ومدت يدها بالعلبـة لصديقتـها ريناد والتي أكدت على حديثها، وذلك نظرا لأنهما هما الاثنتان أكثـر شخصان بين جميع المتواجـدين يفهمون في تلك الأشياء وذلك نظرا لبيئـة نشأتهما.
فتحدثت شمس باستغـراب وتفكيـر عميق:- - هموت وأعرف هي بتشتغل اي عشان عندها كل الفلوس دي وهي لسـة صغيـرة أوي كدة، دي رجالـة بشنبات ومعديين الأربعين ومعرفوش يلموا نص مبلغ طقم المجوهرات دة.
نظرت لأخاها وأكملت بفكاهـة:- - يا بختك يا عم سنمار، دي مراتـك وهينولك من الحب جانب أنت وولادك اللي هيورثوا أمهم مستقبلا يعني بعد عمر طويـل ليها ان شاء الله.
فقال نبراس بغضب من كلامها الذي لم يعجبـه:- - أنتِ بتقولي اي؟؟ ورث اي وزفت اي؟ أنتِ عايزة أخوكِ وعياله يورثوا أختي وهي لسة عايشة؟؟ دة اي البجاحة اللي أنتِ فيها دي!؟
أسكتـه فادي بغضب من حديثـه وإهانته لزوجتـه التي أدمعت عينيها:- - نبــــــــراس
نظر لـأخيه الأكبـر منـه، وجده يغلي غضبا لتلك الإهانة التي تعرضت لها زوجتـه أمامه، ليسمع زوجة أخيه تعتذر منه:- - أنا آسفة، أنا مكنتش أقصد حاجة والله، أنا بس كنت بهـزر عادي زي كل مرة ومحطتش في بالي أنك هتاخد الموضوع بجديـة كدة يا نبراس .. وآسفـة مرة تانية.
