شويه كراكيب ..

مفيش عنواان ✋

عارف احساس لما تبقي خاااايف.. خايف كداا من غير سبب..
الخوف اللي بيخليك تحس حتي ان كل الحجات اللي كنت بتتمناها.. بقت هي الحجات اللي خايف منها خايف تحصل..
خايف من ابسط حاجه..
خايف من نفسك.. ومش عارف المفروض تتعامل مع الالف شخصيه اللي جواك ازاي!..
انا خايفه ✋..خايفه ومش عارفه اتصرف ازاي ..
المفروض اتمني ايه ؟..
والمفروض اكون ازاي ؟..
افضل زي ماانا ولا اتغير ؟؟..طب اتغير ازاي ؟! وايه الوحش وايه الحلو اللي فيا ؟؟
لما تبقي خايف من كل حاجه واول حاجه خايف منها هي نفسك ..المفروض تعمل ايه ؟؟ ..
حتي الاحلام ..تحس انك خايف بردو تحلمها ..عشان سقف توقعاتك ميقعش علي دماغك مره واحده لما متتحققش ..
الخوووووف !! الخوف دا مرض بجد ..وانا اول الناس اللي بيعانوا منه..
بتبقي قاسي في كلامك وتعاملاتك مع الناس ...
كل مااحد يقرب منك تبعده ..تبعده بغباء ..وبقسوه..
عشان بس خايف حد يقرب منك ..خايف حد يكسر ثقتك فيه من تاني ..
خايف احسن تعيش اي حاجه فاتت انت كنت فيها ضعيف ..وبسببها بقيت الشخصيه ديه الشخصيه القويه القاسيه وساعات الانانيه ..الشخصيه اللامباليه !..
فكر ..انت!
شوف انت عندك كام شخصيه ؟!.
عد المواقف والوقعات والتجارب اللي كانت بتطلع منك كل مره شخصيه جديده ..
تتمحور كل قوتك اليوميه فان ان ازاي تتحكم في كل الشخصيات اللي جواك وكل الصراعات اللي بتحصل جواك عشان تبان قدام الناس بالشخصيه الثابته .. الشخصيه اللي متعودين هما يشوفوك بيها ..مش شخصيتك انت !..بتمثل قدام كل واحد شخصيه اللي بتعجبه ..عشان بس ترتاح ..وتريح دماغك ..انت مش بلياتشوو ..بس انت ذكي ..فاهم اللي قدامك عايز ايه وبتقدمه ..