العهد

الفصل الخامس

الجزء الخامس

رجعت البيت انا وبابا واستاذنت من ادخل انام اخدت دش ونمت وصحيت تاني يوم علي تليفوني
انا. الو
فتحي. انا عارف انك لسه نايم
انا. انجز يا بارد عايز اي
فتحي. معتمد واحمد معايا وهنخرج ها
انا. انا لبست وفي الطريق اصلا نص ساعه واكون عندكم
فتحي. ههههههه ماشي مستنينك
انا. سلام
قومت لبست وشرب نسكافيه وركبت عربيتي ومشيت واتجمعنا علي الكافيه بتاعنا
انا. وحشني يا حضرت الظابط
معتمد. انت اكتر يا حبيب اخوك ( وخدنا بعض بالحضن)
احمد. وانا مش هحضن
فتحي. انت راشق في اي مصلحه وخلاص اقعد يا اهبل
احمد. خلاص مش عايز
انا. هههههههه الواد ده لازم نجوزه ضروري والا هيعملنا بلوه في يوم من الايام
معتمد. بتقول فيها من ساعت مقعدنا وعمال يلاغي مره في الناس الي قاعده ومره في البنت الي بتقدم الطلبات
فتحي. وشكلنا هناخد علقه موت دلوقتي
انا. طب اخلع انا في السريع ههههههههه
احمد. خلصتوا ولا لسه
فتحي. انا خلصت
انا. وانا كمان
معتمد. شرحهم بردو
احمد. هناكل بقا صح
كلنا. ههههههههههه هناكل
اكلنا وشربنا وقاعدين لحد مالفون رن
انا. ايوه يا حبييبي
بابا. هتتاخر
انا. لا ساعه وراجع
بابا. طب بلغ احمد وفتحي انكم بكره في الشركه تمام
انا. تمام حاضر
بابا. سلام
انا. جهزو نفسكم من بكره شغل
احمد. احنا لاحقنا
فتحي. يخربيت امك عيل يسد النفس افرح ان هنتحرك بدل القاعده الي مش جاييه همها دي
معتمد. برافو يا توحه هو ده الكلام
احمد. بصراحه الشركه وحشتني ثلاث شهور مروحناش علشان ام الامتحانات والتحضير للتخرج وغيره
انا. هتسافر امتي يا معتمد
معتمد. مش مسافر
فتحي. ازاي يعني
معتمد. انا اتعينت في الهيئه الهندسيه هنا في القاهره وهروح واجي كل يوم انت ناسي اني كنت الاول علي دفعتي ولا اي
احمد. مش ناسيين يا عم فرانكشتاين بس ده دخله اي يعني
معتمد. دخله ان فيه جهات متخصصه اختبروا مجموعه مننا ونجحنا وكل واحد اتوزع علي المكان المناسب ليه
انا. كده تمام علشان تبقي جنبنا هنا
معتمد. طب يلا نمشي علشان هتصحوا بدري وانا كمان
ملحوظة ::: ( من هنا هنبدا رحلة العهد الحقيقية )
وصلت معتمد وعليا كانت في البلكونه بتبص عليا وانا بردو مطنشها ومشيت فضلت الف بعربيتي ووقفت شويه علي النيل لحد مجالي رساله غريبه علي تليفوني من رقم برايفت فتحتها
( المعروف عنك انك من صغرك ذكي ولماح بس ثقتك في الناس عيب فيك حرص ولا تخون حواليك كلاب عايزه تاخد الي في ايديك بس انت اسد تقدر تسيطر علي الغابه)
انا. اي ده هيا الناس فاضيه ولا اي بيبعتوا حكم اليومين دول
مركزتش في الرساله ورجعت البيت تاني يوم صحيت لبست وروحت الشركه دخلت علي القسم سلمت علي الناس وكانو بيهنوني بالتخرج لحد ما فتحي و احمد وصلوا
فتحي. انت بايت هنا ولا اي
انا. هههههه انا لسه جاي من نص ساعه
