جبروت القلوب

الفصل 3

كانت تسير بين المحلات ضاحكة هي واخوتها يتسايرون بينما يتمشون، فهم يريدون شراء بعض الملابس واليوم عطلة لذا خرجن مع بعضهن، لتقول نجمة بلهفة وهي تقف أمام أحد المحلات، وهي تشير لأحد الفساتين المعروضة :-
-

بصوا يا بنات الفستان دة حلو ازاي !!

كانت تشير لفستان ذهبي اللون ذو بريق مريح للعين، يضيق من الخصر وينزل باتساع وبه ذيل متوسط الطول .
أعجبت شمس به، لكن قالت قمر:-
-

بس دة موضة قديمة يا نجمة، تعالي نشوف واحد تاني حلو، وبعدين دة فستان سهرة؟

لتتحدث شمس بالنيابة عنها:-
-

ما احنا جايين عشان نشتري كل حاجة تعجبنا زي كل مرة، حتى لو فستان سهرة .. عادي، تشيله في الدولاب ولما يجي وقته تلبسه، واي على الموضة ولالا دي كمان يا قمر، احنا في حارة شعبية يا حببيبتي يعني لو لبسته هيبان كأنه مفصل وجاي خصيصا ليها، ما أنتِ عارفة انهم مبيفهموش في الحاجات دي، وبعدين..

قاطعتها نجمة بصراخ:-
-

حيلك حيلك، بس يا حبيبتي بس يا قلبي، خلاص، أنا بطلت مش عايزة اشتريه أصلا ويلا من هنا، دة اي دة !!!

أكملوا تجولهم على المحلات ليعودوا أدراجهم لمنزلهم، وفور وطأهم للحارة قابلهم فادي وسنمار، نظر لهم فادي بتعجب وبالأخص لـ شمـس التي أخفضت أنظارها أرضا تهرب منه، وتحدث:-
-

أنتوا كنتوا فين؟

رفعت نجمة الأكياس التي بيدها وأجابت بسخرية:-
-

سلامة نظرك يا فادي، كنا بنتسوق  .

تخطى سخريتها منه ونظر لشمس مرة أخرى:-
-

والست شمس متصلتش تقولي ليه أنها خارجة؟ كنت همنعك مثلا؟

رفعت أنظارها له وتحدثت بتوتر:-
-

والله نسيت اتصل بيك، قلبك أبيض يا حبيبي  .

حمحم سنمار يجذب انتباههم متحدثا بجدية :-
-

أنا واقف احترمي نفسك، واي حبيبي دي كمان؟ دة خطيبك مش جوزك فاهمة؟ ويلا قدامي على البيت  .