كان يوم إثنين الساعه ٣ونص من خمس سنوات بالظبط ....
تليفونى رن ؛ مروه زميلتى بتتصل عليا عشان ننزل درس الإنجليزي مع بعض ...
_ ازيك يانور خمس دقائق وهعدى عليكى نروح الدرس سوا.
= الله يسلمك يامروه عملتى اللي اتفقنا عليه ياقلبي؟ .
_ خلاص والله يانور انا وعدتك من أول الاسبوع الجاى أن شاء الله هغير طريقة لبسي خااالص .= مش هضغط عليكى أكتر من كدا ؛ بس خليكى عارفه انا بحبك اوى وخايفه عليكى ومش عارفه مين فين اللي هيعيش للاسبوع الجاى .!
_ خلاص يانور أنا وعدتك الاسبوع الجاى هتلاقينى اتغيرت خاااالص ممكن تنزلي بقا عشان اتاخرنا ؟!= طيب اسبقينى انتى وانا هعمل لأمى حاجه بسرعه وأحصلك.....فى حفظ الله.
*****
قفلنا التليفون وانا بحاول أعتذرلها بشكل مهذب عشان مجرحهاش؛ مكنتش اقدر أمشي معاها وهى لابسه چيب قصير وشعرها باين ؛ ليس تعاليا أو تكبر أو يقين فى صلاحى ؛. أبدا.. ربما قلبها وصدق نيتها عند الله افضل منى .. ولكن حرصا علي صورة النقاب ؛ الظاهر أمام الناس؛ منتقبه ماشيه بجوار متبرچه إذن هى مُقره للمعصية...
***
مروه نزلت وانا نزلت وراها بدقائق ؛ كنت شيفاها قدامى هتعدى الطريق ؛ تليفونى رن وأمى كانت بتتصل عليا ؛ بتقولي انتى نسيتى شنطه استنى هحدفهالك من البلكونه ؛
كنت متأخره ع الدرس بس مينفعش أنسي الشنطه دى ؛ لان كان فيها إسدال جديد كنت جيباه وملبستوش ؛ قلت هعمل لمروه مفاجأه فى الدرس ومش هنزلها من غير الاسدال ...
_ ثانية واحده بالظبط سمعت صوت فرملة عربيه عالي جدا ؛ قلبي اتخطف جدا وارتعشت ؛ وسامعه صوت أمى بتقولي إطلعى يانور ..
_ أمى كانت واقفه فى البلكونه وشافت المنظر ؛ عربيه خبطت مروه طيرتها من علي الأرض ...أنا طلعت أجرى بسرعه وانا بقول يارب متكونش مروه .
_ لاقيتها مرميه ع الأرض غرقانه دم ؛ والچيب القصيرة مرفوعه؛ جسمها كله اتكشف قصاد الناس ...و بسرعه الناس ستروها وخدوها ع المستشفى ....
_ وأنا واقفه مش قادره أستجمع قوتى ولا عارفه أعيط ولا عارفه أتكلم ...
_ اخويا نزلي بسرعه عشان أطلع البيت ؛ قولتله ودينى المستشفى عاوزه أطمن عليها ...
_ روحت المستشفى وانا طول الطريق بدعى ربنا تقوم بالسلامه ؛ وتبدأ حياه جديده ؛ تحافظ علي صلاتها وتغير طريقة لبسها ...أخويا كان بيطمنى ويقولي أن شاء الله هتقوم بالسلامه ...
_ وصلنا المستشفى وسألنا عليها قالوا فى العمليات ؛
الدكتور خرج بعد وقت طويل قال ادعولها الخبطه عملتلها نزيف علي المخ ..._ طيب يادكتور ينفع أشوفها ثوانى بس عاوزه اقولها حاجه ...
_ الدكتور قالي مينفعش هى فى العنايه وتحت الاجهزه مش هتسمعك اصلا .
_ استحلفته بالله وانا منهاره في البكاء أشوفها ثانيه واحده بس وهخرج علي طول ..
_ للأسف موافقش وقالي انى كدا هضره فى شغله..😥
_ فضلت قاعده بره خمس ساعات وانا بدعيلها وأمها قاعده جمبي رايحه فى غيبوبه من الصدمه..
= اخويا قالي تعالي نروح ونيجى الصبح نشوفها أن شاء الله تكون فاقت وبقت أحسن ..
__ مشيت من المستشفى بالعافيه وانا قلبي بيتقطع عليها ؛ وبدعيلها يارب يارب تقوم بالسلامه ..
= تانى يوم الساعه سبعه الصبح قمت عشان ألبس واروحلها من بدرى ؛ لاقيت اتصال من أختها بتقولي مروه ماتت يانور .😥😥😥😥
_ كنت بدعى ربنا يحاسبها علي نيتها ؛ فالله غفور رحيم ؛ الأمر بيديه ؛ ولا أملك لها شيئا الان إلا الدعاء ؛ فاللهم ارحمها واغفر لها وتجاوز عن سيئاتها ..
😥 الجرح اللي من خمس سنين اتفتح يامروه وانا بكتب الكلام دا ..
_ كتبته عشان كل بنت مأجله انتظامها فى الصلاه للاسبوع القادم ؛
_وكل بنت مأجله تغير طريقة لبسها وحجابها للأسبوع الجاى.
_وكل بنت لسه بتسمع أغانى ومأجله تبطل سماع اغانى للأسبوع الجاى ..
_ مروه الله يرحمها كانت برضو زيك مأجله للأسبوع الجاى بس ملحقتش ؛ قدر الله نافذ لامحاله🤚
_الموت هيجى امتى وفين الله أعلم ؛ لكن لازم تستعدى لاستقباله فى أى وقت وأى مكان ..(وما تدري نفس بأي أرض تموت) .