To be a Heartthrob in a Horror Movie(Myanmar Translation)

Chapter 48

Arc 3: မရဏဖျော်ဖြေပွဲ
Chapter 48: Trouble

ဟိုးအစတည်းက လီချီယွီအခန်းထဲကမထွက်ရသေးဘူး။ သူတံခါးဖွင့်လိုက်သည့်အခိုက် တံခါးနားမှာပဲရပ်လျက် ကျန်ရှိနေဆဲပင်။

ဘာကြောင့်မှန်းမသိပေမဲ့ သူအပြင်ထွက်လိုက်တာနဲ့ မကောင်းတာတစ်ခုခုဖြစ်လိမ့်မယ်ဟု ခံစားမိသည်။

လီချီယွီဆက်လျက်.."မင်းတံခါးကို တစ်ယောက်ယောက်လာခေါက်လို့လား?"

စုမင်ခေါင်းငြိမ့်၍ .."မင်းအသံလိုလုပ်ထားလို့ မင်းကိုgroup chatထဲမှာမေးကြည့်တာ ... အဲ့အချိန်က မင်းအခန်းထဲမှာပဲရှိနေခဲ့တယ်"

ဒါကိုကြားတော့ လီချီယွီဆံပင်မွှေး‌များထောင်သွားရသည်။

တစ်ခုခုက သူ့ယောင်ဆောင်ခဲ့ပြီး နောက် လဲ့လင်းယောင်ဆောင်ကာ သူ့တံခါးလာခေါက်ခဲ့တယ်။ မျက်နှာဖုံးတပ်ထားတဲ့ ကြောက်မက်ဖွယ်ကောင်းသော သရဲတစ္ဆေတစ်ကောင် ဖြစ်နိုင်လောက်တယ်။

လီချီယွီထိတ်လန့်စွာ .."ကြောက်ဖို့ကောင်းလိုက်တာ"

စုမင်.."တကယ်လန့်စရာကောင်းတယ်"

အဲ့အမည်မသိအရာကြီးက ငါးကန်ထဲက ရုပ်အလောင်းနဲ့ ပန်းအိုးထဲကရုပ်အလောင်းထပ်ပို၍ ကြောက်စရာကောင်းသည်။ သူတို့ရည်ရွယ်ချက်က ဘာမှန်းတောင် သူတို့မသိပေ။

အပြင်ဘက်က ဆူညံသံကို ကျောင်းထောင်ကျီးကြားတော့ တံခါးဖွင့်လိုက်ပြီး .."နင်တို့ဘာလုပ်နေကြတာလဲ?"

ဘာဖြစ်ခဲ့သလဲဆိုတာကို တဖန်ထပ်ပြောပြလိုက်သည်။ သူမကြားသည့်အချိန် မျက်နှာအမူအယာပြောင်းလဲသွားပြီး .."………နင်တို့ အယောင်ဆောင်အတုတွေတော့မဟုတ်ဘူးမလား?"

သူမရှေ့က သုံးယောက်စလုံးအတုအယောင်တွေရင် သူမကြောက်လန့်ပြီး မေ့လဲသွားနိုင်သည်။

စုမင်ကူရာမဲ့စွာ .."သေချာတာပေါ့ ... အတုဘယ်ဟုတ်မလဲ"

ကျောင်းထောင်ကျီးတုန်ယင်လျက် .."ဒါဆို လီချီယွီတံခါးဖွင့်တဲ့အချိန် ဘာမှမမြင်တာက အဲ့ဒါအခန်းထဲ‌ဝင်ပြေးသွားလို့များလား?"

မဖြစ်နိုင်တာမဟုတ်။

သူမစကားကြားတော့ လီချီယွီတုန်လှုပ်သွားပြီး သူ့အခန်းထဲလှည့်ကြည့်လိုက်သည်။ မီးတွေပွင့်ထားပြီး အရင်အတိုင်း‌ပင်..။