ولدتني عاهرة
evihadil
ريم: ضليت ابجي ومن البجي گام يوجعني راسي وعيوني هم واحس دتطلع منها حرارة كمت نزعت ملابسي وسبحت وصليت وشكيت لربي ورحت نمت ،،
يوسف: الليل كله مگدرت انام من التفكير بحجيها لازم اعرف ليش حجت هيج شنو مسويلها رجل امها الي مخليها تفكر هيج مستحيل بنية بهل عمر تحجي هيج بالشهوات وماخذة فكرة الزلم كلهم هيج
ريم : گعدت الفجر صليت وگعدت اراجع الدروس وتاكدت من كلشي بدلت واخذت جنطتي ونزلت صبحت عليهم و تريگت
ابو ريم: بابا ريم مراح اكدر اوصلج اليوم روحي ويا رهف ،، رهف ديري بالج على اختج
رهف: انشاءلله
ريم : طلع ابوية واني انتظرت رهف اشو هاي طلعت عايفتني وطالعة من باب الخطار واتاخرت مبقى شي ويدك الجرس اخذتلي تفاحة وطلعت داامشي واكو سيارة دگت هورن اني خفت والشارع شبه فارغ راسن كمت اركض
يوسف: گعدت متاخر ع الدوام راسن بدلت وطلعت وطلعت من الفرع شفت ريم دتمشي دگيتلها هورن حتى اوصلها بس شو هاي گامت تركض يمكن خافت مشيت وراها بالسيارة لحد مفاتت راسن لزمت موبايلي ودزيتلها فويس ،،اولا صباح الخير وثانيا ليش هيج خفتي وكمتي تركضين هاي اني الي دكيتلج هورن ردت اوصلج وثالثآ راح احاسبج على حچي البارحة دزيتها وطلعت لدوامي ....
ريم : فتت للمدرسة وكللبي يدگ قوي كلش خفت شلون بلا اضل اعيش بهل خوف فتت طلعوا مصطفين وگفت وياهم ووراها فتنا وبلشنا بالدروس وبالفرصة البنات عرفوا بيه مخطوبة هالة الوحيدة الي باركتلي والباقي ضلوا يسمعوني حجي
امل: ولله عمي حظ العواهر گاعد ينخطبن واحنا الشريفات محد يدگ بابنا
هالة : اش امل شبيج هي لو مو خوش بنية وشريفة جان مخطبها ابن عمها
رهف: ليش تسكتيها ماعده غير حل حتى يستر عليها
هالة : ترة زودتنها ترى اروح اگول لماما
رهف: ومتگولين هذاك الباب روحي گليلها وبعدين احنا مدنحجي شي كذب .
سمر: هالة خايبة متسكتين الحظ بس يمها مو احنا
هالة : انداريت على ريم حبيبتي ريم شايفة كل الخير ويارب انشاءلله سبع سعادات ،، وشلت جنطتي ورحت يمها ،، عادي اگعد يمج
ريم : يي عادي ،،، صحيح اسمع هل حجي من اني صغيرة وتعودت عليه بس بعده يأثر بيه ويقهرني
امل : ها هالة تردين تمشين بدريها
هالة : امشي بدربها ماامشي بدربها ميخصج
ررهف: هههه عوفيها هي تريد تنحرف
هالة : لاتسمعيلهن خلي يولن ميشوفن عيوبهن كل وحدة بيهن مصادقة اثنين وطلعات وطبات وياهم