احمد. طب دلوقتي عايزين نعرف هيبقي شغلنا اي
انا. بالنسبه لحضرتك انت تمسك البوفيه
كلنا ضحكنا وبعد شويه وصل بابا
بابا. صياح الخير ياباش مهندسين
كلنا. صباح النور يا فندم
بابا. حصلوني علي المكتب كمان ربع ساعه
كلنا. حاضر
وبعد شويه روحنا المكتب
انا. مدام حور الباشمهندس طالبنا
حور. ثواني ابلغه حاضر اتفضلوا ادخلوا
بابا. اتفضلوا اقعدوا بصوا بقا انتوا الثلاثه عندي زي بعض ولادي ومن ضمنكم معتمد
فتحي واحمد. ده شرف لينا يا فندم
بابا. عمار هتمسك مكتب المعادي وفتحي مكتب الدقي واحمد مكتب حلوان كل واحد يخلي باله من شغله الاماكن دي فروع لينا وفي نفس الوقت اهم من الشركه علشان هيا الوجهه بتاعتنا والناس بتتعامل معاها تمام
كلنا. تمام يا فندم
بابا. يلا من بكره كل واحد يروح للفرع بتاعه ليك كل الصلاحيات وروني شطارتكم بقا يا اوائل كلية هندسه اتفضلوا
اليوم عدي وتاني يوم روحت الفرع دخلت المكتب علي طول وكلمت السكرتيره واسمها(مي)
مي. اومر يا فندم
انا. انسه مي تبلغي كل الناس ان في اجتماع كمان نص ساعه
مي. حالا يا فندم عن اذنك
بعد تلت ساعه
مي. الاجتماع جاهز يفندم بس فيه اتنين مش موجدين
انا. اساميهم
مي. المهندسه سجده والمهندس جمال
انا. بتقولي مين
مي. المهندسه سجده والمهندس جمال يفندم
انا. اه سوري تمام اتفضلي انتي
دخلت الاجتماع وكان فيه كل الناس فيهم الي اكبر مني بعمر والي بسنين بسيطه
انا. احب واتشرف اني اعرفكم بنفسي الاول انا اسمي عمار عز الدين ابو طاحون اولا ننسي عز الدين ابو طاحون ونتعامل مع بعض اني المهندس عمار اخوكم الصغير وده شرف ليا فبلاش تعامل رسمي ثانيا بالنسبه لطريقة الشغل مفيش تغيير كل واحد في مكانه وبعد كده حسب الكفائه هيكون فيه ترقيات ثالثا بما اني مدير الفرع هنا فيه نص شهر مكافاه وخصم شهر كامل ليا علشان المدير العام طبعا مش هيرضيه الكلام ده
الكل ضحك وفي مهندس رفع ايده واسمه حسن ويعتبر نائب مدير الفرع
انا. اتفضل يا هندسه والي عايز يقول حاجه بعد كده يتكلم علي طول من غير رسميات يا جماعه
حسن. اولا يا هندسه احنا تشرف بالشغل معاك ونسمع عنك وعن شغلك من ايام مكنت بالتدرب في الشركه وكلنا هنا خارجين من تحت ايد المهندس حازم
انا.ربنا يخليك يا هندسه في اي حد عنده طلبات افكار للمشاريع الي تحت التنفيذ
جمال. انا يا باشمهندس
انا. عندك تاخير ربع ساعه يا جيمي بس انت دفعتي فعادي يعني كوسه بقا
جمال. ههههه شكرا يا هندسه مش هتحصل تاني
انا. ولا يهمك اتفضل
جمال. مشروع الجلاله الي اخدنا العقد بتاعه من الحكومه في بعض التعديل مني ده بعد اذن المهندس حسن طبعا ارض الموقع المطلوب اعماره
انا. في انحدار بنسبه 25 ٪ صح
حسن باعجاب. صح يا هندسه
جمال. تمام
انا. طب قول فكرة يا جمال
جمال. احنا هنبدا شغل من شرق الموقع الي هو المكان المرتفع وده الكمباوند والعمارات وغرب الموقع الي هو المكان المنخفض الفيلل والشاليهات
