UNREQUITED LOVE ( Completed)

chapter 14

still sevulgi's pov

" ෆයිල් ටික අරන් එන්න මිස් සෙවූල්ගි " එයා අද තරහෙන් අවුල් වුණ කොන්ඩේ, නහර ඉලිප්පිලා තිබුන අත, යන්තමින් රතු වීගෙන එන ඇස් දෙක දැක්කම ඕනෙම කෙනෙක්ට කියන්න පුළුවන් මෙයා ඉන්නේ තරහින් කියලා.

ඒත් ඒ ඇයි?

තරහා ගන්න කිසිම හේතුවක් නොදන්නවා උනත් මන් ඉක්මනට අවශ්‍ය ෆයිල් ටික අරන් යුන්ගිශී ලඟට ගියේ බයෙන් මොකද නිකන් බැනුම් අහන්න මට උවමනාවක් තිබුණේ නැති නිසා.

" කොතනද අත්සන් කරන්න ඕනේ මිස් සේවුල්ගි " මිස් සෙවූල්ගී කාලයක් මට සෙවූල්ගී කියලා විතරක් කතා කරපු යුන්ගිශී මට ආයෙත් මිස් සෙවූල්ගී කියලා කතා කරාම මගේ හිතට දැනුන වේදනාව කියලා නිම කරගන්න බෑ. මගේ ඇස්වලට කදුළු පිරුණේ සමහරවිට මගේ ආදරේ බොළඳ නිසා වෙන්න ඇති.

" ඔතනින් අත්සන් කරන්න යුන්ඟිශී " අන්තිම ටික කියද්දී මගේ වචන බිදුනේ මන් හිතපුවත් නැති විදිහට ඒත් එක්කම මන් දිහා බලපු යුන්ගිශී පුටුවෙන් නැගිට්ටෙ පුදුම වෙලාද බය වෙලාද කියලා මට තේරුනේ නෑ.

" සෙවූල්ගී ඇයි මේ ඔයාට මොකක්හරි ප්‍රශ්නයක් ද? එහෙනම් මට කියන්න " මගේ හිතේ තියෙන ප්‍රශ්න මන් විසින්ම ඇති කරගත්ත එකක් යුන්ගිශී. ඔයාට ඒකට විසදුමක් දෙන්න විදිහක් නෑ.

" අනේ නෑ යුන්ගිශී මට ප්‍රශ්නයක් නෑ. මන් සතුටින් " කියලා මන් හිනා වුණත් එයාගේ මූණ වෙනස් වුණා.

" ඇයි අර ඊයේ නිදහස් වුණ කෙනා නිසාද " ඔව් එහෙම තමා මට යුන්ගිෂිට බොරු කරන්න උවමනාවක් නෑ

" ඔව් යුන්ගිශී ඒකත් එක හේතුවක් " එතකොට අනිත් හේතුව ඒක මගේ ඒක පාර්ශ්වික ආදරේ මින් යුන්ගි. දවසට එකපාරක් හරි එයාව බලාගන්න මගේ ඇස්දෙක පෙරුම් පුරණ තරම් දන්නේ මාත් මගේ හිතත් විතරයි.

" හරි මිස් සෙවූල්ගී වැඩක් කරගන්න මන් මේ ටික සයින් කරලා ඔයාට කතා කරන්නම් " එහෙම කියලා ෆයිල් එකේ මුලටම පෙරලලා යුන්ගිශී බලන්න පටන් ගත්තේ මන් මගේ ටේබල් එකෙන් ගිහින් ඉඳගන්නවත් එක්කමයි. ඒ ගැබුරු ඇස් දෙක ෆයිල් එකේම ගිලිලා කතා නොකර කතා කියන ඒ ඇස් දෙක අද කාටවත් කියාගන්න බැරි තරම් හැඟීම් ගොඩක් අතරමන් වෙලා ඉන්නවා කියලයි මට හිතුනේ. අද එයා වෙනදාට වඩා කලබලෙන් ඉන්නේ. වේගෙන් එහා මෙහා ගෙනියන ඇස් දෙක, මහපට ඇඟිල්ලෙන් දබරැඟිල්ලේ නියමල කරන එයා අද හරිම කලබලෙන්.