ولدتني عاهرة
evihadil
الأمل يخفف الدمعة التي يسقطها الحزن.
يوسف : سديته وگمت طلعت ملابس ومااعرف ليش رحت يم الشباك وسمعت ريم تبچي وتحجي وتكول تعالي اخذيني ومعرف شنو يمكن دتحجي ويا امها زين اذا هي دتحجي ويا امها ليش رادت عمي ، اهوو هسه اني شعلية رحت سبحت وكملت ورحت خابرت مينا
مينا : ها حبيبي سبحت
يوسف : يي سبحت
مينا : بالعافية حبيبي
يوسف : الله يعافيج ، يي شلونج
مينا : زينة الحمدلله ، يوسف
يوسف: ها
مينا : شخبار بت عمك
يوسف: زينة
مينا : مم هم دتسولف وياها
يوسف: بابتسامة يي نسولف ونضحك ونتشاقى هم
مينا : بغيرة ، يي وبعد
يوسف: بعد شنو
مينا : شوف يوسف مثل ما انت كلامك ماشي عليه انت هم لازم اكو امور لخاطر حبك الي متسويها
يوسف: مثل شنو
مينا : مثل متحتك بيها ومالك دخل بيها
يوسف: واذا گلت لا
مينا : يوسف اني احبك واغار عليك وبعدين يكفي هي تربات ملاهي
يوسف: بعصبية هي شنو تربات ملاهي ترا هاي بت عمي والي يمسها يمسني و مااقبل عليها
مينا : ليش عصبت امك وخالتي گالوا ترا مجايبة الحچي من جيبي
يوسف: استغفرالله اسمعي مينا البنية مشفت عليها شي لحد هسه ومبينة حبابة اني اذا مااشوف بعيني مااصدگ بالكلام فخالتي وامي وامج بكيفهن يحجن ولله لان امها تزوجت عمي وطلعت مو خوش خلص يعني بتها هم مو خوش هذا مو منطق فمااريد اسمع اي كلمة غلط بحقها ، و ترا دااشاقة لا ضاحك ولا متشاقي وياها حتى مابينا كلام
مينا : اوووف يوسف مااريد تاخذك مني مثل ماامها اخذت عمك من خالتي
يوسف: شو متعرفين تحجين شنو زعطوط وتاخذني خلص سدي هل سالفة لا اسد الموبايل
مينا : لا لا خلص خلص ، صدك حبيبي بنهاية الاسبوع حنجيكم جيبلي هدية صلح
يوسف: هلا بيكم ، انشاءلله ، بهل اثناء اني جنت كاعد ع القريولة وتصير كدام الباب وعيني عليها وفجأة فاتت ورقة ، يلى بعدين احجي وياج اريد اروح اكل
مينا : ماشي گلبي انت بااي
يوسف: باااي ، وسديته ورحت شلت الورقة جان مكتوب بيها شكررا ع الاكل تسلم تلقائيآ ابتسمت وحبيت خطها ضميت الورقة ورحت للمطبخ لگيت ريم گاعدة دتشرب مي