انا. ها اي رايك يا باش مهندس حسن
حسن. فكره حلوه بس تكلفتها هتعدي التخطيط المرسوم
انا. حوالي 700 الف صح
حسن. لا كفايه كده انا انبهرت انك عندك فكره بالمشروع بس كده انا حبيتك
الكل ضحك
انا. هههههه عموما ده مبلغ قليل قدام ثقة الناس
واحد تاني اتكلم بس بعصبيه شويه واسمه عصام وده مدير التخطيط
عصام. يفندم احنا تخطيطنا معمول صح مفيهوش غلطه وبالنسبه للانحدار ده احنا عاملين حسابه
انا.اولا ارفع التكليف يا هندسه حضرتك اكبر مني ثانيا انا مقولتش التخطيط غلط ولا حد قال كده
عصام بهدوء. حاضر يا هندسه بس كلام المهندس جمال ان بيقول كده
انا. فين التخطيط يا هندسه
عصام قام وفتح شاشة العرض
عصام. ده يا فندم
قومت عند البروجكتور الي بيعرض وقلبته العكس
انا. هو يقصد كده يا هندسه وتخطيطك زي مهو
عصام. والتكلفه الي هتزيد
انا. التكلفه هتزيد ايوه بس هتعوضها في شرق الموقع يعني هترفع اساس وقواعد اعلي في غرب الموقع وهتبني باستقامه في الشرق وده هيساعدك ان بدل 200 فيلا وشاليه هترفع كمباوند بحوالي 1000 عماره بدل 500 والفيلل والشاليهات هتكون بنفس العدد
الكل صقف وعصام اقتنع بكلامي وانبهر بردو
انا. تقدرو تتفضلوا
كل واحد رجع علي شغله وانا روحت مكتبي
انا. انسه مي فنجان قهوه لو سمحتي والمهندسه سجده توصل تدخلي علي طول
مي. قهوتك علي المكتب يا باش مهندس والمهندسه سجده مستنيه حضرتك في السكرتريه
انا. تمام دخليها
دخلت المكتب قعد علي الكرسي ومسكت ملف واديت ظهري للباب
مي. المهندسه سجده يا فندم
انا. خليها تتفضل
دخلت سجده بعد مخبطت علي الباب
سجده. صباح الخير يا فندم
انا. عندك تاخير ساعه يا باش مهندسه ومحضرتيش الاجتماع
سجده. اسفه يا فندم كان عندي ظرف طارق
انا. ده مش مبرر
سجده شويه وهتعيط. شوف الجزا المناسب يفندم وانا مستعده ليه
قولت كفايه كده اخدت حق القميص والولعه بتاعت النسكافيه بقالي اربع سنين في الكليه مش عارف اكلمها بعد موقف النسكافيه ولا بتدي حد فرصه انه يبصلها حتي ولفيت بالكرسي بصتلها وعنيها في الارض ومخدتش بالها مني لسه
انا. طب اتفضلي اقعدي
سجده. شكرا يا فندم
انا. نشيل التكليف بقا ولا كل مره اقابلك في تكوني بتعتذري
واخيرا بصتلي. تقابلني اي ده عماااار
انا. ايوه عمار
سجده. انت مدير الفرع
انا. اومال انتي قاعده علي مكتب حد تاني
سجده. مش قصدي بس مفجاءه
انا. ماشي يا ستي بس اتاخرتي ليه لو مفيش اساءه مني يعني
سجده. لا ابدا ازاي تقول كده بس مامتي تعبت بعد الفجر شويه وانا كنت في المستشفي معاها
انا. لا الف سلامه عليها اخر اليوم تستني نروحلها سوا
سجده. ملهوش لازمه يا عمار اقصد يا فندم
انا. ما كنا حلوين
سجده. مينفعش انت مدير الفرع
انا. مهو لو حضرتي الاجتماع كنتي عرفتي
سجده. مخلاص بقا انت هتزلني
