To be a Heartthrob in a Horror Movie(Myanmar Translation)

[Arc 4 END] Chapter 80

Chapter 80: ရှောင်စုဘယ်သူလဲ

လူနာခန်း၏တံခါးသည် မြဲမြံစွာမပိတ်ထားတာကြောင့် သူမ တိုက်ရိုက်ဝင်လာခဲ့သည်။

စောစောက စုမင်အာရုံသည် နာမည်နှင့် သူ့အဖွားဆီမှာပဲရှိ၍ တံခါးဖွင့်သံကိုမကြားမိပေ။

"အမေ ... လူမှားမှတ်မိနေပြန်ပြီလား? အမြဲတမ်းအဲ့လိုပဲ ... စုမင်ကိုမမှတ်မိဘူးလား?" မားမားစုတံခါးပိတ်ရင်း ဆိုလိုက်သည်။

စုမင်ဘာမှမပြောပေ။

မားမားစုလျှောက်လာပြီး မေး၏ .."သားဒီမှာရှိနေတာ ဘာလို့အမေ့ကိုအသိမပေးတာလဲ? စားပြီးပြီလား? ဒီကိုရောက်နေတာဘယ်လောက်ကြာပြီလဲ?"

"မားအလုပ်လုပ်နေတာကို" စုမင်မတ်တပ်ရပ်လျက် ရှင်းပြ၏ .."ကျွန်တော်ရောက်ရုံပဲရှိသေးတယ် ... မကြာသေးပါဘူး"

ကုတင်ပေါ်မှ အဖွားအိုပြုံးလိုက်သည်။

မားမားစု ယာဂုပန်းကန်လုံးကိုကိုင်ဆောင်ထားရင်းနဲ့ အိတ်ဖွင့်ကာ ပြောတယ် .."သားအဖွားက နောက်တနေ့နေရင် ဆေးရုံဆင်းရပြီ ... အဲ့နေ့က တနင်္လာနေ့ဆိုတော့ သားအတန်းရှိလောက်တယ်"

စုမင် “အမ်း"လို့တုန့်ပြန်လိုက်သည်။

လူနာခန်း၌ တိတ်ဆိတ်သွားပြီး အိတ်ဖွင့်သည့်အသံတွေရှိနေ၏။

အဖွားကို သူမယာဂု စမတိုက်ကျွေး‌ခင်မှာ စုမင်အဖြေမရသောမေးခွန်းကို မေးမြန်းလိုက်တယ် .."ဖွားပြောတဲ့ အဲ့ရှောင်စုကဘယ်သူလဲ?"

မားမားစုမော့မကြည့်လာဘဲ .."သားဖွားဖွားက မှားမှတ်ထားတာ"

စုမင်‌မလျှော့တမ်းမေး၏ .."မှားမှတ်တယ်? ဒါဆို ဘယ်သူ့ကိုရည်ညွှန်းပြီးမှားတာလဲ?"

မားမားစုယာဂုအဖုံးကိုဖွင့်လိုက်ပြီး .."သားအဖွားမှတ်ဉာဏ်ထဲမှာ လူတွေအများကြီးရှိပြီး အခုရှုပ်ထွေး‌ကုန်တာ ... တစ်ခါတလေ အမေတောင် ဘယ်သူ့ကိုပြောမှန်းမသိတော့ဘူး"

စားပွဲကို သူမရွေ့ကာ .."ခေါင်းအုံးလေးအောက်ချပေးပါဦး"

စုမင်မေးခွန်းများစွာရှိသေးသော်လည်း နောက်ဆုံးစကားတခွန်းနဲ့ တားဆီးခံလိုက်ရသည်။ သူလျှောက်သွားပြီ အဖွားနောက်ကျောဘက်ကို ခေါင်းအုံးခံပေးလိုက်သည်။