UNREQUITED LOVE ( Completed)

chapter 18

~කාටත් වඩා පෙම් කළ ඔයා
වෙනකෙකු හට පුදා මන් ඈතට උනා. ~

🍁🍁🍁🍁🍁🍁🍁🍁🍁🍁🍁🍁🍁🍁🍁

Author's pov

" ඒත් අප්පා මේක මගේ කැමැත්ත නෙවෙයි. මන් කැමති වෙන ගෑනු ළමයෙක් ඉන්නවා. " යුන්ගි සද්දෙන් කිවුවේ හිතේ තියෙන ආවේගය තමන්ගේ අප්පාට පෙන්වන ගමන්.

තමන්ට මේ සැලසුම් කරලා තියෙන විවාහයට යුන්ගි විරුද්ධ වෙන හැමාවතාවකම යුන්ඟිගේ අප්පා කියන්නේ එකම එක දෙයක් ඒ තෝරාගැනීමක් කරන්න. අප්පවද? තමන්ගේ ආදරේද?

අන්තිමේදී යුන්ගි තීරණයකට ආවා. තමාගේ ආදරේ තමන්ට නොලැබෙනවා නම් ඒ ආදරේ හිතේ ඒ විදිහටම තියාගෙන තමන්ගේ අප්පාගේ ආසාව ඉෂ්ට කරන්න. මේ විවාහයට කැමති වෙන්න.

සල්ලි, බලය නිසා මනුස්සකම තුට්ටු දෙකට වැටෙන අද සමාජෙ, ආදරේ කියන්නේ ගොඩක් අයට හැඟීමක් නෙවෙයි එකම එක වචනයක් විතරයි.

Yoongi's pov

දින සති ගෙවිලා ගිහිල්ලා සෙවූල්ගි මාව ප්‍රතික්ෂේප කරලා අදට සති තුනයි. එදා එහෙම කිවුවත් මගේ හිත තාමත් ඒ හිතත් එක්ක  බැදීලා ඒ ලියවිල්ලකිනවත්, ගතින්වත් උන බැදීමක් නෙවෙයි මම හිතෙන් බැදිලා. කොච්චර පාලනය කරගන්න උත්සාහ කරත් හැඟීම් කියන්නේ පාලනය කරන්න බැරි දෙයක් කියලා සෙවූල්ගී ට මම කරපු ආදරේ ඔප්පු කරලා  පෙන්නුවා.

එදා මන් මගේ ආදරේ ප්‍රකාශ කරත් එයා ඒක පිලිනොගත්තත් ඒක අපේ රාජකාරියට ප්‍රශ්නයක් උනේ නෑ. වෙනදා වගේම වෙලාවට ඔෆිස් ඇවිත්, දවසේ වැඩකටයුතු කරන් ගියපු එයාගේ තිබුණේ එකම එක වෙනසයි. එයා මාව මග අරිනවා. වෙනදා මාත් එක්ක අතොරක් නැතිව කියවන කෙල්ල අද වචනෙකට දෙකකට සීමා වෙලා. හිත රිදුනත් වෙලාවකට සතුටු උනේ තාමත් මට එයාව හැමදාම බලාගන්න පුළුවන් නිසා. ඒත් කාවදාමහරි ඒකත් නැති වෙලා යයි. මගේ නොවුන ආදරේ එයා කාවදමහරි වෙන කෙනෙක්ට පුද කරයි.

Sevulgi's pov

මාසයක් ගත වෙලා ගියේ හීයක වේගෙන්. අන්තිමට ඒ දවස ආවා. මන් පණටත් වඩා ආදරේ කරපු කෙනා වෙන කෙනෙක්ට අයිති වෙන. අදින් පස්සේ මට එයා ගැන හිතන්නවත් අයිතියක් නෑ.