ولدتني عاهرة
evihadil
يوسف: جانت متجمدة ومتحركت ،، ريم شبيج ريم ، راسن اغمى عليها بهل اثناء اجتي امي ، اني ركضت عليها داافوقها
ام يوسف: يمه اسم الله شبيها
يوسف: اغمى عليها تاكدت من نفسها وميلت راسها ورفعت رجلها فوق مستوى راسها خلال دقيقتين فاقت اني ملتهي بيها وحسيت باايد على كتفي وگرصتني باوعت طلعت مينا
ريم : فتحت عيني جانت مرت عمي واگفة ويوسف يمي قريب كلش ومينا واگفة وراه راسن حاولت اگعد بس دخت فلزم ايدي جسمي رجف راسن سحبتها
يوسف: من سحبت ايدها صدگ ضجت عبالك دااتحارش بيها ، باازعاج ، يمه گوميها وخلي ترتاح بغرفتها عفتهم وطلعت من المطبخ ومينا وراية
مينا : يوسف ، يوسف
يوسف: بعصبية شتردين
مينا : ليش تعصب عليه وبعدين شنو هل اهتمام الي تهتمه بيها
يوسف: مييينا مناقصج عفتها ورحت لغرفتي
ام يوسف: گومي انطيني ايدج
ريم : گومتني مرت عمي ورحت لغرفتي فتت وقفلت الباب ونزعت الحجاب والدشداشة وبقيت بس بالبجامة والبدي الي لابستهن جوة الدشداشة وتمددت ورا خمس دقايق سمعت من غرفة يوسف صوت مينا ومبينين ديتعاركون اني راسن خليت المخدة على وجهي وگمت ابچي اذكرت عركات امي وعادل
يوسف: جنت كاعد وضايج كلش مدااعرف افسر تصرفاتها وانفتحت الباب طلعت مينا فاتت وقفلت الباب ،،، گمت راسن مينا اطلعي شجابج انتي خبلة
مينا : مااطلع اذا متفسرلي الي ديصير
يوسف: اطلعي ونحجي بالموبايل
مينا : يووسف گتلك مااطلع
يوسف: انتي خبلة لو جايزة من روحج اخوج واهلج واهلي برة امشي اطلعي
مينا : بعصبية وبعياط گتلك مااطلع گلي شعندك وياها
يوسف: نصي صوتج ولا تعيطين سحبتها وگعدتها ع القريولة وگتلها ، ماكو اي شي بينة
مينا : يوسف اني مو ثولة شنو الي بينكم احجي وريحني
يوسف: دااگلج مابينة شي ليش متفهمين
مينا : نزلن دموعي ، لا تچذب يوسف لا تچذب شفت اهتمامك بيها ومن چنا ع الغدة وابوك گال لياسين يصيحها مو انت بس انت رحت جبتها حتى تاكل ومن گمت اخذت المشمع منها وخليته وانت بحياتك كلها مفارش مشمع ومن اغمى عليها اني متأكدة هي چذابة وانت لزمت رجليها وبقيت يمها ولزمت ايدها ومن وخرت ايدها عصبت وگمت واجيت لغرفتك ليش يوسف ليش خلص بعتني
يوسف: مينا صدگيني ولله مااعندي اي شي وياها انتي الي بگلبي مو هي ولله ، كل السالفة اني متعاطف وياها لا اكثر ولا اقل
