(ولدتني عاهرة)
evihadil
ام يوسف : بعدين نحچي مااريد احد يسمع
ريم : تمام ، خفت لا گايللها بس هو اكيد حيعرفون وحتبين اني مو وياه بالغرفة اوووف يا ريم متعرفين تتصرفين خلصت لم وغسلت المواعين ومرت عمي بقت گاعدة يمي
ام يوسف: ريمة تعالي نروح نگعد يمهم
ريم : يي تمام ،، رحنا چانوا كلهم موجودين بس يوسف مموجود گلبي يمه اعرف بيه هسه ضايج اريد اروحله بس بيا وجه اروحله بعد الگلته ياسين انتبه عليه شاردة وهو هم چان ضايج ومو على بعضه
ياسين : ريم جيبي الدومنة خلي نلعب ويا ابوية
ريم : ت تمام
ياسين : عبدالله تلعب
عبدالله : يي لعد شلون بدوني اللعبة محلوة 😁
ياسين : هههه يي عليمن نضحك من تخسر
الكل : هههه
ريم : لعبنا دومنة شوية غيرت جو وياهم وفات يوسف ورجع طلع بس باوع عليه وراح واني هم گمت ،، تصبحون على خير
الكل : وانتي من اهل الخير
ريم : رحت نسيت اني نقلت غراضي لزمت اليدة واذكرت خلص هاي مو غرفتي وخرت ايدي ورحت للغرفة گعدت وخليت ايدي على خدي وافكر اذا عرف ابوية شراح يسوي اكيد ميبقيني احس راسي حينفجر مدعرف اتصرف اندگت الباب ، خفت بس لا بيبي مجاوبت
ام يوسف: دگيت الباب ، ريم نمتي
ريم : طلعت مرت عمي ، گمت فتحتلها الباب فاتت وسديت الباب وگعدت يمها ، ها عمة صاير شي
ام يوسف: يوسف گلي هجرج
ريم : .....
ام يوسف: مااعرف شگلج وشلون اهون عليج وابوه من يعرف شراح يسوي راح يطرده من البيت
ريم : ل ليش يطرده
ام يوسف: ليش سالفته قليلة هو من يوم الخطب مينا ميحچي وياه
ريم : .......
ام يوسف: فهميني ليش صار هيج انتوا مو وضعكم جان تمام ومبين عليكم مرتاحين ويا بعض
ريم : م مااعرف
ام يوسف: بحزن ، كله مني اني اجيت ورجعت فوتتها لحياته
ريم : ل لا عمة انت مالج دخل
ام يوسف: ببچي ، دمرت حياتكم هو حتى من گتله مقبل جان خايف على زعلج شنو البدله
ريم : مسحت دموعها ، عمة لا تبچين ولله انتي مالج دخل وبعدين انشاءلله تنحل فترة وتعدي
ام يوسف: شتنحل وهو قافل ،، اسمعيني زين ، الله شاهد عليه شكد احبج ومعتبرتج بنتي مو چنتي بس لشوكت تبقين تتحملين اني ماارضاها عليج ماارضى يظلمج وتضيع سنين حياتج هيج ، عوفيه لا تخليه يحطمج ويركنج ع الرف
