اسكريبات ومقطتفات دينية

الجأ لربنا

احكيلكم حكايه ف منتهي الجمال 💛

كان فيه مره واحده متزوجه و زوجها كان بيسئ معاملتها واهله كمان من الاخر كانت عيشتها نكد ف نكد كل يوم تروح لوالدتها معيطه واقعد تشكيلها من الحزن اللي هي فيه كل يوم ع هذا الحل لحد ما ولدتها تعبت فجأه خالص و كانت بتموت المهم راحت لامها وكانت بتعيط قالتلها انتي هتسبيني لوحدي ده انتي اللي كنتي مهونه عليا اللي انا فيه اعمل ايه واشتكي لمين ؟ 😔

قالتلها تعالي زي ما كنتي بتيجي وهاتي مصليتك وتعالي صلي ركعتين واشكي لربنا همك 💛

ماتت الام والبنت سمعت كلامها وكل يوم تاخد ازازه فيها مايه ومصليه وتمشي تروح بيت امها لمدة شهر ع هذا الحال اهل جوزها شكوا فيها راحوا قالوله مراتك كل يوم تمشي من هنا معيطه وترجع بتضحك و وشها منور 💛

شك فيها راح استخبي ف بيت امها واستناها اما جات دخلت اتوضت وفرشت مصليتها وقعدت صلت ركعتين وقعدت تبكي لله و تشكيله قالتله يارب اهدي جوزي هو اه بيزعلني بس انا بحبه و مليش غيره يارب اصلح حاله سمعها جوزها قعد يبكي لحد ما خلصت صلاة راحلها باس ع راسها واعتذرلها وطلب منها تسامحه وقعدوا ف بيت امه مش رضا يروح بيت اهله نامت شافت واحد ف المنام بيقولها بقالك سنين بتشتكي لامك فادتك بإيه ؟

واشتكيتي لـ ربك وكلمتيه شهر واحد بس شوفتي عمل ايه في حياتك 💛

العبره " سيبوا كل ألامكم ف سجده ما تخبطش ع باب العبد وتسيب خالق العبد ، ألجا لربنا واشكيله و ابكي و خرج كل اللي جواك و هتشوف فرجه والله 💛

قال " ادعوني استجب لكم " 💛

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ 💛

#علي_زهيري 💛