ولدتني عاهرة
evihadil
يوسف: مرن كم يوم كمت اتاخر بالخفارة اريد اشغل نفسي مااعرف شصار بيه بس هي بتفكيري رجعت من الخفارة ميت من التعب نمت وكعدت خابرتها هم مقفول مستحملت اريد احجي وياها راسن كمت بدلت حتى مااكلت ورحت لبيت عمي هستوني فتحت الباب الي بينا عمي جان ديفتح باب البرة وطلعت ام محمد
ابو ريم: هلا باام محمد
سعاد : اهلا بيك خوية اعذرنا اجينا بدون موعد
ابو ريم: لا لا هلا بيكم باي وقت
سعاد : اعرفك زوجي ابو محمد ووالدتي
ابو ريم: صافحته اهلا بيك خوية تفضلوا تفضلوا , هلا يوسف
يوسف: السلام عليكم
الكل : وعليكم السلام
سعاد : ابو محمد هذا يوسف خطيب ريم
ابو محمد : مرحبا استاذ يوسف
يوسف: مراحب ابو محمد صافحته
ابو ريم : تفضلوا تفضلوا
يوسف: فوتهم عمي لغرفة الخطار وكعدنا وعمي دز ورورد تصيح ريم ومرت عمي سلمت وراحت تسويلهم الضيافة اني جنت كاعد مقابيلهم وهما گبال الباب بس ينفتح ينشافون انفتحت الباب وفاتت ريم ملابسة حجاب وگصيبتها لوركها وراسن ركضت واول مرة اشوفها هيجي فرحانة حلگها منسد ضلت تحضن وتبوس بيهم وتسولف ومنطلقة كلش اني كلش ضجت مهمه يكون ابو محمد غريب عنها راحت صافحته وباسته من راسه الدم صعد لراسي واني من الزم ايدها تضل ترجف ودك سوالف وحجي وهو يبوس بيها وتتمضحك ومن عرفت اني موجود راسن تغيرت حتى ضحكتها راحت وكامت تأتئ بالگوة لزمت نفسي هي راحت ولزمت الموبايل ،،،،، شدعواج من شفتيني عبالك شايفة جني ____ فدمرة اگعدي بحضنه شنو هل حركات ___ اكسر راسج اذا تكعدين يمه بدون حجاب _حسابي وياج عسسير
ريم : نزلت وطبعا لبست الحجاب علمود يوسف موجود ،، فتت گعدت يم ماما سعاد حضنتها وراسن اجوي محمد وقاسم حضنتهم ، هلاا بحبايبي شلونكم مشتاقتلكم كومة
محمد : اني مشتاقلج بس قاسم لا
ريم : راسن برطمت ،، ليش قاسم ليش مشتاقيتلي اني اشتاقيتلك
قاسم : كذاب اني هم مشتاقلج ودائما اگول لامي وديني على ريم
ريم : حبيبي لزمت خدوده وبسته
يوسف: صاير نار عليها بس من سوت حركة الزعل جابت راسي مدكدر اقاومها اول مرة اشوفها تسولف بدون خوف
سعاد : قربت راسي منها ريمة شبيج مو على بعضج
ريم : لا يضل بالج جنت شوية ضايجة ابتسمتلها ، بس انتوا بجيتكم فرحتوني
سعاد : بنيتي وبستها
ابو محمد : ولج ريمة مبرروك واخيرا حتزوجين ونخلص منج
