الي بقا زي ضلي جات مي وقالتلي الاجتماع جاهز
انا. اهلا يا باشمهندسين احييكم علي المجهود والعرق الي اتعمل الفتره الي فاتت دي كل واحد فينا ليه بصمته بس لسه محققناش الرقم القياسي الي يخلد اسمنا في تاريخ الهندسه والمعمار احنا داخلين علي مشروع العمر بمعني الكلمه مشروع هيغير من مفهوم الهندسه والجاذبيه من الاساس ولو اتنفذ زي ماهو في خيالي يبقي احنا سيبنا اسامينا علامه يمشي عليها الي بعدنا والي بعدهم زي الفراعنه ما بنوا الهرم بمعجزه هندسيه بكل المقاييس احنا هنعمل ممشروع بمعجزه هندسيه وتكنولوجيا انسه مي
مي. تمام
انا. الي بيتعرض قدام حضراتكم ده فيلم اجنبي كنت مبهور بيه من زمان اسمه( g.i. joe) ان ازاي التكنزلوجيا دي والابتكار العلمي والهندسي ده يكون موجود عند ناس واحنا لا عارف انه خيال علمي والكلام ده كله اتصور في اوضة وصالحه بس الخيال ممكن يبقي حقيقه
حسن. اي يا هندسه ناوي تبني قاعده عسكريه وتحارب بيها ولا اي
انا. بالظبط هنبني قاعده عسكريه باشمهندس حسن عايز في ظرف ٢٤ ساعه يكون عندي اكبر ثلاث مصممين للكلام ده ويستحسن لو الي عامل الفيلم بنفسه وعايز ٢ مهندسين ميكانيكا ويكون متخرجين جداد لسه وعايز مهندس برمجه وفوتشوب شاطر
حسن. تمام يا هندسه بس بالنسبه للعامل الفيلم عايز ٧٢ ساعه
انا. ٤٨ ساعه مش اكتر يا باشمهندس سجده عاصم رنا تعملولي تخطيط وتوزيع لارض مساحتها ٣ الاف كيلو متر مربع وده التصوير الواقعي للارض واختبار التربه والصلابه الجوفيه بتاعتها
الثلاثه. تمام يا فندم
انا. مي اتصلي بالمهندس فتحي يجيلي هو والمهندسه علا والمهندس شريف والمهندس ونفس الكلام مع المهندس احمد ومعاه ٤ مهندسين من التنفيذ عنده ويكونوا خبره
مي. تمام يا فندم
انا. باقي حضراتكم هتابعه مع الناس الي هيجبها المهندس حسن مع حضراتكم اربع ايام يكون كل حاجه جاهزه اليوم الخامس هعرض شغلنا قدام وزير الدفاع تمام وياريت كل واحد يخلي باله ان المعلومات دي سريه والشغل مع الجيش يا حياه يا موت اتفضلوا
خلصت اجتماع وروحت المكتب وحسن جالي علي طول
انا. اي رد فعل الناس يا هندسه
حسن. كلمة مستحيل
انا. مفيش مستحيل في صعب بس ممكن
حسن. طب اروح اشوف انا الناس الي طلبتها
انا. اتفضل يا عمو تاعبك معايا معلش ابنك متهور
حسن. متقولش كده يا حبيبي وشرف ليا يكون ليا ابن متهور زيك كده
انا. تسلم يا عمو اتفضل
بعد ساعه احمد وفتحي وعلا وشريف ومعاهم مهندسين تنفيذ من فرع احمد وصلوا وشرحتلهم الموقف ولقيت احمد وفتحي متحمسين ورشحولي اربع مهندسين كمان خبره من عندهم وبعد مخلصت معاهم دخلت انا واحمد وفتحي المكتب
فتحي. المشروع ده لو تم زي ماانت متخيل كده هينقل الهندسه في مصر تماما
احمد. فعلا مش بعيد ناخد جائزة نوبل في الهندسه
انا. طب اي ناكل
احمد. طبعاااااا
فتحي. نسيت جائزة نوبل وقتي بسبب الاكل
ضحكنا كلنا وطلبت اكل للفرع كله والحراسه الي معايا كلنا وشربنا وفضلنا شغالين مع الناس لحد الساعه سابعه المغرب ووقفت في نص الفرع
انا. كفايه كده يجماعه كل واحد يقفل شغله ويلم حاجته يلا نكمل بكره
وطلعت من الفرع ومعايا ساجده وفتحي اخد احمد ومشي واتحركنا علي البيت ورجعنا حكيت لبابا علي الي حصل وشرحتله نظام الشغل هيمشي ازاي والحاجات المطلوبه علشان يوفرهالي معدات مواني كل حاجه هنحتاجها وطلعت نمت وتاني يوم كملنا شغل وحسن جاب الناس الي طلبتها وشوفت شغلهم طلع ممتاز كمان وعملوا تخطيط لنفس الفكر الي في دماغي وعدي تاني يوم يعتبر خلصنا ثلاث اربع الشغل والتصاميم والناس شغاله بايدها وسنانها وجه ثالث يوم سجده رنت عليا
سجده. عمار هروح اجيب حاجات
انا. حاجات اي
سجده. حاجات وخلاص بقا
انا. زي اي يعني... اه متقولي حاجات حريمي ماشي يا ستي هتتاخري
سجده. لا ساعتين بالكتير بس كلم الظابط شريف يخلي الناس الي معايا متجيش علشان هتكسف انا
انا. حاضر الي انتي عايزاه يا ماما
قفلت معاها وكلمت شريف قولتله الي هيا عايزاه وقالي تمام بس هيتابعها بالجي بي اس قولتله ماشي
خلصت شغل ولقيت شريف داخلي
شريف. عمار قوم بسرعه
انا. في اي يا شريف
شريف. مفيش وقت بسرعه يلاااا
وبكده تنتهي المرحلة الاولي
نبدا بقا ف الاكشن و الجد
