ولدتني عاهرة
evihadil
ريم : رحت للغرفة وراسن نمت بس هم گعدت على كابوس وگمت ابچي شفت عادل ديغتصبني انعاد كلشي مثل الشريط حتى حسيت بالم
يوسف: جانت ساعة وحدة وجنت دااحجي ويا مينا و كالعادة تعاركنا وسديته بوجهه ، وفجأة سمعت بچي ريم اني جربايتي بصف الشباك ، گمت ورحت يم الشباك وگتلها ، ليش تبچين تردين امج
ريم : من سمعت يوسف يسئلني راسن خليت ايدي على حلگي
يوسف: جاوبي ريم فضفضي شبيج
ريم : بصوت ناصي ياريت لو اگدر احجي
يوسف: ريم گوليلي شبيج
ريم : گمت گعدت يم الشباك ، ببچي ت تعبانة
يوسف: سلامتج من التعب شنو الي يوجعج عندي مسكنات
ريم : روحي ا ا الي توجعني
يوسف: ومنو الي اذى روحج
ريم : تصبح على خير گمت ورحت تمددت وبس دموعي تجري
يوسف: وانتي من اهل الخير ، محبيت ازعجها لان مبينة متريد تحجي ، بس احسها شايلة هم كبير ، انتبهت متسد الضوة من تنام دائما مفتوح ، ضليت افكر بحچي عمي ليش مااوافق واتزوجها بس ع الورق مااقرب منها على الاقل يثبت مكانها ومتضل من بيت لبيت وحقه عمي ميريد يرجعها لامها بس لا ومينا شلون غير تنجلط اذا عرفت ومستحيل اسوي هل شي بمينا ،، هلكد مضليت افكر غفيت وماادري بنفسي
ريم : مرن 4 ايام وبهل اربع ايام بيبي محجت كلمة وياية ولا مرت عمي بس انظف وياها واساعدها والعشا صار عليه والحمدلله نقلت واول يوم وداني ابوية بس الي محسبت حسابه طلعت اختي وياية بالصف وطبعا كارهتني وبس تخزر بيه معرفت بيها الا من صاحت المدرسة اسمي وگلتلنا شنو انتوا خوات يلى عرفتها ومر اليوم ببطئ ومحلو جان لان من اول يوم اختي حجت لصديقتها سالفة امي وگامت صديقتها حجت لكم بنية بالصف يعني بفرصتين بس بنات الصف عرفن عني كلشي ومن حلينا اشكال الحجي سمعت گلبي انعصر وتعبت وين مااروح يحجون بيه ، و الناس متحب الستر لا تحب الفضيحة وتحب تعير المقابيلها ، جان دوامنا ظهري و رجعت هلكانة مو من الدوام والدراسة لا تعبت من الحجي الي طلع عليه وكله بسبب امي لا هي مو امي هي بس جابتني بس مربتتي واذتني هواية و دمرتني ، رجعت للبيت وهستوني وصلت قبل راس الشارع شفت عادل يي عادل نزل وجر ايدي وراسن سيارة ورانا دگت هورن واني اخذتها فرصة ودفعته وهو انهزم وركضت بس شنو عافية مبقت عندي جسمي كله گام يرجف وگفت بالباب ودگيت الجرس مااعندي مفتاح للباب ومنتبهت اكو خيط اجره وينفتح الباب حركت الجرس خفت لا يرجع ونفس السيارة وگفت يم الباب الي بصفنا ونزل وگف يم سيارته وبلش يذبلي كلام
