ولدتني عاهرة
evihadil
يوسف: گعدت ساعة 4 الفجر گمت غسلت وبدلت ورحت لدوامي
ريم : گعدت الصبح ورحت غسلت ورحت للمطبخ جانوا كلهم گاعدين ديتريكون ،،، ص ص صباح الخير
ابو يوسف: صباح الانوار ، اگعدي تريگي
ريم : من صبحت محد رد بس عمي وياسين گعدت اكلت لفة جبن وهما گاموا وگمت لملمت ونظفت الميز ونظفت المطبخ ونظفت البيت صارت ساعة 10 ونص خلصت كلشي اجتي مرت عمي بلشت تسوي بالغدة ،،،، عمة تردين شي لو اروح اقرا
ام يوسف: ليش الي مثلج هم يدرسن
ريم : سكتت ورحت گعدت اقرا وصار وكت الغدة محد صاحني واني هم استحيت اروح كل مرة يوسف يصيحني حتى اكل او يجيبلي بس اليوم اني مشفته يلى مو مهم اكل ضليت اقرا وباجر دوام اوووف شلون حمشيها والبنات كلهن يعرفن سالفتي كملت قراية وبقيت اگلب بالموبايل وخابرني رقم غريب اني بيه طبع اجاوب ومااحجي اذا جان صوت بنية ارد واذا ولد راسن اسده ،، رديت بس محجيت وعرفته من الصوت هاي امي ااااخ شصار بيه من سمعت صوتها
ام ريم : الو ريمايتي ،،، الو ،، الو
ريم : ش ش شتردين
ام ريم : مشتاقتلج ومكانج خالي ليش انهزمتي
ريم : ههه ههه
ام ريم: ليش تضحكين
ريم : اضحك ع حچيچ
ام ريم: وشبيه حچيي
ريم : يضحك
ام ريم: لا ميضحك ، ريم ارجعي
ريم : ليش ارجع بعصبية حتى تخليني امشي بدربج الوسخ حتتتتى تبيعيني لابو فهد لو ابو عمار او لليدفع اكثر لو حتى تخلين رجلج يتونس بيه وتعيشوووووني بقلق وخوف ميكفي الي سويتي بيه ممممكافي اذية خلللص عوفيني ماااريدج متبرية منج وياريت لو اگدر اشيل اسمج من جنسيتي رووووحي رررروحي ماريدج ممااااريدج سديته بوجهه وسويتلها حظر ، ،، مشى اليوم بتعب وحزن وهم حتى مگدرت اكل بقيت ع اللفة الي اكلتها الصبح وبليل بالگوة نمت ،،، دگ المنبه ساعة 6 گمت شفت جنطتي خما ناسية كتاب او شي وصليت وبدلت ورحت للمطبخ گليتلي بيض باوعت صارت ساعة 7 گعدت حتى اكل اللفة وانفتح باب المطبخ طلع يوسف
يوسف: السلام عليكم
ريم : و و وعليكم ا السلام
يوسف: رحت شربت مي وهي گامت طلعت واني قفلت باب المطبخ وراها ورحت راسن نمت بهدومي
ريم : خلصت لفتي ورحت وطول الطريق اتلفت وصلت للمدرسة وگعدت بالرحلة الاخيرة ومحد كعد يمي عادي تعودت اصلا اني ماعندي صديقات بس مرة صارت عندي صديقة بالسادس ابتدائي واهلها من عرفوا منعوها تحتك بية ،،، بلش الدرس الاول وخلص والثاني هم واجتي الفرصة ورحت للحانوت دااشتري فصايرة هوسة يم الحانوت فوگفت على صفحة بيين ميخلصن البنات ومااحس غير اندفعت ووگعت على خشمي وطلع دم رفعت راسي طلعت اختي وصديقاتها 2 هنا الي دفعني وواگفات يضحكن ، گمت ومحچيت شي ورحت للمغاسل غسلت وهم لحگني دااطلع وگفن بالباب ،،،، وخرن
