ظفر الجوى
بقلمي زهراء امجد
البارت 13
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
رحت گتله تفضل استاذ
استاذ عصام : بس روحي لدكتور آزر شوفي كم طالب بقى يمه حتى اجيب ذولي الطلاب لان عندي محاضرة هسه وبعد وقتهم ما خلص
- تمام استاذ رجعت لآزر العفو استاذ بس استاذ عصام عنده محاضرة ويريد يجيب طلاب
طلع بالباب وأشر الاستاذ عصام ودخل كأني وحدة غريبة حچت وياه حيل ضجت من هالتصرف وتعامله كل شويه بطريقة ، مروان چان بعده گاعد يمتحن
- استاذ بس اريد ادخل اخذ جنطتي
حچه بنتر من ورى خشمه
آزر : فوتي
دخلت وصلت لستولي اخذت الجنطة وحركت الستول حيل انتبه عليَ وباوعلي بـ نظرة اللي معاجبه شيء طلعت من يمه نزلت جوه اشتريت بطل مي وجبس وانطيت فلوس جاي اطلع ونضربت بولد
- العفو ما نتبهت
-عادي ولا يهمك باوع عليَّ
- سبحان الخلقچ
حچاها وعبر من يمي عفته وطلعت رجعت للقاعة الفارغة ، الولد طلعوا منها بس بنات باقيات هاي تاكل وهاي تصور وهاي اللي تسولف كملت اكل جبس وشربت مي ورحت أغسل بالحمامات ، الحمامات خاصة بالاساتذة بس بيها مراية چبيرة البنات يعدلن مكياجهن لو نغسل ادينا بيها ويبقى الباب مفتوح
غسلت وجاي ارتب بالتنورة من تراب الكراسي
رفعت راسي وانتبهت على آزر گاعد بالغرفة المقابيلي ومخلي اديه إثنينهن جووه حنچه من شافني باوعت عليَّ هز ايده ودار وجهه
عابت على كلشي ما يعجبه هسه اني شورطني
وگتله اي قابلة وهو شخصيته ما أعرفها عدل
طلعت شفت مروان مقابيلي
مروان : هااا حمامة غراب
ضحكت على امثاله اللي يضربها
- هاي شنو وهاي شنو
مروان : حمامة يعني مجاوبة وغراب لا
- لعد غراب
مروان : يالله حضريله شعر شرح او محادثة نقدية
- لو اعرف هذني چان حفظت اللي بالملزمة وجاوبت ولا هالدوخة بقى يضحك
دخلنا محاضرة ورى المحاضرة اجت ختام
ختام : اعتذر منچ والله هو چان يهددني حتى اخذت اجازة خفت من الفضايح تدرين بيومها تخربطت ودخلت مستشفى
