ظفر الجوى
بقلمي زهراء امجد
البارت 42
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
اكيد هسه يصعد ونعرف شكو مر وقت وهوَّ ماكو
ما صعد ظلينا نلوب نريد نعرف وما نگدر ننزل نسألهم خاف نزيد الطين بلة شوية وصعدت النا رشا تنوم بتها
رتيل : قبل شوية شنو هالمصايح
رشا : يعني شنو غير عماتچ المصونات يردن بس عركة بس هالمرة آزر وگفهم عد حدهم
سنر : ليش شسون ؟
رشا : رونق تگول آزر مرتك نايمة فوك وتخدم على جمانة تصعدها وتنزلها تغسل ممة بتها
سنر : عزا بعينها عرفت راح تشوفها وتحچي توقعت والله اي شگال آزر ؟
رشا : بقى يصيح عليها وعلى ام سجاد وعلى كل واحد يدخل بحياتكم
رتيل : رشا احچي عدل ما أريد تختصرين
رشا : گلها بتها وبكيفها تنزلها تخدم عليها تكتلها تحرگها مالكم علاقة انتم لا تدخلون البنية بتها
ام سجاد : طفلة تنزل تغسل ممة
آزر : اي تغسل ممة تغير حفاظة خواتها تعرفن شنو معنى خوات واشر على رونق منين تعرفين معنى الاخوه انتِ
ام سجاد : بنت اختنا وما نقبل هيچ تشتغل
ام حسام : لا آله الا الله
آزر : عوفيهن يمه هسه تذكرن عدهن بنت اخت تدرين بنت اختچ يا صف وصلت شاطرة لو لا لچ
هي حتى ما معتبرتكم خوالها روحوا شوفها شلون تحب اخوان سنر وتشبك بيهم وخالو وخالو لو اول مدخلت مدرسة جهزتها ام سنر بيبيتها ام امها
ام سجاد : ندري بيك معايز ومتقصر وياها فما نشتري
آزر : واني ما أريد شيء منكم الها بس اللي اريده حياتي مالكم علاقة بيها تبتعدون عنها وجمانة حتى خليها تتعلم تسوي ممة لاختها خاف سنر مشغولة لو تتعب واللي يگول سنر هيچ سوت لجمانة كلام موجهه للكل منو منچن ما ضاربة ابنها
ام حسين : كلنا نضربهم وبهذا عمرهم كبار ومرات اطيح حضهم
آزر : رحمة الله والديچ سنر مرت الاب مثل متگولون مافد يوم رفعت ايدها لا على جمانة ولا ريحانة واذا ضربت وحدة منهم تزعل مني هي فبعد منا وجاي اللي يدخل بحياتنا وتربية سنر للبنات لا يدخل بيتنا ترى مليت وطگت روحي واني اسمعكم تحچون عليها واگول نسوان اخوتي وكبار وعيب احچي
