ولدتني عاهرة
evihadil
لو انها ورقة لمزقتها لو انه كلام لاهملته
لو انها زجاجة لكسرتها لو انه جدارآ لهدمته
لو انه حلم لاستيقظت منه
لكنه قلبي ...
ريم : تريد تعرف رأيي ، اقبل تزوج اني ماريدك افهمني ولا تصعب الامر عليه ، من گتله هيج تغيرت تعابير وجهه
يوسف: بتنهيدة : فركت وجهي ، ريم طلاگ ماطلگ خليها ببالج
ريم : بخوف ، ب بس اني ماريدك
يوسف: بعصبية ، ليششش انطيني سبب اريد اعرففففف
ريم : ....
يوسف: لا تسكتين ، انييي مقصر وياج مأذيييج صارلج شهرررين مرمرتي گلبي
ريم : ل لا لا ممقصر بس مدگدر ، ببچي ، مدكددددر افهمني الله يخليك مدگدر تلمسني ولا داارتاح لشوكت تتتبقى تتحمل هل شي ومستحيل تتحمل وانت من حقك تكون عندك زوجة تنطيك حقوقك كاملة وتجيبلك اطفال اني مررراح اكون زوجة كاملة راح يبقى الماضي لازگ بية ومراح اگدر اتخطى وانسى انتتت ممجبور تعيش ويا انسانة مثلي
يوسف: اني قابل بيج مثل ماانتي ، عمي حتى ايدج بعد مالزمها
ريم : وبرأيك هذا حل تنحرم من الاطفال ومن حقوقك
يوسف: بعصبية : ماااريد النومة ولا الجهال الي اريده انتتتتي انتي وبس
ريم : يوسف ، ببچي ، اسفة بس مااگدر ابقى يمك حرجع يم ابوية
يوسف: بعصبية ، رجلللج متعتب باب المطبخ تبقيييين يمي
ريم : گمت ،، هوو مو اجبار
يوسف: راسن لزمت زندها ، لا اجبار تبقين يمي عود من اموت وين مترحين روحي
ريم : ( اسم الله عليك جعل يومي قبل يومك ) ،، يوسف لا تصير مثل عادل لا تجبرني على شي
يوسف: بااستغراب ، صرتي تقارنيني بهل عار ،،، عفتها بدلت واخذت السويج ،، اسمعيني زين طلعة من البيت مااااكو ، واخررررر مرة تجيبين طاري الساق،،، هل مرة سكتت مرة ثانية قسمآ بالله اگص لسانج ...
ريم : طلع واني بقيت ابچي فكرت الم ملابسي واروح بس مااريد اعوفه مااتحمل اذا مااشوفه بقيت گاعدة مكدرت انام ومااعرف وينه وتاخر مرجع للبيت طلعت كتبي دااحاول بلكي اكدر اقرا اقرا كلمتين وراسن فكري يشرد
يوسف: ضليت افتر بالسيارة واحس بخنگة مااگدر اتخيل حياتي بدونها لو ارجع للبيت ومالگاها ، گدرت اشيل مينا من گلبي بس ريم لا مدگدر احسها مسيطرة عليه رجعت ساعة 1 للبيت فتحت باب الغرفة،، جانت گاعدة وگدامها الكتب مطشرة فتت بدلت وتمددت ودرت ظهري عليها
