ظفر الجوى
بقلمي زهراء امجد
البارت الثامن
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
بعدني على وگفتي دخل مروان ضرب على كتف الولد
مروان : تفضل ابو الشباب محتاج شيء
الولد : ما جاي عليك
دفع ايد مروان وراح
مروان : شكو تحچين ويا هذا السگط
سنر : يگول ختام تريدچ
مروان : چذابين ترى ، شوفي نهاية صديقچ شلون راح توگع وياهم
سنر : الله يهديها
التهينا بالمحاضرات واني امتحانات عندي لان ما امتحنت وياهم لحد ما اجتي امتحانات نهاية الكورس واني مبتعدة على البنات وملتهية ادرس
كملت كل الامتحانات الشهرية اللي فاتتني وانا
چنت مجازة ما انسى وكفت اساتذتي ويايه حسبولي شهر واحد الامتحان ذبيت كل حيلي حتى اخذ درجات كاملة الاساتذة والطلاب متفاجئين
اتفقوا كل الاساتذة ان ينقصون مني درجة بكل المواد او خمسة بكيف الاستاذ لان چان حضور ماعندي
مقرر القسم كلهم ترى هي مجازة
أجتني درجات اقل شي 35 من 40 والباقي اعلى واكو استاذين انطوني 40 كاملة.
مروان : هاي شنو سنر درجاتچ اعلى من درجاتي
سنر : شنو هاي مروان بديت تحسدني
مروان : لا والعباس تستاهلين تعبچ هذا ، محضره ان شاء الله للامتحانات النهائية ؟
سنر : ان شاء الله بكل حماس اكمل هاي المرحلة
مروان : ان شاء الله بدرجة مرضية
سنر : امين
مروان : ومقبول اليه ههههه
سنر : طموحك قليل شخص متواضع
مروان : كلش
سنر : لا جد مروان ترى درجاتك زينات حرامات تخربهن
مروان : والله لو ادرس ساعة متواصلة چان كلهن امتياز
سنر : لعد ليش ما تدرس
مروان : لعد شسوي
سنر : لا تستهزئ
مروان : اويلي من يسمعون ذولاك الناس تگولين لعد.
