ولدتني عاهرة
evihadil
يوسف: حاولت انام مگدرت طلعت گعدت يم امي
ام يوسف: يوسف گلت العمك ع السوته رهف
يوسف: يي گتله
ام يوسف: وشسوالها
يوسف: مااعتقد سوالها شي
ام يوسف: ريم مگالتلك شلون تصرف
يوسف: محاجي وياها واصلا البارحة جنت يم عمي مجاب طاري
ام يوسف: الله يهديها
يوسف: امين ،،، صارت ساعة وحدة اجى ابوية وتغدينا و بلغنا ابوية ووراها فات نام واني مدگدر انام من البارحة ساعة 5 الفجر لحد هسه منايم صارت ساعة اربعة العصر خابرت على عمي ميرد وخابرت على ريم هم متجاوب اجتني رسالة من رقم غريب طلعت صورة مينا وخطيبها وگاعدة بحضنه والضحكة شاگة حلگها وجانت لابسة تنورة قصيرة وبدي ربع ردن احس گلبي مثل الجمرة وشبت بيه راسن رگعت الموبايل بالگاع احس تعبي زاد واختنگت راسن طلعت من الغرفة كل مااحس خلص گدرت اتخطاها وراح اكون سعيد ويا ريم وماافكر بيها ترجع وتذكرني بيها رحت شربت مي ورحت لامي ،،،، يمه گعدي ابوية وبيبي وتحضروا نروح للفاتحة حروح اشوف عمي
ام يوسف: ماشي
يوسف: رحت ودگيت باب المطبخ
رهف : اندگت باب المطبخ شفت يوسف ، لا هلا رحت فتحت الباب ودرت وجهي وفتت
يوسف: تجاهلتها اصلا مالي خلگها ولا خلگ احد البية كافيني ،،، السلام عليكم
الكل : وعليكم السلام ،
ابو ريم: شبيك يوسف
يوسف: عمي ام محمود توفت
ابو ريم: لااا انا لله وانا اليه راجعون شوكت ماتت
ام رهف: الله يرحمها ويسكنها فسيح جناته
يوسف: اليوم الفجر
ابو ريم: الله يرحمها شكد خوش مرة جانت
يوسف: عمي فد عشر دقايق حنروح للفاتحة
ابو ريم: هسه حگوم ابدل گومي مروة خلي نروح
ان رهف: يي يلى
ريم : گعدت ونزلت نظفت وياهم وصعدت قريت وبعدين نزلت تغديت ووراها هم صعدت نمت ساعة وگعدت اقرا و ب 3 ونص نزلت گعدت يم بابا والباقي جان ديباوع فلم كلش اندمجنا ويا الفلم جان حلو واجى يوسف جان شكله ابد مو على بعضه ومبين التعب على وجهه والحزن وعيونه حمر ، واول مرة ميلاحظ وجودي ومن كال لبابا وراح بابا ديبدل هو راسن راح وحتى مباوع عليه راسن لزمت موبايلي و ترددت ادزله رسالة ومعرفت شدزله راسن سديت الموبايل ومدزيت
يوسف: رجعت للبيت لكيت امي وبيبي متحضرات وگاعدات دينتظرن ابوية گعدت بصف امي وخليت راسي على كتفها
