تحس إن حماس رمضان بدأ يقل عند ناس كتير حواليك أو حتى عندك شخصياً ، المساجد اللي كانت بتتملى كل فرض بدأ العدد فيها يقل ، الناس اللي بتصلي التراويح معدتش بنفس زحمة الأول ، ورد القرآن بتاعك بقى تقيل عليك و بعد ما كنت متلهف إنك تخلص و تجيب الجديد معدتش بنفس الدرجة ، إيه اللي بيحصل ؟! 😔
اللي بيحصل ده اصطفاء واختيار ، اللي عنده صدق هو اللي بيكمل وهو اللي هيستحق غنائم رمضان من فوز وعتق ، اللي عارف طبيعة السير إلى اللّه هو اللي بيصبر لأن كل حاجة تقربك من ربنا محتاجة صبر ومجاهدة لأن المكسب أكبر من أي مجهود ، فكر نفسك كل شوية بالكنوز اللي عاوز تاخدها ، فكر نفسك بالعتق من النار وبالمغفرة الكاملة وبالرحمة والرضا وبهداية تغير حياتك كلها 💛
استعن بالله وادعي ربنا كل يوم يعينك ويثبتك على طاعته
