أية الغيث ( الجزء الثالث من غروب الروح)

الفصل الثالث والعشرون

حدثنا مالك بن إسماعيل: حدثنا ابن عيينة: أنه سمع الزُهري، عن عروة، عن زينب بنت أم سلمة، عن أم حبيبة، عن زينب بنت جحش رضي الله عنهن أنها قالت:

استيقظ النبي ﷺ من النوم محمراً وجهه يقول: (لا إله إلا الله، ويل للعرب من شر قد اقترب، فتح اليوم من ردم يأجوج ومأجوج مثل هذه). وعقد سفيان تسعين أو مائة، قيل: أنهلك وفينا الصالحون؟ قال: (نعم، إذا كثر الخبث).

( الفصل الثالث والعشرون 🥀🥀)

كانت تجلس بجانبه بصمت ..منذ ركوبها السيارة وهي صامتة ولم تتكلم .. تشعر بأن ما يحدث لابنها ظلم .. هو أخطأ ولكن لا يستحق ان يفعل به هكذا ... هي أم وقلبها يغلي لأجل ابنها .. ولا تعلم ماذا تفعل ..
نظر لها ليث بقلق وقال :
_ سلمي حبيبتي انتي ساكتة كدا ليه .. انتي كويسة
نظرت له بغضب وقالت :
_ وعاوزني اقول ايه يعني
تنهد ليث وقال :
_ سلمى حبيبتي انا مش حمل ألغاز قوليلي مالك
_ يعني انت مش عارف ولا بتستعبط  .. بتتفق ضد ابنك يا ليث
نظر لها ليث باستغراب وقال بدهشة :
_ أنا ؟! إمتى حصل الكلام دا
سلمى بقهر :
_ يعني عاجبك الي بيحصل  .. مش عاوز ابنك يعرف انه هيبقى اب ليه يا  ليث .. انت من إمتى بالقسوة دي .. غيث عمل ايه علشان تعملوا بيه كدا .. هان عليك ابنك بالشكل دا ..
_ سلمى حبيبتي ممكن تهدى .. انتي مش فاهمة حاجة
قاطعته صارخة :
_ افهم ايه .. انا صحيح بحب اية وبعتبرها زي بنتي بس عمري ما هكون ضد ابني .. دا ابني يا ليث .. انتو اتفقتوا عليه وعاوزين تحرموه من اجمل احساس ممكن يحسه .. مش كفاية الحالة الي هو بيها .. حرام الي بيحصل لابني يا ليث وانا مش هستحمل اشوفه كدا وأسكت

كانت سلمى تتحدث بقهر ودموع .. تشعر أن الماضي يعاد مرةً أُخرى .. أولآ صبا وما حدث معها وتشابه قصتها بما حدث لها والان غيث الذى حرم من والده ببداية حياته والان لا يعلم انه سيصبح أبآ .... اي قدرآ هذا الذى يصر دائمآ على وضعها باختبارات لا نهاية لها

حينما رأى ليث حالتها أوقف السيارة على جنب وقال لها بقلق :
_ اهدي يا حبيبتي ليه  الدموع دي
مسح دموعها ثم حاوط وجهها بيده وقال لها بهدوء :
_ سلمى بوصيلي
نظرت له سلمى بدموع فما كان منه إلا ان قبل جبينها بقوة ثم ابتعد عنها وقال :
_ غيث ابني .. ومهما كان سيئ عمري ما افكر أأذيه .. دا ابني يا سلمى .. الي بعمله لمصلحته .. غيث لو عرف بحكاية الحبل هيصر ان اية ترجع ليه وغصبن عن الكل هيرجعها .. وهنرجع لنقطة البداية من جديد
_ بالعكس يا ليث .. البيبي الي جاي هو الي هيجمعهم من تاني .. وهيحل كل الخلافات الي بنهم
_ عارف يا قلبي بس مش هيطمن اية .. وهتفضل عايشة وهي مش واثقة ان كان غيث بحبها او لا .. هتقول هو رجعني علشان ابنه مش علشان بحبني .. والمشاكل مش هتخلص وهتفضل تشكك بحبه على طول والحاجة دي هتكون سبب تعاستهم ... ابنك جرحها أوي وهي مش بالسهولة هتقدر تسامح وترجع .. لازم تشوف بعينها انه غيث اتغير وبحبها بجد علشان لما ترجعله تكون واثقة من حبه .. فاهماني يا قلبي