ولدتني عاهرة
evihadil
يوسف: هلوو
ريم : انداريت يوسف اجى ، ه هلاوات ،، بس شكله متغير لحيته طولانة وعاقج حاجبه وممبتسم مو مثل كل مرة
يوسف: هاي كتبج
ريم : ش شكرا
يوسف: هاي الكتب شنو
ريم : ها ه ه هاي كتاب عربي و و فيزيا و كيميا
يوسف: لعد صارلج سنة داومين وين كتبج
ريم : ها و و وگع عليهن مي
يوسف: عرفتها دتجذب راسن يبين عليها تقربت عليها وهي رجعت ليورة وگتلها ، بلا چذب ومو اني الينضحك عليه
ريم : خفت من تقرب عليه وباوعت عليه مخنزر وكلش جدي راسن رجعت ليورة ونزلت راسي
يوسف: ريم مااحب الچذب
ريم : م م مو ق قصدي ب ب بس رهف ش شگت كتبي و و والامتحانات ب ب بعدلها 3 ايام
يوسف: اللهم طولج ياروح فركت وجهي وصرت اعصاب يا طلايب رهف المتخلص ،،، بعصبية وهم سكتي وخليتي حقج يروح واكيد مگلتي لعمي
ريم : ل ل لا عفية ل لاتگله
يوسف: ضلي ضلي هيج فطيرة ،بعصبية ومرة ثانية من تردين شي گليلي اني اجيبلج
ريم : انقهرت من گال فطيرة وكلش صاير عصبي عليه
يوسف: گزيت على سنوني ، فهمتتتتي
ريم : يي يي فهمت
يوسف: انداريت دااروح واذكرت ، صدگ مازن يسلم عليج
ريم : ا ا الله يسلمه
يوسف: شنو علاقتج بيه نفس علاقتج باابو محمد
ريم : ش شتقصد
يوسف: مااقصد شي
ريم : عرفت قصده ووعيوني انترسن دموع ،، ا ا اني افهم شنو قصدك م مازن م م متربطني بيه اي علاقة بس جنا نروحله اني وماما سعاد اخذ منه قرطاسية وملخصات وكتب و و ومااكو اي شي من الي ببالك ،، عفته ورحت صعدت لغرفتي وسديت الباب ونزلن دموعي ومسحتهن كافي پجي دزيت رسالة لماما سعاد ،، ماما ووصلن الكتب شكرررا وتشكريلي مازن وسلميلي عليه ،،
يوسف: ضوجتني بفطارتها اريدها بس مرة تصرف وتوگف رهف وغيرها ومن راحت حسيت قسيت عليها وسمعتها حجي ميصير اگوله بس مااعرف ليش ضجت من گال حطيتلها الرواية التحبها يعني هو يعرفها اكثر مني وهي متنطيني مجال اتعرف عليها
ريم : مرت هل 3 ايام واجى يوم الامتحان من الاربعة گاعدة وكلش متوترة واني حافظة الكتاب من الغلاف للغلاف والف مرة مراجعة بس مااعرف ليش اخاف وبطني تگوم توجعني حتى ريوگ مااتريگ رحت للامتحان والحمدلله جاوبت وباقي الامتحانات هم جاوبتهن فول وخلصت الامتحانات وارتاحيت اول يوم گضيتها نوم وطول هل مدة اني ماطالعة من البيت ومشفت يوسف ابد واحسه مرايدني وبعد احسن اذا يفسخ لان مراح اكدر اتعود عليه او اتكيف مااتخيل نفسي اني وياه بغرفة ومسدود الباب علينه ،،، وبيوم عصرية جنت گاعدة اني وبابا مرته واجى يوسف
