شويه كراكيب ..

متعرفش ليه

في نوع كدا من البشر يبقي بيحبك وكل حاجه وبيموت فيك كمان بس مبيعرفش في وسط كلامه ميجرحكش بالكلام ..
لا والمفروض تعدي اي حاجه تزعلك عشان كانوا بيهزروا او المفروض تعرف من نفسك ان مش قصدهم يضايقوك وانك لو بتحبهم بجد هتعرف هما بيحبوك قد ايه من غير مايتكلموا ..
نوع غريب الصراحه وبارع في قلب التربيزه عليك في اي زعل مبيعرفش يعترف بغلطه ولا حتي يتحمل نتايجه لا عايزك انت اللي دايماً تطبطب عليه حتي لو غلطان في حقك روح انت صالحه عشان هيزعل هو بقي لما يلاقيك زعلان ويقعد يفتكر في حاجه عشان ميطلعش نفسه غلطان قدامك ..
ويقعد يبتزك بسكاته وان شكله زعلان وانت مثلا انسان بطبعك مبتحبش النكد مبتحبش تبقي انت نفسك قاعد مضايق ف تحاول تعدي الدنيا وتبدأ انت الكلام ..
بس كدا هو دا اللي هو عايزه .. يقول اللي يقوله .. يعمل اللي بعمله .. والدنيا تعدي ..
بس للأسف بتعدي علي طاقتنا احنا
وهيبقي في يوم مش هتبقي موجودين معاهم تاني عشان لكل طاقه اخر ..
عارفين خيبه امل جبران خليل لما قال :" ولكلنك ارتضيت لي الاذي ,وأنا الذي كنت أحسبك أرق علي قلبي مني . "
...