_ هتجوزنى غصب ، وشيخ جامع كمان
: انتى تتطولى يموكوسه
_ ومطولش ليه؟ انا قمر والف من يتمنانى ومش كدا وبس وتعليم عالى كمان لا واى ومعاايا لغُتين
: طب دا الشيخ ال مش عاجبك دا احلى منك والله
_ مش متنيله انا، اتجوزيه انتى.
لاء مهو مش اصوم اصوم وافطر ع شيخ !
انا مش كدا لاء ، مش هستحمل واحد ابقى مااشيه فالصاله ينادينى ب " اختاااه " لا بقولكو ايه انا عوزاه badboy .
_ خير يماما انتى كمان !
: عُمر متقدملك.
_ ما رؤى قالتلى وقولتلها لاء هى مقالتلكيش.
: وهتقولى ازاى !
_ ع اساس انك بريئه ومش انتى ال بعتهالى.
: ماله عُمر يعنى مش فااهمه .
_ لاء لاء والف لاء ، انا عاوزه واحد صااايع.
: بقولك ايه ابوكى نازل اجازه بكرا، وابقى شوفى هتقوليله لاء ازاى.
_ ابويا ال قربت انسى شكله اصلا نازل اجازه، تيجى ازاى ؟
ايوه ، انا بابا صعب ، وشخصيته قويه يمكن قااسى بس والله لو ايه ال حصل متجوزش شيخ ويقرفنى فعيشتى ال هو لو اتنفست فاليوم اكتر من ١٢٠ نفس يقولى حرااام لاء.
_ رؤى
: ---
_ يبنتاااى
: الصوت وطى صوتك
_ مش بتردى ليه ، سرحانه ف ايه
: يبنتى اهدى كدا
_ اقفلى الشباك دا وتعالى
: ملك ، تعالى بسرعه
_ ايه
: عُمر معدى ، تعالى شوفيه .. يخراشى قمر وبدقن يناااس
_ طب انتى ك رؤى بتراقبيه ليه
: الاه مش قره عين صحبتى دا
حدفتها بالمخده _ دا بعينكو كلكو
جمااعه انا عوزاه من ال هو يصحينى ٣ الفجر يقولى تعالى ننزل نتمشى ، من ال هو نيجى فالصيف يقولى نطلعو دهب
نلبس زى بعض مش شييخ لاء.
_ مش كنتى بتقولى بابا جاى انهارده ؟
: واحشك !
_ لاء والله انا بسئل بس .
طبطبت عليا : طب ع العموم هو جاى بليل .
انا وبابا بعاد عن بعض لدرجه مفيش حد يتصورها، ال هو بيسافر بالسنين ولما بيرجع مبيبقااش واحشنى، ال هو برده ممكن فالأيام ال بينزلها اجازه نشوف بعض فالشارع منكلموش بعض
هى علاقتنا كدا بالظبط
" انا بنتك تصرف عليا، انت ابويا فانا بحترمك "
ماما فضلت طول اليوم تنضف فالشقه ، وتعمل اكل ، وتظبط ف شكلها، الساعه كانت ١ بليل بابا بيتنا خبط ماما قامت فتحت كنا عارفين انو بابا ، سمعت صوته قلبى اتقبض حسيت برعشه جوايا.. انا يمكن بخاف من وجوده !
سلم عليا عادى جدا وسلمت عليه .. عدى اليوم بفرحت ماما وكل العيله بوجود بابا
صحيت تانى يوم الصبح ع صوت شباك أوضتى وهو بيتفتح، فتحت عيونى ببطئ، لقيت بابا هو ال بيفتحه !
اتخضيت واتكلمت _ صباح الخير
: صباح النور، عاوزك برا تعالى
_ حاضر
_ هى ماما فين ؟
: بتجيب طالبات للبيت عاوزها ليه
_ كنت عاوزه افطر
: متفطرى نفسك ، المفروض تتعودى ع كدا بقى .
_ حاضر ، هى بس كل الفكره متعودتش وو صغيره
: 21 سنه وصغيره ، انتى ال قدك فاتحين بيوت
_ ربنا معاهم
: ربنا معانا كلنا، المهم
_ ايوا
: فيه واحد متقدملك، اسمه عُمر.
_ عرفت
: طب هو جاى بكرا بليل، استعدى.
_ بابا لاء
: خير ؟ وجه الاعتراض
ارتبكت _ اا انا بس مش عاوزه اتجوز واحد عجبته فجه اتقدملى، أو يمكن معجبتهوش كمان واحد حد قريبه قاله عليا فجه يتجوزنى ، غير دا كله دا شيخ يبابا.. كل نفس بتنفسه هايحسبنى عليه هيسلب منى حرييتى مش هعرف اتعامل معاه انا أصغر من انى اتعامل مع شيخ او او اتئقلم
هيمنعنى عن صحابى وجامعتى، هيمنعنى عن كاريرى هيشوف كل ال بعمله غلط ، بابا انا اسفه مش موافقه .
