شويه كراكيب ..

الوجع

كل واحد فينا جواه حجات ضايعه.. وحجات هو بيدور عليها.. وحجات غيره نفسه فيها.. وحجات تانيه هو لسه مش عارفه يكتشفها..
وحجات فيه لسه بتوجعه.. وحجات تانيه بردو بتقويه..

كل واحد فينا بيهرب من الحجات اللي بتوجعه بطريقته هو..
في اللي بيروح يناام ويقول لما هصحي هنسي.. ويوهم نفسه ان دي طريقه حل اوجاعه.. او دي الطريقه دي هتنسيه اي حاجه بمجرد مايشد اللحاف..
بس ميعرفش ان الطريقه دي يدوبك بتسكن الالم لوقت مؤقت.. وتكوم كل اوجاعه واحده فوق واحده فوق واحده.. لحد لما يفيض بيه ويبقي انسان تاني.. انسان هو نفسه بيكره ومش عارفه يرجع زي ماكان..
ويفضل مش عارف السبب لتحوله داا.. مع ان هو السبب فيه.. هو اللي كتم جوا نفسه ومطلعش الحجات اللي وجعته في وقتها وواجهها ..لا دا قعد يغطي عليها يغطي عليها لحد ما بقت اكبر منه..

وفي اللي لما حاجه توجعه بيعيط.. ويفضل يعيط لحد لما يحس انه ارتاح.. عايش علي اسطوره ان العياط بيريح.. مع انه عمره ماريحني..
بس بيريح الناس دي وفعلا بيقدروا يكملوا لبعد كداا.. ااه بتفضل فيهم جرح وبيسيب علامه.. بس بيعرفوا يواجهوا اللي جاي عشان طلعوا القديم علي هيئه عياط..

وفي اللي لما بيتوجع بيروح يدور بسرعه علي حد يشكيله عشان يرتااح.. عشان يحس ان خلاص بقي فيه حد حاسس بيه.. في خلاص حد شاركه همه وتعبه.. ودول يابختهم.. لان بيعرفوا يتكلموا لما بيتوجعوا وعندهم ناس بيثقوا فيهم..

وفي ناااس بتتناسي وجعها بضحكتها... وتقاوم اي حاجه سلبيه في حياتهم بطاقتهم الايجابيه.. وداا بيبقي اقوي شخص في اللي فاتوا كلهم.. هو الوحيد اللي بيواجهه واللي بيداوي واللي بيعدي بنفسه لبر الامان.. لانه بيكره الكأبه وبتخنقه.. كنت كداا في يوم من الايام ..☺

وكل واحد فينا ليه حكاايه.. حكاايته هو بس.. فيها الوحش وفيها الحلو..
ياااريت كلنا نبقي اقوياء في مواجهه اي ألم بنواجهه.. عشان نعرف نعديه.. وميسبش فينا علااامه..

اذا كنت تقرأ الان.. قل اي نوع انت منهم ؟؟؟ واذا كنت غير ذلك قل ايضا^_^¦¦¦