انا. ايوه كده خليكي في نفس رينج المعامله دي اننا دفعه واحده واصدقاء
سجده. ماشي يا سيدي اروح انا اشوف شغلي
انا. اتفضلي
بعد ارهاق اول يوم ومريت علي الاقسام في الفرع وشوفت المشاريع الي تحت التنفيذ والي هيتسلم والي لسه هنبدا شغل فيه خلص اليوم خرجت برا الفرع لقيت سجده مستنيه
انا. يلا بينا
سجده. مصمم بردو
انا. ايوه يلا
ركبنا العربيه وطلعنا علي المستشفي دخلنا الاوضه بتاعت والدة سجده وفضلت انا علي الباب
سجده. مساء العسل يا فوفا عامله اي دلوقتي
وفاء. بخير يا قلب فوفا المهم المدير الرخم الجديد عمل معاكي اي
سجده. ماما
وفاء. مش انتي الي قولتي انه ابن صاحب الشركه ورخم و دلوعه وفيه كل العبر
دخلت انا علي كلامهم
انا. هو اي نعم دلوعه علشان وحيد ابوه بس مش رخم اووي يعني ولا فيه كل العبر
وفاء. بسم الله الرحمن الرحيم مين ده يا سجده
انا. المدير الرخم الدلوعه ابن صاحبه الشركه الي فيه كل العبر
سجد. ههههههههههههه بالظبط كده وضيفي عليها ان اسمه عمار وكان زميلي ودفعتي في الجامعه
وفاء. ومدام انتي عارفاه يام لسان ونص بتقولي كده ليه
سجده. مكنتش اعرف انه هو انا اتفاجت بيه النهارده الصبح ولا كنت اعرف انه ابن المهندس عز اصلا
انا. علي العموم الف سلامه عليكي يا امي عامله اي دلوقتي
وفاء. بخير يحبيبي
انا. ديما يا امي
وقعدنا شويه نتكلم وتسال اذا كنت مرتبط وزي كل الامهات عايزه عريس لبنتها بس ست زي العسل
انا. طب استاذن انا ويا سجده لو محتاجه بكره اجازه مفيش مشكله
سجده. لا انا عندي شغل كتير ومامتي هتخرج علي طول
وفاء. متشكرين لذوقك وزيارتك يا عمار
انا. العفو يا امي متقوليش كده طب يلا نشوف الدكاتره علشان اوصلكم بالمره
سجده. ملوش داعي احنا...
انا. من غير كلام كتير يلا قومي
سجده. حاضر
وفاء. سبحان مغير الاحوال سجده بتقول حاضر
انكسفت وخرجت بسرعه تشوف الدكتور وبعد ماطمنا علي والدتها اخدتهم روحتهم ورجعت البيت
انا. مساء الفل يا هندسه
بابا. مساء العسل طمني اي الاخبار
انا. ليه هو عصام مكلمكش بلغك الاخبار
بابا. وانت عرفت منين
انا. تلميذك يا هندسه
بابا. لا بقيت استاذ يا عمار واستاذ شاطر كمان
انا. طب اطلع انام انا بقا
بابا. تصبح علي خير يا حبيبي
انا. وانت بالف خير

مشهد اخر
في بيت سجده
وفاء. عمار شكله محترم وابن ناس
سجده. هاه ايوه يا ماما اول موقف حصل بينا كنا في الجامعه كنت مستعجله اخدت النسكافيه من الراجل مولع وبلف اندلق عليه وهو مولع صعب عليا ساعتها
وفاء. اتكلمتوا تاني بعدها
سجده. مره واحده لما كنت بعتزرله بس
وفاء. طب اي رايك فيه يعني
سجده. بصي هو من كلام الناس عليه في الجامعه انه محترم وهادي وملتزم
وفاء. رايك انتي يا بنتي
سجده. بصراحه هو مليان مميزات ومفيش حاجه غلط
وفاء.،،،،، يجعله من نصيبك
سجده. ماما انت بتسالي علشان كده يبقي بتحلمي
