الفصـل العشـرون :: ❀ :: ♡♡
༺ཌ༈༈ད༻
عند اجتماع عائلـة الشمسـي في الصالة للحديث، سأل ساهر ولده الشـارد في ملكوت آخر تماما :-
- هتعمل اي يا سنمار في موضوع مراتك وولادك؟
لم يجبه سنمار لأنه لم يسمعه أصلا، فلكزته شمـس باصبعها، وعندما إلتفت لها تحدثت بهمس:-
- بابا بيتكلم معاك.
نظر لأبيه يقول بهدوء:-
- معلش يا بابا كنت سرحان بفكر شوية، ممكن تعيد تاني أنت قلت اي؟
كاد ساهر أن يوبخ ولده على شروده وهو وسط العائلة، هو ليس متسلطا لكن لـ يشرد مع نفسه في غرفته ليس وسط العديد من الأشخاص .. هكذا يعد عدم احترام وتقدير لهم، لكن نظرات زوجته التي تحذره من قول كلام يجرح ولدها جعلـه يصمت عن توبيخه، وتحدث يعيد على مسامعه سراله السابق:-
- كنت بسألك هتعمل اي مع مراتك وولادك؟؟؟
تنهد بخفة وأجاب بقلـة حيلة:-
- هتصدقني لو قلتلك أني محتار ومش عارف أعمل اي في الموضوع دة؟ أنا كنت بدور على آيلينـار كل السنين دي بس متوقعتش خالص أني عندي ولاد منها، لأن دة كان بالنسبالي شيء مستحيل!!
سألت قمـر:-
- لي مستحيل يا سنمار؟ لا أنت ولا هي عندكم موانع بتمنعكم من الخلفة صح ؟!
شرح بحرج قليل من أبويه:-
- احم لا مش كدة، بس احنا كنا عاملين احتياطاتنا عشان منخلفش، لأن آيلين مكنتش عايزة عيال وأنا كمان للصراحـة.
قال أبيه بسخريـة وغضب طفيف:-
- وأنت يا دكتور متعرفش أنك مهما عملت احتياطاتك فـ بردو احتمال كبير تخلف؟ ولا أنت كنت متخلف ولا اي حكايتك يا ابني!!
ربتت ريناد على كتفه تحدثـه:-
- خلاص بقا يا ساهر، أنت متعصب على سنمار لي؟ وبعدين أنت مش فرحان أن ليك أحفاد قمر زيهم؟
علقت نجمة بعفوية:-
- أيوة صح يا ماما، مش عارفة ازاي دول توأم وكل واحد ملون بلون مختلف عن التاني!!
وأكملت بفخر تنظر لأخاها:-
- عملت شغل عالي يا ابني، مصـر بتشكرك على الإنتاج الأوروبي دة.
ابتسم الجميع عليها وقال سنمار بألم مخفي في عينيـه:-
- أيوة الولاد حلوين جدا، بس ولا حد منهم بيشبهني.
قالت رندا تعارض رأيه فهي قد رأت مدى التشابه الكبير بين ابنها وابنه:-
- لا أنت غلطان يا سنمار، آرون نسخة طبق الأصل منك وأنت صغير في ملامحه، دة كله أنت أصلا بشعره البني وعيونه البنية، أما آدم فيه ملامح منك بس مش كتير لأنه بيشبـه أمـه وخواله أكتر.
أنت تقرأ
جبروت القلوب
Tajemnica / Thrillerجبـروت القلـوب ﴿ تمت الحمد لله 2024/09/13﴾ • بقلمي جنيـة الروايـات ♡
