تعالو نتوب كفايه ذنوب💜'!:
سلمى امشى شوية كده هنوصل بكره
طيب اهو ماشية
"'وانت كمان وحشتنى اوى والله هخلص مشوارى وهقابلك هحاول اطلع اى حجه"
يامروة سمعتى البنت اللى مشينا من جمبها دى قالت اى
دا اى دة و ايه قلة الحيا دى
سلمى ملناش دعوة الله يهديها ممكن فى يوم تكونى مكانها
نعم!!!!
لا طبعا انا مستحيل اعمل كده ابدااا
ومستحيل اخون ثقه اهلى فيا واكون زى اللى متربتش دى
سلمى قولتلك متقوليش كده
ومش علشان انتى لابسه خمار يبقى تقولى كده، المفروض تكونى عارفه ان مينفعش تستحقرى حد وتقولى كده ادعيلها ياستى يمكن ربنا يهديها وتكون احسن منى ومنك
معتقدش يامروة انها ممكن تتغير وهى بتعمل كده
=بعد ما خلصنا رجعت البيت وانا مش مقتنعه بكلام مروة خالص اللى هو ازاى بنت زيها كده وبتعمل كده ممكن تتغير
السلام عليكم ياجميل عامله اى
وعليكم السلام ياعيون الجميل الحمد لله
خلصتى مشوارك انتى ومروة
ايوه ياماما، وهدخل اريح شويه علشان تعبت
ماشى ادخلى لحد ما احضر الاكل ونستنى اخوكى وبباكى لحد ما يجوا
دخلت اوضتى وغيرت ولسه هقعد على السرير ولاقيت رساله من الفون
"السلام عليكم ورحمة الله وبركاته
اختى انا اسف انى دخلتلك والله بس انا شوفت حضرتك ازاى بتنصحى على الجروب وعارفه فى الدين ومختمرة وحافظة كتاب الله وكنت حابب استعين بيكى فى الدين لو تقدى تساعدينى وصدقينى نيتى خير وانا مش داخل اهزر ولا اصاحب "
ارد ولا مردش .. ارد ولا لأ ياربى
بس هو عايز نصيحتى بس ومش كلام صحبيه ولا كل دا
عادى لو رديت دا انا هنصحه واجاوبه على اسألته على قد ما اقدر وثوابى عند الله
وبعد فتره من التفكير
وعليكم السلام، اتفضل تحت امرك
الامر لله كله تسلمى
بدأ يسأل سؤال دينى، وجاوبت عليه وكان كل يوم يسألنى سؤال وانا كنت منبهره بأسئلته الصراحه ومبسوطه ان فى ناس كده بجد
انا اسف معلش بس انا عندى مشكله فى المسنجر ولازم يتحذف ومش هعرف اتواصل معاكى لو تقدرى تكلمينى واتس دا رقمى ...
اووه هو انت من ايام بتوع المسنجر بيعلق لا ياعم الله يسهلك انا مش بتاعة الكلام دا
انتى بتقولى اى! انا مقصدش حاجه خالص وصدقينى انا مبكدبش وربنا عارف النيه انا بقالى كام يوم وبسألك اسأله كلها تخص الدين
