الجزء الرابع
خرجت انا والشباب من الكافيه وكل واحد. رجع بيته طلعت نمت وصحيت تاني يوم عديت عليهم وسحبنا ورقنا من المدرسه
انا. ها التقديم هيفتح امتي يا معتمد
معتمد. بعد يومين بالكتير
فتحي. تمام ربنا يجعلك فيها نصيب يا صاحبي
احمد. متقلقوش ابو عمار وعدك يبقي هينفذ
انا. طب اي هتقعدو هنا ولا برا
معتمد. هنقعد عندي في البيت يلا
وروحنا عند معتمد وكالعاده احنا قاعدين وعليا رايحه جايه تبصلي كاني قاتل ابوها مديتهاش اهتمام خلصت مع معتمد ورجعت البيت وبعد يومين انا واحمد وفتحي في كلية هندسه جامعة القاهره
احمد. ادينا خلصنا تقديم وزي الفل اي الدنيا بقا
انا. نروح نشوف معتمد خلص ولا لسه
فتحي. صح يلا بينا
وصلنا الكليه الحربيه ودخلنا في الكافتريا
انا. حد يتصل عليه كده يعرفه ان احنا هنا
فتحي. ملهاش لازمه هو جاي علينا اهو واد امعتتتتتتمد
احمد. اي يا بقره علي الهادي خرمت ودني
معتمد. اي يلا انت في الشارع هنا ودخلتوا ازاي اصلا
انا. عيب تسال سوال زي ده قولنا هنسحب دوسيهات وورق بسيطه يعني المهم قدمت
معتمد. ايوه راجعت الورق وقدمته وكله زي الفل
فتحي. طب ناكل بقا
احمد.( بالقفا) بس بقا همك علي بطنك
واحنا قاعدين ندهو علي اسم معتمد في المايك
انا. اسمع يابني بيندهو عليك
معتمد. لا ياخي تشابه اسماء
فتحي. قوم يا ابن الظريفه ده اسمك انت
معتمد. نهار اسود انا عملت اي
احمد. روح وهتعرف يا ابو النباهه
قام معتمد وهو مرعوب ودخل مبني قعد حوالي ساعتين ونص واحنا قاعدين علي اعصابنا
فتحي. طب اي مش هنطمن علي الواد
احمد. هيكون حصل اي يعني هيرجع دلوقتي
انا. بقالك ساعتين ونص بتقولوا نفس الجمله ومرجعش
احمد. اقعد بس اهو جاي هناك اهو
انا. جريت علي معتمد انت كويس يابني اي الي حصل
فتحي. مترد يا حمار ردت المايه في زورك
معتمد. انا انا انا انا
احمد. انا لا شكلي شكلي ولا دا انا انجز يا عبد الباسط فيه اي
معتمد. انا نجحت ولبست في الحربيه
فتحي. نعم يا اخويا ازاي
انا. مبروك يا شق يبقي ابويا عملها
احمد. مش فاهم حاجه خالص
انا. في واحد صاحب ابويا من زمان اووي وده حاليا يعتبر الراجل رقم 2 في القوات المسلحه يعني بعد وزير الدفاع علي طول
معتمد. رئيس الاركان يعني
انا. تقريبا هو ده
فتحي. مش مهم المهم انك خلاص بقيت حضرت الظابط
احمد. طب يلا بينا قبل ميرجعو في كلامهم
كلنا. هههههههههههههههه
انا. لا هنروح عندي البيت بابا عايزكم في حاجه
بابا. اهلا اهلا بالباش مهندسيين وحضرة الظابط
معتمد. انا متشكر اووي يا عمي جميلك عمري مهنساه ابدا
بابا. لا انساه علشان مفيش جمايل بين الابن وابوه فاهم
انا. صح خير يا هندسه كنت بتقول عايزنا
بابا. مش هنتغدا سوا
