كل واحد فينا عنده مشكله معينه في نفسه.. هو الوحيد اللي يعرفها. ومش بيقول لحد عليها..
فينا اللي بيعرف يداريها.. وفينا اللي مبيعرفش..
وفي بردو مننا اللي بيعرف يصلحها ويحولها لنقطه ايجابيه فيه..
وفيه اللي بيحاول يخف منهها ويعديها..
وفي اللي مشكلته بتبقي اكبر منه هو ذات نفسه.. عشان هو ضعيف وتفضل تزيد تزيد.. كل يوم عن اليوم اللي قبله..
وفي اللي بيحاول يتأقلم معاها.. ويعيش عادي زي ما مشكلته اللي مش عارف يغيرها دي عايشه عاادي..
ممكن تكون المشكله دي جوا العقل.. جوا القلب.. جوا صفااتك.. جوا شكلك.. جوا نفسك انت...
وفي مشكله ممكن تتواجد من لاشيئ.. المشكله اللي ممكن تقنع نفسك ان انت عندك مشكله معينه.. عشان نااس معينه زرعوها فيك..
كل حاجه في حياتناا.. احنا نقدر نغيرها.. ونقدر نوقفها لحد مدي معين وانتهي..
لكن في اللي بيعيش بلامبلاه ..موجوده مش موجوده مش مهم... ان كدا كدا عايش.. مش مهم اللي حواليا المهم انااا..
وفي اللي عنده مشكله دايما مع اللي حواليه.. مع اهله.. مع صحابه.. مع اخواته... مع الناس الغريبه.. مع قرايبه.. ممكن كمان مع كل الناس..
حاولوا تصلحوااا المشكله الضغيره اللي جواكوا اي كانت... عشان لما بتكبر بتاخد كل حاجه في وشها..
انا مثلا عندي مشكله مع الثقه.. مع القرب من اي حد.. مبحبش حد يكتشفني يوصلي.. مبحبش حد يظبط حياته علي اني موجوده دايما معاه.. لاني انا اصلا مش ضامنه نفسي هبقي موجوده ولا لا..
عندي مشكله مع الشفقه.. او الطبطبه .. عندي مشكله مع الدموع ..مبحبش اعيط.. يمكن بكره نفسي اكتر لو سبت نفسي تعيط..
اي كانت مشكلتك ايه... اعترف بيها لنفسك.. عشان تعرف تتعايش معاها.. مش لازم تغيرها ..تعايش معاه عالاقل زي... 😉
أنت تقرأ
شويه كراكيب ..
Randomاي حاجه هكتبها هنا مش هيبقي ليها دعوه ببعضها.. ياعني دي مش قصه ولا حكاايه.. دي شويه كراكيب.. ممكن تكون جوا كل واحد مننا .. وممكن تكون جوايا انا لوحدي..
