*دلوقتي فتنة الشباب الدُعاة والملتزمين بقت أخطر على قلوب البنات من غيرهم* 💔
تلاقي البنت لما تشوف ڤيديو لشاب
من دوول وتحب كلامه هي في الأول كان نيتها تتعلم منه وتستفيد .
بس الأمر اتطور منها بعدين وبدأت تدور على كل حاجة تخصه ممكن على البيدچ الشخصية بتاعته والإنستجرام
وكل حاجة تخصه تتابعها .
ولو هي مش بتغض بصرها يبقى اصعب بقى 💔
خودي بالك كل دي خطوات شيطان
برصيصه العابد لما وقع الشيطان ماقلوش ازني علطول دا خاده واحده واحده .
لما تتابعي حد خلي نيتك تعلم دينك فقط ومتربطيش التعلم بشخص 🤝
هما مجرد وسيلة عشان نتعلم ،فابوجودهم أو بغيره هنتعلم بردو ،فامتديش لحد مكانة كبيره في حياتك مش بتاعته🌚
ماتقعديش تدوري على كل حاجة تخصه وتعرفيها وتنزلي برامج مكنتيش بتبعيها عشانه ولو يوم خلص من غير ماتشوفي ليه حاجة
أنتِ كدا في مرحلة خطر 💔
حافظي على قلبك يابنت النّاس فتنة الناس دي على قلبك أكبر من غيرها 🥺
فاغضي بصرك واقفلي باب الشيطان ومتديش لأي حد مقام أكبر منه هما مجرد وسيلة لتعلم بيهم أو من غيرهم هنتعلم 🤝
الشيطان مش هيسيبك هايبقى عايز يوقعك أول ماهتبدئي تلتزمي عشان يخليكي زيه ،برصيصه فضل حياته كلها يعبد ربنا ولما مات مات كافر 🥺
عشان مشى ورا خطوات الشيطان وكان معتزل الدنيا مكنش ليه صُحبة صالحة تفوقه وتقوله دا غلط 💔
الإنسان بيتقوى بإخواته مينفعش تمشي في الطريق لوحدك عشان هتوقعي خوديلك أخلاء عشان لما تقعي يقوموكي 🥺🦋
لو كان الدين مجرد أحكام وعبادة كان مكنش لازم رسول ويكفي القرآن.
لكن اللّه عزوجل بعث لينا رسول مع القرآن عشان يكون لينا معلم ومربي
وقدوة حسنة نقتضي بيها 🦋
وحتى لما الصحابة تعلقوا بيه في غزوة أحد لما زاع خبر أن النبي قتل
كانوا خلاص هيستسلموا 🥺💔
اللي صمد منهم إللي عرف إن الدين قائم برسول صلى اللّه عليه وسلم أو من غيره لأن الرسول صلى الله عليه وسلم مش مخلّد ،هايجرى عليه سنة اللّه في خلقه 🥺🦋
خودوا لكم في الطريق عوناً ولكن لا تتعلقوا بهم فإن ذهبوا إنتكستوا 💔
فإياكم والتعلق بلإشخاص 🥺🦋
✒️آيّةُ عَبِدُالحَقِ