انا. لا معلش لازم نفرح والدة معتمد ووالده بردو
بابا. اذا كان كده ماشي مقدرش اتكلم
كلنا. نستاذن احنا سلام
بابا. سلام يولاد
بعد مفرحنا والدة معتمد رجعت البيت نمت وصحيت تاني يوم
انا. صباح الفل يا بابا
بابا. صباح الورد والياسمين يلا تعالا افطر
انا. مروحتش الشركه ليه النهارده
بابا. مستني حضرتك تيجي معايا
انا. بجد طب مقولتيش ليه من امبارح ثواني بقا اغير وانزلك
بابا. طب افطر
انا. اكل اي حاجه هناك
وصلنا الشركه وسلمت علي الناس الي اعرفهم من عمال وموظفين وطلعنا المكتب
بابا. استني عند السكرتاريه لحد مجيلك
انا. حاضر
حور السكرتيره. نورت الشركه يا باشمهندس عمار
انا. منوره بيكم يا انسه حور ميرسي
حور. هههههه انا متجوزه يا باشمهندس
انا.(بعدم اهتمام) اه سوري مخدتش بالي
حور. كل ده ومخدتش بالك
انا.( باستغراب) نعم مش فاهم
حور.(بتوتر) لا ابدا مفيش
انا. ماشي
بعد نص ساعه بابا طلبني ودخلتله
انا. هو انا لازم اخد ميعاد من.... اي ده كله
بابا. اي معجبكش الي عملته
انا. تحفه ده يعجب الباشا
بابا. كل سنه وانت طيب يحبيبي
انا. وانت بالف صحه وسلامه يبابا تعبت نفسك ليه
بابا. انا عارف انك مبتحبش تحتفل بعيد ميلادك
انا. ها لا عادي بس مش بهتم يعني
ودخلت حور واحنا بنتكلم
حور. في ناس واخدين ميعاد يفندم
بابا. اه دخليهم
خرجت حور ودخلت الناس وكانوا احمد ومعتمد وفتحي
كلهم. كل سنه وانت طيب يا جميل
انا وانتوا بالف صحه وسلامه يرجاله
احمد. كل سنه واحنا مع بعض يا عموري
فتحي. السنه الجايه نكون في بيتنا يقلبي
معتمد. ويكون معانا البيبي ويطلع شبهك
بابا. ههههههههههه يخرب عقلك انت وهو
انا. ههههه بزمتك دول منظر مهندسين ولا ده كلام ضابط جيش
بابا. طبعا واكتر من كده كمان
واحتفلوا بعيد ميلادي والموظفين كمان هانوني ومعتمد مشي واستني احمد وفتحي
بابا. ندخل في الجد بقا من النهارده كل واحد فيكم هيتدرب مع مهندس خبره وقديم لحد ما تفهموا الشغل وانتوا وشطارتكم بقا
فتحي. من دي متقلقش يا عمي
انا. هنشرفك
بابا. طب تعالوا اوريكم القسم الي هتتدربوا فيه
نزلنا الدور الي تحت وكان في مكاتب كتير الموظفين شافو بابا وقفوا
بابا. صباح الخير يجماعه
كلهم. صباح النور يفندم
بابا. الشباب هينضموا لينا ويكونوا جزء من عيلتنا
كلهم رحبوا بينا واتعرفنا
بابا. باش مهندس حازم رئيس القسم هيكون مشرف عليكم ويتابع معاكم اوك يا هندسه
حازم. تمام يا فندم
بابا. تاخدو بالكم من كل تفصيله مهما كانت بسيطه
كلنا. حاضر
وبدانا شغل مع حازم لحد اليوم مخلص وصلت فتحي واحمد ورجعت البيت لقيت بابا مستني علي السفره
انا. مساء الفل
بابا. عندك تاخير نص ساعه
انا. سوري اصل المدير بتاعنا....
