My Ex, My Professor

Chapter 41: Celebration

Chapter 41: Celebration

 

 

Hanna's P.O.V

 

 

          "Sira-ulo ka talaga! Akala ko pa naman may kumidnap na talaga sa akin kanina!"

          Tawa na lang ang naging sagot sa akin ni Viel at saka ko naman sya hinampas sa braso. Natatawa pa rin ito sa akin habang sinasalinan nito ng wine yung baso ko.

          "Maganda nga iyon eh! Para hindi ka talaga magkakahinala na magpopropose pala ako ulit sa'yo ngayon. Effective naman yung ginawa ko di ba?"

          "Oo na lang!" iyon na lang ang sabi ko saka nakipagtoss kay Viel at sabay naming ininom yung wine.

          "Penge pa nga kami nung steak!"

          Napalingon naman ako sa kabilang mesa namin sa abandonadong building na iyon sa Westside.

          "Ano ba?! Bakit hindi pa kayo umaalis huh?!" asar na sabi ni Viel sa mga nasa kabilang mesa.

          "Eh sa nagugutom na kami eh! Ikaw na nga yung naghingi ng tulong sa amin tapos hindi mo pa kami papakainin?! Grabe! Wala kang puso! Hindi ka saging Viel! Hindi ka saging!" kunwari'y nagdadramang sabi ni Renji. Corny nya.

          Natawa na lang ako sa kanya at saka ko binigay sa kanya yung steak na hindi ko pa nababawasan.

          "O ayan!" sabi ko.

          "Salamat Mama Hanna!" nakangiting sabi ni Renji at saka sya kumain.

          Halatang gutom sya eh no? Sabagay, nagviolin solo pa ito sa amin kanina. At hindi ko aakalain na ang galing pala talaga nyang tumugtog ng violin. Ang layo kasi sa mukha nya yung nagpiplay ng violin. Renji never fails to surprise us.

          Pero mas nagulat ako kay JD. Paano kaya sya napilit ni Viel na magplay ng piano? At marunong pala syang magpiano?! O______O

          Ang galing din ni Sean magsaxophone at ang ganda talaga ng boses ni Ronan. No wonder na singer ito. Pero yung boses nya ay hindi lang pangrock, pang ballad pa. Galing nya! Fan na ako ni Ronan! Leader sya ng Degree Celsius di ba? Fan na ako! >//////<

          "Nagustuhan mo ba yung ginawa ko?" biglang sabi ni Viel. Napaharap ako sa kanya. "Pasensya na huh? Hindi ako masyadong nakapagplano. May nangyari kasi kanina eh!" asar na sabi nito saka tinapunan ng masamang tingin si JD.

          Si JD naman ini-enjoy lang nito yung iniinom nitong alak. Anong nangyari?

          "Muntik na kaming makulong kanina Hanna." sagot ni Renji.

          "HUH?!" gulat na sabi ko. "Seriously?!"

          "Oo..." sabi naman ni Sean. "Ito kasing si JD eh! Ang daming alam!"

          "Bakit anong nangyari?!" tanong ko.

          "Nagbasag lang naman ng salamin yang si JD sa may jewelry shop para makuha yung singsing na gusto nya." sagot naman ni Ronan.

          "Huh?!"

          "Don't worry." sabi naman ni Viel. "Bayad iyon. Actually, sobra-sobra pa nga. Mabuti nga lang at nakapagbail kami at napatunayang wala kaming kasalanan o ninakaw sa shop kaya nakalabas din kami after an hour."