شويه كراكيب ..

نبعد.. يقربوا

بستغرب والله ..
يبقوا قريبين ومفيش اعز منهم عندنا ويعملوا مواقف تبعدهم ميه مره عن قربنا
وتخلينا نقرب ناس غيرهم مننا ..
نبقي كويسين ميعجبش
نقرب يبعدوا ..
نبعد يقربوا..
وبعدين يستغربوا اتغيرنا ليه .. حاجه غريبه اوي بجد
ياعني ليه اعمل في حد بحبه حاجه عارف انها هتضايقه وبعد مايضايق اقوله اضايقت ليه ؟! ..
ياعني ايه اسيبه في وقت حاسه انه مخنوق وبعدين ارجع بعد الهنا ب سنه اقوله مالك !؟
مالي !؟ مليش سلامتك ربنا يخليك
لا بس حاسك زعلان مني ؟!
بجد ! هو انت بتحس ياعني !
ولما بتحس محستش بضيقتي ليه ..
لا بس اوعي تكون زعلان مني !!
لا لا طبعا ربنا مايجيب زعل
ماهي مبقتش تفرق اصلا

ايه الفكره انك تضيع مكانتك واحده واحده عند حد وبعدين ترجع تسأل عنها !!
مكانش الموضوع عادي زي ماانت فاكر والله
هو بقي عادي بعد ألف معركه في عقلي
وألف كسر في قلبي وكنت كل مره بقول مفيش عادي
بس كل الحزن هنا في قلبي ..