بابا. ماله ياض
انا. راجل سكره وزي العسل ومفيش منه اتنين وعجبي
بابا. اه بحسب يلا الاكل برد
اتعشينا وبعد كلام مع بابا عن اليوم والي حصل طلعت نمت وصحيت تاني يوم لبست وروحت الكليه دخلت الكافتريا لقيت احمد وفتحي
انا. صباح الفل
فتحي. صباح الورد
احمد. صباحك عناب
انا. فطرتو
الاتنين. ايوه
انا. كلاب
روحت جبت سندوتشات وانا بلف كنت اتشويت من النسكافيه الي وقع عليا
انا. مش تفتحي يا انسه ولعتي فيا
بنت. انا اسفه مخدتش بالي وكانت هتعيط فعلا
فتحي. حصل خير يا عمار
احمد. تعالا اغسل البتاع ده قبل المحاضره
انا. اغسل اي بس ده معدش نافع
بنت. انا ممكن اجبلك قميص غيره
بصتلها ويارتني ما بصيت ليها ملاك نازل من السما
انا. هاه
بنت. مش قصدي بس بقول اعتبره اعتذار
انا واقف متنح وفتحي واحمد لاحظوا
فتحي. عمااار يلا يحبيبي عندنا محاضر
انا. هاه اااه يلا يلا
احمد. والقميص ده
انا. سيبه عايزه كده
دخلنا المحاضره وانا تايه في عالم تاني مش شايف غير عيونها الزرقا المرغرغه بالدموع ووشها الابيض المدور مفوقتش غير علي فتحي
فتحي. يابني يلا المحاضره خلصت
انا. هاه اه يلا
احمد. هو النسكافيه كان سخن للدرجادي
فتحي. ده مش النسكافيه اللي اندلق ده واحد صاحبنا الي وقع علي جدور رقبته
انا. بطل هبل يلا انت وهو وقع اي ونسكافيه اي
احمد. لا متاخدش في بالك يا حبيبي تعالا نقعد نشرب حاجه
فتحي. اجبلكم اي
احمد. شاي
انا. نسكافيه
الاتنين. هههههههه تاني
وضحكنا ولقيت البنت داخله عليا مسكت نفسي بدل الدلقه الي انا فيها دي فعلا
بنت. ممكن كلمه
فتحي. طب هنروح نجيب الحاجه من الكافتريا ونيجي
انا. ماشي اتفضلي اقعدي
فتحي. متقوم يا بجم انت
احمد. اه حاضر يلا
بنت. انا جاي اتاسف علي الي حصل الصبح بجد كان غصب عني وكنت مستعجله علي المحاضره
انا. بس بس محصلش حاجه لكل ده يا.....
بنت. سجده اسمي سجده
انا. اهلا وسهلا انا عمار والي مشيوا دول فتحي واحمد
سجده. اللي كان متنح ده
انا. هههههههه اه هو
سجده. شكلكم اصحاب من زمان
انا. من اولي اعدادي واحنا مع بعض
سجده. يااااه بحب اوي علاقة الصحوبيه لما تبقي متماسكه كده
انا. هما الي طلعت بيهم من الدنيا مليش غيرهم
سجده. ليه معندكش اخوات
انا. لا امي اتوفت وهيا بتولدني
سجده. انا اسفه
انا. ولا يهمك انتي في سنه اولي صح
سجده. وفي السيكشن معاك كمان بس انت كنت سرحان ومخدتش بالك من اي حد
انا. ايه اه ( افتكرت ان كنت سرحان فيها وجمالها هيا) كنت افتكرت حاجه في الشغل
سجده. وانت بتشتغل اي
انا. في شركة طاحون للمقاولات
سجده. بجد واوو ده مفيش طالب في كلية هندسه الا ونفسه لما يتخرج يشتغل هناك
انا. يستي انا لسه تحت التدريب
سجده. ربنا معاك ويوفقك
انا. شكرا
سجد. شفت المهندس عز ابو طاحون صح
انا. طبعا بشوفه كل يوم بس ليه
سجده. ليه اي بس يابختك انت ده راجل عصامي انا عن نفسي وخداه قدوتي في الحياه غير هبته الي في سوق المقاولات
فرحت من كلام سجده عن ابويا وشهادة الناس من غير ميعرفوه حتي علي دخول فتحي واحمد
فتحي. مش يلا علشان اتاخرنا
احمد. والمهندس حازم مبيرحمش
سجده. انتوا كمان شغالين مع عمار في شركة طاحون
فتحي. ايوه مهو الباش مهندس عز طاحون يبقي....
انا. مدير الشركه وصاحبها
سجده. منا عارفه دي
انا. طب نستاذن احنا فرصه سعيده يا سجده
فتحي. تشرفنا يا سجده
احمد. كل سنه وانتي طيبه سلام
سجده. هههههههههه سلام
خرجنا من الجامعه وروحنا الشركه وابتدينا شغل مع حازم بردو وفضلنا علي الحال ده من الحامعه للشغل للييت لخروجه وفسحه يوم اجازة معتمد وعلاقتي بسجده اتطورت اكتر ومر اربع سنين وجه يوم تخرجنا من كلية هندسه وتخرج معتمد من الكليه الحربيه برتبة نقيب مهندس علشان اخد سنتين متخصصين خلصنا حفلتنا وروحنا علي حفلة معتمد
وكان العرض العسكري روعه فعلا من حماس لبطوله خلصنا وكل واحد رجع علي بيته
########
