علمني الوقت ما أعلم .. ولا أصااارح
إلين زادت حمولي .. وانكسر كتفيكملت رزان اللي شبه مغيبه عن العالم من الخبراللي وقف تفكيرها و شله : استبرق اكلمك انا
اخذت نفس وردت استبرق بضيقه وضحت بعيونها
: لان الموضوع مو بالسهوله هذي كنت في تركيا و كنت صغيره ما أعرف شي ، و امي ماكانت معاي مشاري خطط لكل شي و اخذ اللي يبيه و انا برد حقي منه اذا مو هو بيكون شخص غالي على قلبـه !
طلعت جوالها و ارسلت لمحمد اللوكيشن و طلبت منه يجي ياخذها ضيقتها حتى هدومها ماتاسعها مو عاد المكان قامت من على الطاوله تغسل وجهها و يدينها اللي تعرقت من التوتر و الارتباك ، حاولت تشغل نفسها بحاجات جديده عشان تنسى او تتناسى اللي صار كل يوم .. لكن النسيّان شي أكبر من عزومها ومنها شريط بذاكرة راسها كل شوي يستعيد حزنها .•
ركب سيارته و مازالت جملتها تطن في راسه مثل الرنين
" تعرفين اني عايشه على كليه و حده ، الكليه الثانيه اخذها مشاري و باعها قبل وفاة امي بأيام في تركيا "
شد على مقود السياره بغضب عارم اجتاحه من عمه ، لقى الاجوبه عن اسئله و اتضحت له الصوره اللي سواه مشاري ما يخمد بسهوله ، تذكر نظراتها لما جت أول مره لبيت جده و كلمته و لما سألها عن مشاري اذا ضارها بشي ضاع و أحتار من نظراتها المبهمه .. لكن فهم الحين ان الأنثى هذي بالذات غريبه و مو عاديه كل شي متناقض فيها اللي يعرفه انها قويه ولا كيف بنت بتتحمل ان كليتها تنبّاع و تسكت وتمارس حياتها شبه طبيعيه رغم انها تحاول ترد الصاع صاعين بس قوتها ماتكفي البنت بالفطره ضعيفه ، فكيف انها تجابه رجل ظالم مايعرف الله و لا فروضه الخمسه
.بعد نصف ساعه طلعت من الشقه و ركبت مع محمد اللي ينتظرها : السلام عليكم
محمد : وعليكم السلام
حرك و كمل بهدوء : شتسوين هنا
قالتله استبرق كل اللي صار مع رزان و هي مازالت
تحت تأثير الصدمه اللي عجزت تفيق منها ..
أبتسم محمد : هذا رعد فاتحة خير أعطى القاضي ادله و إثباتات على جرائم و سوابق مشاري و مع قضية رزان تضاعفت العقوبه و إذا ثبت الحكم على هالادله تقريباً عشرين سنه بيكون في السجن
استبرق بتردد : و لو رفعت شكوى عليه ؟
محمد ناظرها ثم ناظر الطريق : ١٥ سنه و غرامه مليون ريال
استبرق : خطرت على بالي فكره واتمنى انك تساعدني فيها ولا تعترض
ارتبك محمد من كلامها لان مافيه اي دلالة خير عليه : وش الفكره ؟
سردت له استبرق الفكره اللي ناويه تسويها في مشاري دامـه بيكون بالسجن و بالمكان اللي هو فيه أضعف الخلق ولا يقدر يسوي شي
ابتسم محمد : اعتبري الموضوع تم .•
•اليوم الثاني .. صحى من رنين جواله أخذه من على الكومدينا معقد حواجبه رد بدون لا يشوف الرقم : نعم
رعد : وينك فيـه ؟
طار النعاس من عيونه ، استعدل جلسته و بصوت مبحوح :
في بيت عمي علي أمر
رعد : مر رزان كلمتني الممرضه وقالت انها صحت
و انا في المكتب مشغول ما اقدر اطلع هالوقت
سلمان : خلاص ولا يهمّك بمرها و بأخذ معاي امجاد تونسهـا .
رعد بقلق : سلمان متأكد ان امجاد بتحفظ السر ؟
ابتسم سلمان اللي روق من طاريها طالع جنبه و لا لقاها قال بثقه : انت لا تشيل هم انتبه لشغلك و لنفسك و الباقي علي يالله توصي على شي
رعد بهدوء : سلامتك مع السلامه ، قفل الخطّ
قفل جواله سلمان و قام من الفراش متجه لدورة المياه
.
دخلت الغرفه بخطوات حذره خايفه انها تصحيه بحركتها تنهدت براحه لما مالقت له أثر في السرير فتحت دولابها وطلعت لها فستان
لحظات و طلع وهو يمسح ذقنه من قطرات الماءو بنبره هاديه
: من متى وانتي صاحيه ؟
امجاد و نظرها معلق على دولابها : من ساعه
سلمان : و ليش ما قومتيني اصلي ؟
امجاد برقه : اللي يشوفك وانت نايم اليوم مايطاوعه قلبه انه يصحيك
اخفى ابتسامته و سألها بهدوء : ليـه
مالت بجسدها عـليه و التقت عيونهم ببعض : لان واضح عليك تعبان مره ، بنزل اجيب لك الفطور على ما تصلي.