ولدتني عاهرة
evihadil
أمارس الفرح بشكل مختصر جدا، أما الحزن فمواسمه كاملة لا تقبل القسمة ولا التجزئة
ريم : گعدت يمهم ، وهو ابد مباوع عليه مبين زعلان
ام يوسف: ريمة افتحي قبغ الجدر خلي تبرد الدولمة
ريم : تمام عمة ، گمت وخرت القبغ ضگتها كلش طيبة انداريت يوسف فات
يوسف: گمت اشرب مي فتت شربت،،، ليش مداومتي اليوم
ريم : صفنت ، صدگ ليش مداومت احس نفسي ضايعة اصلا نسيت عندي دوام
يوسف: صفنت ومردت ،، شوكت تبطلين هل عادة ومن احچي وياج تجاوووبين
ريم : م م موقصدي ، بس مابية حيل اداوم
يوسف: ليش هم بسببي ، اجتي امي راسن سكتت
ريم : نظراته ومن يحجي وياية احسه ببرود مابيها مشاعر ، اجتي عمة هو راسن سكت وراح گعد ع الميز واني رحت طلعت خيار وطماطة وبصل شيفتهن وخضرة و بقيت احضر بالمواعين وطلعت الصينية لان عمي على جية حضرت كلشي ورحت لبيبي دگيت الباب
ام عزيز : فوتي
ريم : باابتسامة ها بيبي متجين تكعدين يمنا بالمطبخ مبقى شي ويجي عمي حتى نتغدة
ام عزيز : تعالي
ريم : سديت الباب ورحت گعدت يمها ، ها بيبي
ام عزيز : شصاير بينج وبين يوسف
ريم : مصاير شي
ام عزيز : متأكدة ؟
ريم : باابتسامة ، يي متأكدة لا يضل بالج الحمدلله احنا بخير ومرتاحين ويا بعض
ام عزيز : الله يديمكم
ريم : تسلمين بيبي ، يلى بيبي خلي نروح
ام عزيز : روحي هسه الحگج
ريم : تمام ،، طلعت ورحت للمطبخ
ام يوسف: ريمة اگلبي الدولمة بين مااصلي
ريم : اجى عمي
ام يوسف: يي اجى ديبدل
ريم : تمام ،، يوسف جان نفس گعدته وديگلب بالموبايل رحت خليت الصينية ع الميز وشلت الجدر اريد اگلبه بس مااعرف ايدي ترجف واحس جسمي مابيه طاقة حتى اگلبه
يوسف: انتبهت عليها تريد تگلب الجدر مدتگدر و ايدها ترجف ، گمت اخذت الجدر من ايدها وگلبته ورجعت گعدت بمكاني
ريم : طلع منتبه عليه واخذ الجدر من ايدي وايده طخت بايدي گلبي رجف گلبه ورجع گعد وعاف الجدر مگلوب موخره شلت الجدر واحس تخربطت بقربه يوم بعد يوم دااحس اني مااگدر ابعد عنه لو يتزوج عليه عشرة هم مراح اگدر اعوفه ولا اگدر ارجعله كزوجة احس نفسي خبلة وبين نارين ،، اجى ياسين
