ولدتني عاهرة
evihadil
ريم : الحمدلله جاوبت ورجعت للبيت فتت للغرفة راسن كمزت على يوسف هو فز خطية جان نايم حضنته وفرحانة جاوبت جاوبت
يوسف: ههه مو گتلج ضليت ابوس بيها وهم مكدرت تكمل عفتها على راحتها
ريم : مرن ايام الامتحان وخلصت والحمدلله جاوبت بكلهن والجو بارررد ثلج واخر امتحان رجعت راسن نمت حتى ع الغدة مگعدت جان يوسف بالمستشفى گعدت جانت ساعة 2 گمت اكلت واحس بيه نشاط گمت فتحت باب المطبخ جانت الأحذية بيهن طين والطرمة هم فتحت الصوندة وكمت ارجف باردة بس غسلت الاحذية نظفتهن من الطين وغسلت الطرمة لميت الصوندة ومااعرف ليش اجتني فكرة اركض من ثولي زلگت وايدي صارت جواية حسيت بوجع مو طبيعي بكفي اريد اگوم مدگدر بالگوة كمت وفتت واريد ابچي من الوجع و مااگدر احرك چفي لان يوجعني رحت للهول فتحت الباب جان مرت عمي وياسين وعبدالله گاعدين
ام يوسف: ريم شبيج
ريم : ببچي ، ايدي دتوجعني
ياسين : شنو وگعتي
ريم : يي زلگت ومدگدر احركها
ام يوسف: گمت لزمت ايدها وحركتها عاطت وايدها مورمة ،، گوم ياسين نوديها للمستشفى يمكن مكسورة ايدها
عبدالله : اخابر يوسف
ام يوسف: لا ميحتاج ،، وين حاطة عباتج
ريم : اني اروح اجيبها رحت لبست عباتي بالگوة الالم مينحمل ولبست شال ورحنا خطية ياسين ودانا وصلنا ياسين راح ديدور مكان يوگف سيارته فتنا لقسم الطوارئ
ياسين : خابرت يوسف ،، يوسف ريم زلكت وايدها مااعرف شبيها هسه هي بالطوارئ ويا امي
يوسف: بخوف ، بيا مستشفى
ياسين : يمك ، اني اركن السيارة واجي
يوسف: تمام ،، رحت للطوارئ عيني دور عليها لگيتها بس دموع وزميلتي دتشوف ايدها رحتلها
ريم : اجى يوسف باوعت عليه ،، يوسف دااتوجع
يوسف: رحت يمها مسحت دموعها لا تبچين هسه نسويلج اللازم ،، باوعت على زميلتي ،، تحتاج اشعة
صبا : يي تحتاج
يوسف: گومي گومتها ورحنا واجتي زميلتي هم سوينالها اشعة وانداريت على امي وياسين ،، ياسين اخذ امي ورحوا
ياسين : لا خلينا
يوسف: خاف نطول روحوا واني ارجعها
ام يوسف: ودوامك شلون
يوسف: استأذن لو اخلي احد ياخذ مكاني
ياسين : تمام ، مابيج غير العافية ريم
ريم : الله يعافيك
ام يوسف: يوسف ديربالك عليها وطمنا
يوسف: انشاءلله ، راحوا و كملت الاشعة طلع اكو كسر بكفها اليمين سولها جبيرة خلص كلشي ، ريمة ابقي اهنا هسه اجي
