ظفر الجوى
بقلمي زهراء امجد
البارت الخامس
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
يوزر الانستا
Zz__127_
********************
ظليت صافنة شلون ممكن شخص يخاطر بروحه هيچ؟ وإن كان علمود زوج بس روحي اهم من كلشي
دعيت لها بالسلامة ونهينا الحديث
وللأسف بهالفترة اخلاق ختام كل ما تزيد ايام تخرب اكثر وتتجه نحو الهاوية بسبب الجماعة اللي مصادقتهُم
رتيل :
ايام قليلة مرت وعرف آزر بحملها
وللأسف وكما متوقع تبين بعد التحاليل خطورة
الأمر عليها صارت اصواتهم ترتفع بيومها اكثر واكثر كل واحد منهم عنده رأي واحد يريد ينزل الطفل والآخر يحتفظ بي بداخله
تقدم آزر بعصبية وموجه تأشير اصبعه بتهديد
ونفاذ صبر
- نور الطفل لازم ينزل ما مستعد اضحي بروحچ علمود طفل .
ردت عليه بعناد واصرار لبقاء الطفل
نور : ما انزله ما اسوي كرداش مستحيل .
آزداد غضب آزر تنقل بأرجاء الغرفة يهدأ نفسه
من العصبية اللي استحلت جسده رجع عليها بنبرة انفعال
آزر : تعرفين شنو حياتچ بخطر من هذا الطفل لو لا؟
نور : تريد اقتل روح بداخلي وخصوصًا منك حتى لو بيه موتي ما راح انزله .
هدأ نفسه ورجع شعرة للخلف تقرب لناحيتها مابقى فاصل بينه وبينها
آزر : نور انتِ مو طفلة واعلمچ اذا طفل يأثر عليچ نزليه منو گلچ اريد اطفال اني
نور : اي متريد حتى تزوج عليه موو !؟
ابتسم ابتسامه خفيفة بقهره على وضعها
- ومنو ضمنلچ اذا تموتين ما اتزوج عليچ ؟
انتِ شبيچ بابا !؟ شنو هذي الافكار
الطفل ما تبقينه فهمتيييي !!!
نور : وديني لاهلي ارتاح كم يوم اذا بقيت هناا انت الراح تموتنييييي
آزر : امري لله اشوف تاليها ويه عنادچ.
وعرفت من أمي انُّ هي عند بيت جدي بس ما رحت لأن عندي دوام
بلشت الأمتحانات وما عدنا نتجمع سوى بسبب الضغط علينا كلنا
ومرة اتفقنا نتجمع حتى لو نضرب محاضرة
بس سنر رفضت وگالت ورى الأمتحان اجيكُم
طلعنا أنا ومروان بس ما قبلوا الا ورقة من القسم