وفاء. ليه هيلاقي في ادبك ولا جمالك ولا التزامك فين
سجده. الموضوع مش كده بس واحد زي عمار اكيد والده حاجزله بنت عمه بنت خالته والي سمعته انه مبيرفض كلمه لوالده يعني لو قاله دي هتبقي هيا دي فهماني
وفاء. طب لو اتقدملك توافقي
سجده. هاه
وفاء. هاه اي توافقي
سجده. طبعا ده موز السنين
وضحكوا الاتننين مع بعض
تاني يوم رحت الفرع دخلت مكتبي
انا. مي في اي حاجه عندك
مي. ايوه يا باش مهندس في اتنين من الهيئه الهندسيه للقوات المسلحه
انا. خليهم يتفضلوا
وكان معتمد وكمان ظابط معاه
معتمد. وحشني يابو طاحون
انا. انت اكتر يا حبيب اخوك اتفضلوا
معتمد. اعرفك بالملازم اول خالد الشاذلي
انا. اهلا وسهلا يا خالد بيه
خالد. بيه اي يا عم خلي البساط احمدي كده
انا. ههههههه ماشي يا خلود تشربوا اي
معتمد. قهوه مظبوط
خالد. شاي
انا. مي اتنين قهوه مظبوط من البن بتاعي وواحد شاي وصايه
مي. ههههه حاضر يا باش مهندس
معتمد. بص بقا احنا جايين في شغل
انا. يعني مش جاي زياره طب استني الغي المشاريب لتقول رشوه
خالد. هههههههه مش للدرجادي يا عم انت بص كل الحكايه ان مشروع الجلاله النص للجيش والنص ليكم
انا. اه فعلا
معتمد. عندنا اوامر ان احنا نتعاون مع شركتكم ونسهلكم كل حاجه انتو محتاجينها
انا. عظيم مين بقا المدير التنفيذي عندكم
معتمد. انا وخالد ماسك التخطيط
انا. عشره علي العشره بلغني بالميعدا الي انتي عايز تبدا بيه
معتمد. انا هسلم مشروع كمان شهر بعد شهر واسبوع نبدا سوا
انا. علي البركه
معتمد. حاجه كمان
انا. خير
معتمد. جهز نفسك علشان هتيجي معايا انت والباش مهندس تخطبولي
انا. هيا بردو
معتمد. طبعا
كانت بنت معتمد بيحبها في المنطقه عندهم وكانت معانا في المدرسه بس دخلت طب اسمها حبيبه
انا. الف مبروك يا حبيبي
خالد. مبروك يا قائد عقبال التمام
معتمد. يبارك فيكم انا كلمت عمو عز امبارح وقولتله
يلا اطير انا بقا
انا. يا عم اقعد نتغدا سوا
خالد. بس دي تبقي رشوه
انا. خد الباب في ايديكم شرفتونا ونورتونا
الاتنين. هههههههه سلام
انا. سلام
وصلتهم ورجعت كملت شغلي وفي نهاية اليوم كلمت بابا علشان يجهز رجعت البيت اخدت دش ولبست بدله ازرق غامق واخدت عربيتي وعديت علي معتمد لقيت فتحي واحمد هناك
انا. الاندال الي مبتسالش خالص
فتحي. النبي تتلهي علي عينك ابوك مطلع عين ابونا
احمد. اتكلم عن نفسك لو سمحت انا مرتاح في الفرع بتاعي
فتحي. طبعا حضرتك تخطيط للشركه الام انما انا تنفيذ ميداني كل يوم في موقع شكل
انا. طب انا الاتنين تخطيط وتنفيذ
فتحي. بس فرعك مستقل عن الشركه بتنفذ وتخطط مع نفسك
بابا. خلصتوا ولا لسه
كلنا. هاه
معتمد. مش سامعلكم صوت يعني
بابا. وانا كمان كنت سامع كلامهم من تحت دلوقتي تنحوا
فتحي. ابدا يا عمي مناقشات داخليه بس
كلنا ضحكنا وبعد شويه اتحركنا علي بيت العروسه

############